2 Ɓakɔlítɔ 8:4 - Ɔngana á Kɛ̌kɛ

⁴ Ɗáɓásóɗengemisigi phɛɛ gea, ɓééyameɛ ka nyɔngɔ á enga ɓakiísito ɓunde ɓá ka Yudɛ́a.

2 Ɓakɔlítɔ 8:4 Iomraidhean Croise

Matáyɔ 10:42

Nenóngoɗi ɗoni gea, mmbé aomopha cǎ moci á iɓo ádɛdɛ̌ ka ɓakpa ɓábɔbɔbɔa nde moci sɔsɔɓɛ á ɓagoigi nɛmɔ, ka nyɔngɔ nde yɛ ande ngoigi nɛmɔ, atɔande ophendɔ nɛkɛ.»

Matáyɔ 12:50

Nga, nkpa buakɛ mmbé aogea kema nde Abɛ mmbé á na koba akondi, yɛ aámbé ande muna-ayi, áwáni na ayi.»

Matáyɔ 25:40

Moamɛ aesikisiande te: ‹Nenóngoɗi ɗoni gea, kema nde ɓoogea ka ɓadani íɓundɔ ɓáná na ɓoombia, aunge ɓo ye gi k'eme.›

Málikɔ 14:7

Nga, esa bui, ɓoɓande na ɓato á ɓuyɛnɛ. Ɓǒgeeande ánjá ɓíndɔ ɓokondi. Eme gǎkɛ, kéɓɛku ye na ɓenu esa bui.

Ekuma á ɓateki 11:29

Cɔ, ɓagoigi á ka Antiɔkía ɓáosuia gea, ɓáphúiɛ imɔna ɓíndɔ nkpa na nkpa atɔande, ɓátekɛ ka enga á ɓadaɓɔ ɓaɓêki á na Yudɛ́a.

Ekuma á ɓateki 16:15

Ɓî ɓámɓatisi na ɓakpa nde ɓá k'éndu nɛkɛ ɓɔbu, áɔsɔ́ɔphana mɔtɛ-akɛ áogea: «Ɓî ɓoɓeeki ɗoni gea, nemɓeeki Mɔkɔta, bikani ɓóikɛ mɔtɛ-amɔ.» Áosósosea gea ɓéɓeekeɛ.

Ekuma á ɓateki 24:17

Cɔ, ɓî ɗékétú ka Yɛusalɛ́ma ka ɓasaga ɓásii, ɗébiki goto ka nyɔngɔ á gaba á imɔna ka ɓato-ékuna nɛmɔ, na phúia ɔ́phɛ́ɔ.

Ɓalɔ́ma 15:31

Ɛmɛmi ndɔ ande ka gea ɓunde ɓákámɓeeki Yéso ka Yudɛ́a ɓákámogeɛmbɛ ájeɗe na nnde nebiki ně ka enga ɓɔ ka Yɛusalɛ́ma, ɓato á kanga ɓojeɗe ɓáɓeekeɛ ú.

1 Ɓakɔlítɔ 16:1

Cɔ, ka moangɔ á kɔngɔa kema ka ɓaɓêki á ka Yɛusalɛ́ma, geani phɔtɔ ɓó ɓíndɔ ɗéněngoɗi Ɓagalatía.

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

2 Ɓakɔlítɔ 9:1

Ɓaya, kákeni goto nénoɗunduiɛ nyɔngɔ á taɓeá á ɓakpa ndea Mokonga ɓunde ɓá ka Yudɛ́a.

Ɓagalatía 2:10

Ɗáɓásɔ́mɛmi tɔ gea, ɓéekanisiɛ ɓato á ɓuyɛnɛ ndea kanisa nɛɓɔ ka Yɛusalɛ́ma na ɗétɔtɔkisi ú na měma mo.

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.