2 Ɓakɔlítɔ 8:9 - Ɔngana á Kɛ̌kɛ

⁹ Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

2 Ɓakɔlítɔ 8:9 Iomraidhean Croise

Matáyɔ 17:27

Cɔ, ɓékéokonda ɓɛisa á ɓakpa ndee. Kaɓondɔ, gǎ k'étǔ, ómakeɛ kɔ̌ɓɔ, sú nde ɔɔmɔpha k'ama mosá-mosá, kóɗa aphenɔkɔ akɛ. Kó, odondande imɔna moci, bɛɗa ú, óɓophɛ ka phenda á manjanja ínɛmɔ na ndeakɔ.»

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Matáyɔ 8:20

Yéso áongoɗea: «Ɓanyama ɓea ɓakɛnsɛngɛ ɓá na kubu, ɓambǔ ɓá na iɓɔ. Cɔ, Muna-Nkpa, nna gǎkɛ na ɔma á tɔ̌.»

Málikɔ 6:3

Nna phɔ́ nto á ɓɔi á mɔphɛkɔ aámbé? Muna Malía, muna-amakɛ na Yakɔ́ɓɔ, Yɔ́sɛ, Yúda na Simɔ́ni? Cɔ, ɓáwákɛ ɓáná ka ɔlɔ asu?» Kaɓondɔ unge, ɗáɓákámɓeeki.

Lóka 16:11

A gǎkɛ oɓá na ɓókóambi na koɗoni ɛtɔi ódemayɔ, ani mmbé ánophande ɛtɔi á ɗoni gea te ɓóambɛ?

Lóka 2:7

áɔmɓɔkɔta ánge nɛkɛ, miki-mǒko, áonkombea na ngɔ́mbɛ, áɔmɔyia suɓi á ɔma á isa á ɓanyama. Nga, ɗáɓákátú n'ɔ́ma, k'éndu á ɓakɛni.

Lóka 8:3

Yɔána nka Kúja ímbɔ mɛna-moangɔ á nkumba á k'éndu ndea Moamɛ Ɛlɔ́dɛ, Sujána na ɓake ɓuangbo ɓásii ɓâ phɔtɔ omɓea Yéso. Ɓɔbu ɗáɓáphúi imɔna na nkumba nɛɓɔ, ɓáǒúnaneaga ně Yéso na ɓagoigi nɛkɛ.

Lóka 9:58

Yéso áongoɗea: «Ɓakɛnsɛngɛ ɓá na kubu. Ɓambǔ, ɓá na iɓɔ. Eme Muna-Nkpa ké gǎkɛ n'ɔma á maka kamonga.»

Yoáni 1:10

Moyo ɗátú ka mokonda. Mokonga ɗáconji mokonda ka Moyo, ɓato á ka mokonda ɗáɓákánengekisi gǎkɛ.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:17

Nga, Mokonga ɗásóphi ɛɔphi ka njaga á Mósa, Yéso aámbé asobikíí ndiu na ɓonjánja na koɗoni.

Yoáni 12:30

Yéso â gǎkɛ ǒsikisia: «Nna ka nyɔngɔ ani unge ɛsɔ ndɔ aɔ́kɛkani, a ndiu ka nyɔngɔ anu.

Yoáni 16:15

Kema bubui nde Abɛ aně, ande nɛmɔ. Ka nyɔngɔ índɔ unge ɗénongoɗi, kema nde anɔtɔmiande, atókande ně mɔtɛ-amɔ.

Yoáni 17:19

Ka nyɔngɔ aɓɔ unge, něyamei buani k'óɓɛ, ka gea, ɓɔ phɔtɔ ɓáɓɛ ɓakpa nɛkɔ ɗoni.

Ɓalɔ́ma 11:12

Ka nyɔngɔ á ɓojeɗe ndea Ɓaisilaɛ́li aunge aɛ́tɔisi ɓato á ka mokonda ka měma. Tugbanaga aɓɔ aɛ́tɔisi ɓato á k'ékuna nengbo. Cɔ, ɓonjánja-ékondi aɓande ángbó phɛɛ ka amá á Ɓayúda ɓɔbu ka měma!

Ɓalɔ́ma 15:3

Nga, Kiísito ɗákákaɓi kema nde ɗáɔmɓɔngɛa sasakɛ. Ɓíndɔ Ɓuku á Mokonga ayɔngi gǎkɛ: «Yɔnga bui á mbóma nde ɓáɔyɔnga ka phɔakɔ amogui.»

Ɓalɔ́ma 5:8

Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?

1 Ɓakɔlítɔ 1:4

Neonsega Mokonga nɛmɔ esa bui ka nyɔngɔ á ɓonjánja-ékondi nɛkɛ nde anóphi ka nyɔngɔ á jukana anu na Yéso Kiísito.

1 Ɓakɔlítɔ 15:47

Mokonga ɗánconji nkpa ɓa k'ama mosá-mosá na oɗo. Nkpa ɓa ko baɓɛ, Kiísito ɗátóki gǎkɛ na koba.

2 Ɓakɔlítɔ 6:10

Ɓáɔsɔ́ɓɛisa na ɓe gǎkɛ na maseye esa bui. Ɓáokanisia te ɓende ɓaúki, na ɓendiu ɔ̌tɔisa ɓakpa ɓunɛngbo. Ɓáokanisia te ɓéké na ka kema, na ɓe ndiu na kema bubui.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaɛphɛ́sɔ 3:19

Ɓoúbande ekondi nde anyɛ́nyi úbapha bui na ɓɔtɔande enda bui ndea Mokonga na aikande buakɛ suɓi anu.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

Ɓaɛbulanía 1:2

Cɔ, ka ɓ'esa nde á sungiaga, ɗáyɔngi gǎkɛ na ɓesu k'aphe ndea Miki-Mǒko ndeakɛ. Miki ndɔ aámbé yɛ ɗámbisi mɛna-ɓotukɔ á kema bubui, na k'aphe á Miki ndɔ unge Mokonga ɗáconji mokonda bui.

Yakɔ́ɓɔ 2:5

Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 21:7

Mmbé akíndande, nenkɔmande, neɓande Mokonga nɛkɛ, yɛ áoɓá miki-mǒko nɛmɔ.

Mphaniɔ 3:18

Kaɓondɔ unge, nɛɔphɛí gea, Somba láté mɔtɛ-amɔ, nnde ɓáɓɔngisigi ka nsa étombe, ka gea, óɓɛ ye tɔ ntɔi á ɗoni. Somba phɔtɔ bɔngɔ ábu ka gea, ɔ́ɔ́lɛ, ɔ́sɔmɛɛ soni á ndúmbú akɔ. Somba goto manga á siá k'íso akɔ ka gea, ɔ́ɔnaphɛ.