2 Ɓakɔlítɔ 8:3 - Ɔngana á Kɛ̌kɛ

³ Ɗɛɔni n'íso ani sasani ɓî ɓáphúi imɔna na ɓukpɛkpɛ nɛɓɔ bui. Mbusa, ɓâ goto ophúia ásii phɛɛ kángá á sosea aɓɔ.

2 Ɓakɔlítɔ 8:3 Iomraidhean Croise

Málikɔ 14:8

Nke nde agi nnde atɔki. Amosǐ nkoki ka ɓɔngisiaga á nyama ani mosá á úmba ani.

Ekuma á ɓateki 11:29

Cɔ, ɓagoigi á ka Antiɔkía ɓáosuia gea, ɓáphúiɛ imɔna ɓíndɔ nkpa na nkpa atɔande, ɓátekɛ ka enga á ɓadaɓɔ ɓaɓêki á na Yudɛ́a.

Ɓalɔ́ma 10:2

Eya, neɗigimisi ka phɔaɓɔ gea, ɓána moíngi ka bɛɗaneaga á Mokonga. Moíngi kau a ndiu kángá á úbapha.

1 Ɓakɔlítɔ 16:2

Esa á yenga bubui, nkpa na nkpa ábisɛ ka mpɛphɛ, phaeka á imɔna nde aně mɔtɛ-akɛ, ka ɓeana n'ɛtɔi nɛkɛ ka gea, ɓókókaɓɛgɛ mɔnɔ ye imɔna mbenɔ nde nekiɗiande.

1 Ɓakɔlítɔ 9:17

Atúoɓá eme aámbé ɗɛ́sɔmbu ekuma nde sasani, ámbé netókeni na tɔá á ophendɔ. Cɔ, ka ɔna gea ɓámososi, akeni gǎkɛ tɔ nɛ́tɔtɔkisɛ ú.

Ɓagalatía 4:15

Ɗóɓotúmi na maseye phɛɛ! Cɔ, eke ye goto? Nenogie, ɗátúoɓá n'atɔtɔkɛani, ámbé ɗóɓóphúigi mbuk'íso anu, ɓóomopa.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓakɔlɔsái 4:13

Nende nɗigimisi nɛkɛ k'ékuma akpɛ bui nde aɔ̌bɛɗaneaga ɓato á ka Laɔdikía na Iɛlapɔ́li.

1 Ɓatɛsalɔníka 2:8

Nga, ɗéɓetú na siki anu phɛɛ. Kaɓondɔ unge, ɗéɓenɔ́tɔ̌migi Mbino-Ánjá ndea Mokonga. Nna tɔndɔ nndɔ, ɓê phɔtɔ oɓá na mɔphɛ á kuia anu. Eya, ɗéɓenókondi phɛɛ.

Philɛmɔ́nɔ 1:14

Kétókondi gǎkɛ gea ka kema, kángá oɓɛ ɓeekea. Kétókondi nekososeɛ gea ɓonjánja ka phɔani, netókondi ndiu gea, ɓonjánja ndɔ, atókɛ ka měma akɔ sasakɔ.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

1 Pɛ́tɛɛ 5:2

Ambani etuge ndea Mokonga nnde ɗánóphi kángá sosea anu. Ambani ndiu ú na měma ánjá ɓíndɔ Mokonga akondi. Bɛɗanagani kángá mɔphɛ á tɔá ka ɓojeɗe, óyameani ndiu k'ékuma na měma ékondi.