2 Ɓakɔlítɔ 8:6 - Ɔngana á Kɛ̌kɛ

⁶ Kaɓondɔ unge ɓɛmɔphani Títɔ ágɛ mɔtɛ-anu ka gea, átútuisɛ ekuma égabɔ ndɔ ɗákpangi na ka ɓî agande ɔgɔɓɛa ú.

2 Ɓakɔlítɔ 8:6 Iomraidhean Croise

Ekuma á ɓateki 24:17

Cɔ, ɓî ɗékétú ka Yɛusalɛ́ma ka ɓasaga ɓásii, ɗébiki goto ka nyɔngɔ á gaba á imɔna ka ɓato-ékuna nɛmɔ, na phúia ɔ́phɛ́ɔ.

Ɓalɔ́ma 15:25

Kɛ̌kɛnde gǎkɛ nege na Yɛusalɛ́ma ka bɛɗaneaga ɓaɓêki.

2 Ɓakɔlítɔ 12:18

Nga, ɓî nenɗengemisigi Títɔ ágɛ mɔtɛ-anu kimoci na dasu moci, ɗánoúti mɔnɔ ka kema? Ande gea te, Títɔ n'eme, tambea asu nna k'aphe moci?

2 Ɓakɔlítɔ 2:13

Měma ani ɗákátú gǎkɛ na ɓujɛjɛ nga, ɗékéndondi muna-amasu Títɔ. Kaɓondɔ unge ɗɛ́ɔku ɓato á ka Tɔ́a, néoga na Makɛdɔnía.

2 Ɓakɔlítɔ 8:10

Cɔ, kanisia ani ka nyɔngɔ ndɔ aɓe: Aánjá ɓɔ́sɛkisiɛ ekuma ndɔ ɓíndɔ ɗóɓokpangi ka saga ndɔ anyɛ́nyi. Nga, ɓenu ɓáunge ɗóɓokaɓi ekuma ndɔ mosá-mosá ka saga nde anyɛ́nyima, ɓô phɔtɔ ko anga tɔtɔkisa í.

2 Ɓakɔlítɔ 8:19

Kanisa bui ansɔmbu gea, ágɛ na ɓesu k'aphe á bɛɗanaga ekuma ndɔ égabɔ. Ɓɛɔɓɛɗanaga ekuma ndɔ, ka ɗokomisa á Mɔkɔta sasakɛ na ka phangia mɔphɛ asu ánjá.

2 Ɓakɔlítɔ 8:23

Títɔ ande phɔtɔ dani. Nɛɔbɛɗanaga kimoci na yɛ ka ɓenu. Ɓadasu íɓundɔ ɓáge na yɛ, kanisa unge aéteki, ɓáɔbɛɗanaga ka ɓoombia á Kiísito.

2 Ɓakɔlítɔ 8:4

Ɗáɓásóɗengemisigi phɛɛ gea, ɓééyameɛ ka nyɔngɔ á enga ɓakiísito ɓunde ɓá ka Yudɛ́a.

2 Ɓakɔlítɔ 9:5

Kaɓondɔ, nɛtɔ́ɔni ánjá, ɔphana ɓadasu ndɔ, ɓámɔmɛɛ mosá ka gǎ mɔtɛ-anu ka bisa ophangɔ égabɔ ékondi nɛnu ɓíndɔ ɗɔ́ɓɔɔku mosá. Nejuande ye tɔ na ɓá ye ɓɔngisigi kema bui, na nndɔ aɔnisande gea, ɓoogaba na měma mo kángá á sosea anu.

Ɓaphilípi 4:18

Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.