2 Ɓakɔlítɔ 9:2 - Ɔngana á Kɛ̌kɛ

² Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

2 Ɓakɔlítɔ 9:2 Iomraidhean Croise

Ekuma á ɓateki 18:12

Cɔ, ka matú nde Galíɔ ɗátú mɔkɔta ndea Ɓalɔ́ma ka Akáya, Ɓayúda ɗáɓájúkani gǎkɛ ka maca á Pɔ́lɔ, ɓáombika ně ka ntua á tena á nyɔngɔ.

Ekuma á ɓateki 24:17

Cɔ, ɓî ɗékétú ka Yɛusalɛ́ma ka ɓasaga ɓásii, ɗébiki goto ka nyɔngɔ á gaba á imɔna ka ɓato-ékuna nɛmɔ, na phúia ɔ́phɛ́ɔ.

Ɓalɔ́ma 15:26

Kanisa á ka Makɛdɔnía na nnde á ka Akáya ɗáɓáɔni ánjá ɓákɔngɔɛ imɔna ka taɓea ɓaɓêki á ka Yɛusalɛ́ma ɓunde ɗáɓátú ka ɓuyɛnɛ.

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 7:14

Eme, neǒbeba na ɓenu mosá akɛ nga kéku na soni. Ɓî ɗéɓeonóngoɗea esa bui nyɔngɔ á ɗoni, na ébeba asu na ɓenu mosá á Titɔ ɗátú tɔ ɗoni.

2 Ɓakɔlítɔ 7:4

Nenóseɓei phɛɛ na ɓe phɔtɔ ǒbeba na ɓenu. Nanga ɓétambaga, měma ani atúmi na nténdé na maseye.

2 Ɓakɔlítɔ 8:10

Cɔ, kanisia ani ka nyɔngɔ ndɔ aɓe: Aánjá ɓɔ́sɛkisiɛ ekuma ndɔ ɓíndɔ ɗóɓokpangi ka saga ndɔ anyɛ́nyi. Nga, ɓenu ɓáunge ɗóɓokaɓi ekuma ndɔ mosá-mosá ka saga nde anyɛ́nyima, ɓô phɔtɔ ko anga tɔtɔkisa í.

2 Ɓakɔlítɔ 8:11

Cɔ, kɛ̌kɛnde, kpeengeanisani ekuma kau. Mbenɔ nde ɗóɓoangi tɔtɔkisa í, ɗɔ́ɓɔɔnisi mɔphɛ ánjá nɛnu phɛɛ. Ɓî ɓo tɔ na mɔphɛ ánjá ndɔ, ɓokpeengeanisande ekuma ndɔ ka ɓeana n'ɛtɔi nɛnu.

2 Ɓakɔlítɔ 8:19

Kanisa bui ansɔmbu gea, ágɛ na ɓesu k'aphe á bɛɗanaga ekuma ndɔ égabɔ. Ɓɛɔɓɛɗanaga ekuma ndɔ, ka ɗokomisa á Mɔkɔta sasakɛ na ka phangia mɔphɛ asu ánjá.

2 Ɓakɔlítɔ 8:24

Kaɓondɔ, phangiani ekondi nɛnu ka ɓakpa ndɔɔ. Mpɔ, kanisa bui aengekisande gea ɓena ekondi ka ɓenu na úba gea, ɓekeni ébeba na ɓenu.

2 Ɓakɔlítɔ 8:8

Kéonósosea, ne ndiu ɔyɔnga nyɔngɔ á moíngí nde ɓadanu ɓátú ně. Kaɓondɔ, nenóphi mbenɔ á ɔnisa gea, ekondi nɛnu ande á ɗoni.

1 Ɓatɛsalɔníka 1:7

Kaɓondɔ, ɓonde mphangiɔ ka ɓaɓêki ɓɔbu á ka Makɛdɔnía na á ka Akáya.

Ɓaɛbulanía 10:24

Ɓéenganɛni ka gea te, nkpa na nkpa átɔtɔkisɛ ekondi na ekuma ánjá ka dakɛ.