2 Ɓakɔlítɔ 9:14 - Ɔngana á Kɛ̌kɛ

¹⁴ Ka nyɔngɔ ékondi ásii, aunge ɓakpa ndɔ ɓámɛmande Mokonga ka phɔanu ka nyɔngɔ á ɓonjánja-ékondi ndea Mokonga ka ɓenu.

2 Ɓakɔlítɔ 9:14 Iomraidhean Croise

Lóka 16:9

Mpɔ, Yéso áɔsɛkisia ɓe: «Nenógie, gabani nkumba nɛnu ódemayɔ ka gea te, ɓóokondisɛgɛ na ɓadanu. Nga, esa nɛngbo, ɛtɔi nɛnu asiande. Mpɔ ɓánoseseande k'ɔ́ma á ɓoiki á mɛyɔ.»

Ɓalɔ́ma 1:11

Eya, nena mɔphɛ phɛɛ áɔna anu ka gea, nénophɛ ebigɔ á ka měma ka kpagisaga měma anu.

2 Ɓakɔlítɔ 1:11

Nga, ɓeoúba gea te, ɓosóengande k'ɛ́mɛmi ka Mokonga, yɛ aámbé aɓeekeande ɛmɛmi ndɔɔ. Mpɔ ɓakpa ɓásii ɓáombeba Mokonga ka nyɔngɔ asu, mbusa áosópha ɓonjánja-ékondi nɛkɛ.

2 Ɓakɔlítɔ 8:1

Ɓaya, ɓekondi ɓóúbɛ ɓî Mokonga aɔnisi ɓonjánja-ékondi nɛkɛ ka kanisa bubui á ka Makɛdɔnía.

2 Ɓakɔlítɔ 9:13

Ɓǒphangiande ɓakpa base ekuma nɛnu ánjá. Ɓakpa ɓásii ɓánɗɔkɔmisande Mokonga ka nyɔngɔ á ɔ́kapha anu. Nndɔ ungɔ aoɗigimisa ɓeekea nɛnu ka Mbino-Ánjá ndea Kiísito. Ɓámbebande phɔtɔ ka nyɔngɔ á ɓonjánja nɛnu ka égabea ɓɔ nkumba nɛnu na ɓuangbo ɓɔbu.

2 Ɓakɔlítɔ 9:15

Cɔ, ɓosegi ka Mokonga ka nyɔngɔ á egabɔ nɛkɛ ángbó phɛɛ.

Ɓaphilípi 1:8

Mokonga ande nɗigimisi nɛmɔ, nenókondi phɛɛ n'ekondi ndea Kiísito Yéso.

Ɓaphilípi 2:26

Cɔ, ɓî ɗáseɓei phɛɛ gǎ ɔna anu goto ɓenu ɓɔbu, ɗá gǎkɛ oiyanaga phɛɛ ka nyɔngɔ nde, ɗɔɓɔɔ́ki gea, ɗátú osamba.

Ɓaphilípi 4:1

Ɓadani ékondi, ne goto na siki á ɔna anu phɛɛ. Nena maseye ka phɔanu na ka nyɔngɔ anu unge néǒbeba. Ɓadani ékondi, ɓî a ɓó, mamani akpɛ ɓî ɓo kimoci na Mɔkɔta.

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.