2 Ɓatɛsalɔníka 1:3 - Ɔngana á Kɛ̌kɛ

³ Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

2 Ɓatɛsalɔníka 1:3 Iomraidhean Croise

Lóka 15:32

Akeni ɓéguɛ jaí na ɓéɓɛ na maseye ka nyɔngɔ nde, mɔtɔ akɔ atóku mɔnɔ, ajujúki gǎkɛ ka kukuwa. Atóɓúngigi mɔnɔ, nɛmɔni gǎkɛ.›»

Lóka 17:5

Ɓateki ɓáongoɗea Mɔkɔta gea: «Yamea ɓeekea nɛsu.»

Yoáni 15:2

Aotena ntabi bui nnde ajúkani n'eme na nnaɔgɔmba. A gǎkɛ ɔɓɔngisiaga nnde aɔgɔmba ka gea te, ágɔmbɛ goto phɛɛ.

Ɓalɔ́ma 1:8

Mosá á kema bui, neonsega Mokonga nɛmɔ ka Yéso Kiísito ka phɔa anu ɓenu ɓɔbu ka nyɔngɔ nde, ɓáɔtɔmiaga mbino á ɓeekea nɛnu ka mokonda bui.

1 Ɓakɔlítɔ 1:4

Neonsega Mokonga nɛmɔ esa bui ka nyɔngɔ á ɓonjánja-ékondi nɛkɛ nde anóphi ka nyɔngɔ á jukana anu na Yéso Kiísito.

2 Ɓakɔlítɔ 10:15

Cɔ, ɓékéǒɗokomisa amanyɛ́nyɛa ka nyɔngɔ á ekuma ndea ɓakpa ɓuangbo. Ɓeseɓei ndiu gea, ɓɔmɔtande ka ɓeekea nɛnu. Mpɔ, ekuma nɛsu â phɔtɔ ondanda sɔsɔɓɛ anu na sikia gǎkɛ tɔ ka muwɔ nde ɗáɓásóbisíí.

Ɓaɛphɛ́sɔ 5:20

Nsegani Abɛ Mokonga esa bui ka kema bubui, k'ína á Mɔkɔta nɛsu Yéso Kiísito.

Ɓaphilípi 1:7

Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

1 Ɓatɛsalɔníka 3:12

Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

1 Ɓatɛsalɔníka 3:6

Kɛ̌kɛnde gǎkɛ, Timɔtɛ́ɔ asódondi ɓî atóki mɔtɛ-anu. Asɔtɔ̌migi nyɔngɔ ánjá, ndea kondana anu na ɓî ɓo phɔ́tɔ omɓeekea Kiísito. Ɓo phɔtɔ osókanisia esa bui na měma ánjá. Ɓóokonda dondana na ɓesu, ɓea bî ɓe phɔtɔ okonda dondana na ɓenu.

1 Ɓatɛsalɔníka 3:9

Eya, ɓetúmi na maseye ka nyɔngɔ anu, ɓékéɔtɔka na ɓeɗeketi sega á Mokonga.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

2 Ɓatɛsalɔníka 2:1

Ɓaya, ka nyɔngɔ á ja á Mɔkɔta nɛsu Yéso Kiísito na dondanaga asu na yɛ, ɓenóɗengemisigi gea,

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

2 Pɛ́tɛɛ 1:13

Eya, nɛɔni ánjá nénojujúkisɛ ka kanisia anu mbenɔ nde ne phɔ́tɔ koenda.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.