2 Ɓatɛsalɔníka 1:8 - Ɔngana á Kɛ̌kɛ

⁸ Adidande k'ɛɛmbɛ á nsa. Aětambisagande ɓunde ɓánaomúba Mokonga, na ɓunde ɓáoyá ɓeekea á Mbinɔ-Ánjá ndea Mɔkɔta nɛsu Yéso Kiísito.

2 Ɓatɛsalɔníka 1:8 Iomraidhean Croise

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 25:46

Cɔ, ɓɔ, ɓágande otambanga mɛyɔ. Ɓato á koɗoni gǎkɛ ɓáɓande na enda á mɛyɔ.»

Yoáni 3:19

Cina á tena á nyɔngɔ nɛkɛ akpɛ a ɓe: owanga ndea Mokonga abiki ka mokonda. Ɓakpa ɓáyé gǎkɛ owanga ndɔɔ, ɓâ ndiu okonda kaiphiɔ. Nga, tambea aɓɔ aájeɗe.

Yoáni 8:19

Ɓâ gǎkɛ omúsia: «Cɔ, Abakɔ a wani?» Yéso áǒsikisia: «Ɓókóomoúba eme, ɓókó phɔtɔ omúba Abɛ. Ɓo ye omoúba eme, ámbé ɓomúbande phɔtɔ Abɛ.»

Ekuma á ɓateki 6:7

Mpɔ, nyɔngɔ á Mokonga áɔɛmba phɛɛ, ɓagoigi ɓáoɓika phɛɛ ka Yɛusalɛ́ma. Ɓatoɓeigi-phɛ́a ɓásii ɓâ phɔtɔ omɓeekea Yéso.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 10:16

Ɓakpa ɓɔbu ɗáɓákáɓeeki gǎkɛ Mbino-Ánjá ndɔɔ. Isáya ɗáyɔngi ɓe: «Mɔkɔta, ani mmbé atóɓeeki Mbino-Ánjá nde ɓetúɔtɔmiaga?»

Ɓalɔ́ma 15:18

Aoɓá na neogea nɛ́yɔngɛ ká kema, nɛyɔnga tɔ nnde Kiísito ɗátɔtɔkisi k'ékuma nɛmɔ ka yɔnga na ka tambea ani ka ɓotea ɓunde ɓáná Ɓayúda ka gea ɓámɓángɛ Mokonga.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

1 Ɓakɔlítɔ 15:34

Cɔ, sikiani kanisia ánjá, ɓóɗeketɛ ɓojeɗe. Ɓakpa ɓuangbo sɔsɔɓɛ anu ɓánáomúba Mokonga. Nɛyɔngi ɓó ka kusa anu na soni.

2 Ɓakɔlítɔ 10:5

ɓeogusa kema bubui nde ɓakpa ɓáǒbeba ně ka imisia úbapha ndea Mokonga. Úbapha ájeɗe áoɓá ɓea nto émani, mmbé ɓándungi, ɓáomakea ka mekakɔ gea, ámɔ́kɛ tɔ Kiísito.

Ɓagalatía 3:1

Ɓagalatía ɓabóbó nde ca! Ani mmbé anɔɔgi mɔnɔ? Nyɔngɔ á kukuwa á Yéso ka moyangɔ ɗáɓátɔ̌migi ú base mosá anu.

Ɓagalatía 4:8

Cɔ, ɓî ɗóɓókótúomúba Mokonga mosá, ɗóɓotú ɓakɔɓɛ á ɓamokonga á mbɛa. Ɓamokonga ndɔ ɓáná á ɗoni.

1 Ɓatɛsalɔníka 4:5

kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.

Ɓaɛbulanía 10:27

Kema nde ajigi gǎkɛ a tɔ ɓondeaga á tena nyɔngɔ akpɛ nnde aoɓángisa, phɔtɔ na nsa ángbó nde ɛ̌ɛkɛkisagande ɓaɓiɓia ndea Mokonga.

Ɓaɛbulanía 10:30

Nga, ɓéomúba mmbé ɗáyɔngi: «Eme aámbé negisiande, eme aámbé nephendande.» Â goto ɔyɔnga gea: «Mɔkɔta atenande nyɔngɔ ndea ɓakpa nɛkɛ.»

Ɓaɛbulanía 11:8

Ka nyɔngɔ á ɓeekea, Abalaámu ɗáɓeeki mɔphani ndea Mokonga gea te, átokɛ ka nji nɛkɛ ágɛ ka nji nde Mokonga ɗámɔku gea átɔ́ɛ ú ka ɓotukɔ. Abalaámu áotóa kángá úba ɔma nde aoga.

Ɓaɛbulanía 12:29

Eya, Mokonga nɛsu ande nsa nde aɔɛkɛkisaga.

Ɓaɛbulanía 2:3

Cɔ, ɓeúkande tena á nyɔngɔ ndeasu akpɛ ɓo, kaɓɛ na ɓɛɓɛnjigi nyɔngɔ ángbó á ɓoamia ɓínde? Nga, nyɔngɔ ndɔ Mɔkɔta aámbé ɗákpangi tɔ̌mia í, mpɔ ɓunde ɗáɓáɔ́ki ɓáoengekisa ka ɓesu.

Ɓaɛbulanía 5:9

Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Pɛ́tɛɛ 3:6

A tɔ ɓíndɔ Sála ɗáɔmɔ́ka Abalaámu, áɔmɔphana «mɔkɔta». Kɛ̌kɛnde, ɓonde ɓaseka nɛkɛ, aoɓá na ɓoogea ánjá, kángá á kɔɓɔɓɔkɔ á kema.

1 Pɛ́tɛɛ 4:17

Cɔ, mbenɔ á tena nyɔngɔ a bîmani. Aoɓá tena á nyɔngɔ n'akpangi ka ɓesu ɓato á Mokonga, sungiaga í aɓande ɓoni ka ɓunde ɓáoyá ɓeekea á Mbino-Ánjá ndea Mokonga?

2 Pɛ́tɛɛ 3:7

Moyo á Mokonga abisi phɔtɔ mokonda na koba á kɛ̌kɛnde, ka túkatúka í na nsa k'ésa á tena á nyɔngɔ. Esa ndɔ unge ɓakpa ɓɔbu, ɓunde ɓákáomɓánga Mokonga ɓáɓúngagande.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»

Mphaniɔ 6:10

Ɓɔ, ɗáɓáɔyɔnga n'ɛsɔ akpɛ te: «Mɔkɔta, nto á kanga á ɓojeɗe na nto á ɗoni, ka mbenɔ sina nde ooɓondea tena á nyɔngɔ á ɓato á ka mokonda, na gisia á magia asu?»