2 Ɓakɔlítɔ 8:8 - Ɔngana á Kɛ̌kɛ

⁸ Kéonósosea, ne ndiu ɔyɔnga nyɔngɔ á moíngí nde ɓadanu ɓátú ně. Kaɓondɔ, nenóphi mbenɔ á ɔnisa gea, ekondi nɛnu ande á ɗoni.

2 Ɓakɔlítɔ 8:8 Iomraidhean Croise

Ɓalɔ́ma 12:9

Ambe ekondi nɛnu áɓɛ kángá maibe. Kángeani ɓojeɗe, ɓóoyameɛ ka ɓonjánja.

1 Ɓakɔlítɔ 7:12

Cɔ, ka ɓakpa ɓuangbo, eme nɛyɔngi ɓe, nna Mɔkɔta: Aoɓá mǒko mɓêki n'ana nke nde nna mɓêki, nke ndɔ aokonda ika na yɛ, mǒko kan'yɛ́mbɛ.

1 Ɓakɔlítɔ 7:25

Ka ɓunde ɓákáɔmanimbɛ, Mɔkɔta kámososi ka kema ka phɔa aɓɔ. Nɛɔnɔphɛa nga, nende nkpa nde akeni ɓáɓeekeɛ nyɔngɔ nɛmɔ ka nyɔngɔ á ɓonjánja-ékondi nde Mɔkɔta ɗámopi.

1 Ɓakɔlítɔ 7:6

Nyɔngɔ ndɔ, nna gǎkɛ ɛɔphi, a tɔ kanisia nde nenóphi.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

2 Ɓakɔlítɔ 8:10

Cɔ, kanisia ani ka nyɔngɔ ndɔ aɓe: Aánjá ɓɔ́sɛkisiɛ ekuma ndɔ ɓíndɔ ɗóɓokpangi ka saga ndɔ anyɛ́nyi. Nga, ɓenu ɓáunge ɗóɓokaɓi ekuma ndɔ mosá-mosá ka saga nde anyɛ́nyima, ɓô phɔtɔ ko anga tɔtɔkisa í.

2 Ɓakɔlítɔ 8:24

Kaɓondɔ, phangiani ekondi nɛnu ka ɓakpa ndɔɔ. Mpɔ, kanisa bui aengekisande gea ɓena ekondi ka ɓenu na úba gea, ɓekeni ébeba na ɓenu.

2 Ɓakɔlítɔ 9:2

Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

2 Ɓakɔlítɔ 9:7

Akeni nkpa ágabɛ ɓíndɔ měma akɛ anteki, kángá á ianaga, kángá á sosea akɛ. Nga, Mokonga ankondi nkpa nde aogaba na maseye.

Ɓaɛphɛ́sɔ 4:15

A gǎkɛ oɓá na ɓɛɔyɔnga nyɔngɔ á ɗoni n'ekondi, ámbé ɓɛmɔtande ka kema bui na engimiana na Kiísito mmbé ande mɔ̌.

Ɓaɛphɛ́sɔ 6:24

Ambe ɓonjánjá-ékondi ndea Mokonga áɓɛ ka ɓakpa ɓɔbu ɓunde ɓánkondi Mɔkɔta nɛsu Yéso Kiísito n'ekondi nde nnaosía.

Ɓaɛbulanía 10:24

Ɓéenganɛni ka gea te, nkpa na nkpa átɔtɔkisɛ ekondi na ekuma ánjá ka dakɛ.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.