2 Ɓatɛsalɔníka 1:7 - Ɔngana á Kɛ̌kɛ

⁷ Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

2 Ɓatɛsalɔníka 1:7 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 16:28

Nenóngoɗi ɗoni gea, ka ɓunde ɓá wani, ɓákákuwɛku mosá á ɔna á Muna-Nkpa, n'aobika ɓea Moamɛ.»

Matáyɔ 25:31

Mbenɔ nde Muna-Nkpa abikande k'óbebɔ nɛkɛ kimoci na ɓamalaéka ɓɔbu, aikande ka kankaanga á koɓoamɛ.

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 26:64

Mpɔ Yéso áongoɗea te: «O ye yɔngi ú. Nekongoɗi gea, kpanga á kɛ̌kɛnde ɓɔmɔnande Muna-Nkpa n'aiki ka njaga á mǔku á Mɛna-ɓukpɛkpɛ, n'asɛnɛki k'égugu á na koba.»

Málikɔ 14:62

Yéso áosikisia: «Eya! Eme yɛ. Ɓenu phɔtɔ, ɓɔmɔɔnande, eme Muna-Nkpa, na neiki ka njaga á mǔku á Mokonga Mɛna-ɓukpɛkpɛ, na neobika k'égugu á na koba.»

Málikɔ 8:38

Aoɓá nkpa n'aku na soni ka phɔani na ka phɔa ɓɔphɛi nɛmɔ mosá á ɓakpa á k'ɛ́ɓɔkɔti nde, nga ɓánde ɓato á ɓojeɗe na ɓakpa nde ɓán'ye Mokonga, eme Muna-Nkpa nenkuiande phɔtɔ soni esa nde nebikaeka ka ɓoombia ndea Abɛ Mokonga kimoci na ɓamalaéka á kanga ɓojeɗe.»

Lóka 16:25

Abalaámu â ndiu ongoɗea te: «Miki amɔ, kanisia gea te, ɗɔ́tɔi kema ánjánja ka enda akɔ, Lajáɔ â gǎkɛ ɔtɔa kema ájeɗe-jeɗe. Kɛ̌kɛnde gǎkɛ, aphɔngi tɔ wani phio! Oɓɛ aámbé o ndiu ká tambaga.

Lóka 17:30

Aɓande phɔtɔ ɓó esa nde eme Muna-Nkpa nɛsɛnɛkande.

Yoáni 1:3

Mokonga ɗáconji kema bui ka Moyo. Nna tanda na kema moci nde ɗágeani kángá yɛ.

Yoáni 1:51

Mbusa í, â phɔtɔ ongoɗea: «Eya, nenóngoɗi ɗoni gea, ɓɔɔnande koba n'akoɗokani, ɓamalaéka ndea Mokonga na ɓáotáia na dida gǔ ani eme Muna-Nkpa.»

Ekuma á ɓateki 1:11

Ɓáǒngoɗea te: «Ɓato á ka Galiláya, nyɔngɔ sina nde ɓomamei wani, na ɓɔɔnjia na koba? Yéso, mmbé Mokonga ɗántókisi ka nkíndí anu, áontáisa na koba, ajande goto tɔ ɓíndɔ ɓɔmɔni n'aotáia na koba.»

Ekuma á ɓateki 3:19

Cɔ, akeni phɔ́ ɓókětiɛ tambea anu, ɓóopháiɛ ka Mokonga. Mpɔ, áoíma ɓojeɗe nɛnu.

Ɓalɔ́ma 8:17

Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

1 Ɓakɔlítɔ 3:13

Cɔ, k'ésa á tena á nyɔngɔ, etéte á ekuma ndea nkpa na nkpa aɔnɛkanande base. Esa ndɔ, aɓande na nsa, nsa ndɔ unge, aphangiande base etéte á ekuma ndea nkpa na nkpa.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

Ɓaɛphɛ́sɔ 1:2

Ambe Abasu Mokonga na Mɔkɔta Yéso Kiísito, ánophɛ́ ɓonjánja-ékondi na ɓujɛjɛ.

Ɓakɔlɔsái 1:16

Nga, ka yɛ aámbé Mokonga ɗáconji kema bui nde ana koba, na nnde á ka mokonda, nnde ɓáɔɔna, na nnde ɓánáɔɔna, ɓukpɛkpɛ na ɓansombo nde ɓá na kɔkɔta. Nndɔ bui, Mokonga ɗáconji ka yɛ na ka phɔa akɛ.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

2 Timɔtɛ́ɔ 2:12

Aoɓá na ɓeophiphia tambaga kimoci na Kiísito, ɓemameande nji kimoci na yɛ. Kaɓɛ na ɓen'yé Kiísito, yɛ phɔtɔ, asóyande.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Ɓaɛbulanía 10:27

Kema nde ajigi gǎkɛ a tɔ ɓondeaga á tena nyɔngɔ akpɛ nnde aoɓángisa, phɔtɔ na nsa ángbó nde ɛ̌ɛkɛkisagande ɓaɓiɓia ndea Mokonga.

Ɓaɛbulanía 12:29

Eya, Mokonga nɛsu ande nsa nde aɔɛkɛkisaga.

Ɓaɛbulanía 4:1

Mokonga ɗásɔɔku ɓesu gea, asóphande aphe á ngia ka muúmbiɔ nɛkɛ. Cɔ, ɓɛ́ɛnjiɛni ɓonjánja kaɓɛmbɛ na ka ɓesu moci mmbé aúkande aphe á ngia kau

Ɓaɛbulanía 4:11

Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

Ɓaɛbulanía 4:9

Ande gea te, muúmbiɔ ɓíndɔ á saɓáto ajigi tɔ ka ɓakpa ndea Mokonga.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

2 Pɛ́tɛɛ 3:7

Moyo á Mokonga abisi phɔtɔ mokonda na koba á kɛ̌kɛnde, ka túkatúka í na nsa k'ésa á tena á nyɔngɔ. Esa ndɔ unge ɓakpa ɓɔbu, ɓunde ɓákáomɓánga Mokonga ɓáɓúngagande.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 14:10

anoande makana akáe á esúia ndea Mokonga, nnde ɓáɗuki ka cǎ nde atúmi n'esúia nɛkɛ. Ɓakpa ɓea ɓundɔ ɓátambagande ka ɛɛmbɛ á nsa, mosá á ɓamalaéka ndea Mokonga á kanga ɓojeɗe na mosá á Muna-Mɔgɔgɔ.

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»

Mphaniɔ 20:11

Mpɔ, nɛ́ɔɔna kankaanga ángbó á kɔkɔta ábu na mmbé ɗáikiɗíí. Koba na mokonda, áondia mosá akɛ kaɔnɛkanɛ ye,

Mphaniɔ 21:4

Akɔmbɛande iɓo á ngamɔ bui á k'íso aɓɔ. Kukuwa, oiɔ, ngamɔ, ɛyɔka káɓɛku ye nga, mokonda á kala ɗándǐ.»

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»

Mphaniɔ 22:6

Mpɔ malaéka áomongoɗea te: «Nyɔngɔ nde ande á seɓea í nga, ande ɗoni. Mɔkɔta Mokonga mmbé Měma akɛ ɗáɔ̌sɔndɔɛa ɓaɔtu-nyɔngɔ nɛkɛ, yɛ aámbé anteki malaéka nɛkɛ gea, ágɛ áephangiɛgɛ ɓabɛɗanigi nɛkɛ nyɔngɔ nde aobika kɛ̌kɛnde.»

Mphaniɔ 22:9

Yɛ, â gǎkɛ omongoɗea te: «Caa! Kógeɛmbɛ ɓó! Nga, eme nende mbɛɗanigi ɓea ɔɓɛ, ɓea ɓadakɔ ɓaɔtu-nyɔngɔ ndea Mokonga na ɓea ɓɔbu ɓunde ɓáotétemisa nyɔngɔ nde a suɓi á ɓuku ndee. Mokonga ndiu aámbé ómbebɛ.»

Mphaniɔ 6:11

Ɓâ gǎkɛ ǒɓopha nkpa na nkpa bɔngɔ éndǎ ábu, ɓáǒngoɗea te, ɓáɓondeɛ phɔ́ ka mbenɔ ábɔa na ka ɓî mɔɔmba á ɓadaɓɔ ɓabɛɗanigi na ɓana-amaɓɔ íɓunde ɓásiande ɓea ɓɔ, akpeengeanande.