2 Ɓakɔlítɔ 8:23 - Ɔngana á Kɛ̌kɛ

²³ Títɔ ande phɔtɔ dani. Nɛɔbɛɗanaga kimoci na yɛ ka ɓenu. Ɓadasu íɓundɔ ɓáge na yɛ, kanisa unge aéteki, ɓáɔbɛɗanaga ka ɓoombia á Kiísito.

2 Ɓakɔlítɔ 8:23 Iomraidhean Croise

Lóka 5:10

Yakɔ́ɓɔ na Yoáni, ɓana Jɛbɛdáyɔ ɓadakɛ na Simɔ́ni, ɓɔ phɔtɔ ɗáɓátú na kɔɓɔɓɔkɔ kimoci na yɛ. Cɔ, Yéso áongoɗea Simɔ́ni: «Koɓɛmbɛ na kɔɓɔɓɔkɔ. Kpanga á kɛ̌kɛnde, oɓande mɔ́phigi á ɓakpa.»

Lóka 5:7

Mpɔ, ɓáɔ̌ɔphana ɓadaɓɔ na njaga gea, ɓábikɛ na koko nɛɓɔ ka enga aɓɔ. Ɓábiki ye, ɓáotúmisa koko bui, púu! Koko iɓɛ ndɔ n'akpangi ye tɔta.

Yoáni 13:16

Nenóngoɗi ɗoni gea, nna na mbɛɗanigi nde anyɛ́nyi mɔkɔta nɛkɛ. Nna phɔtɔ na nteki nde anyɛ́nyi mmbé anteki.

1 Ɓakɔlítɔ 11:7

Kákeni mǒko áɓumbɛ mɔ̌ akɛ ka nyɔngɔ nde, ande iii á ɓoombia ndea Mokonga. Nke a gǎkɛ ɓoombia ndea mǒko.

2 Ɓakɔlítɔ 12:18

Nga, ɓî nenɗengemisigi Títɔ ágɛ mɔtɛ-anu kimoci na dasu moci, ɗánoúti mɔnɔ ka kema? Ande gea te, Títɔ n'eme, tambea asu nna k'aphe moci?

2 Ɓakɔlítɔ 7:6

Cɔ, Mokonga, mmbé a gǎkɛ ɔ̌kɔmbɛa ɓakpa iɓo á ngamɔ ɗásɔ́kɔ́mbɛi iɓo á ngamɔ ka kiɗia á Títɔ.

2 Ɓakɔlítɔ 8:16

Obebɔ ka Mokonga, mmbé amophi Títɔ moíngí ka enga anu ɓíndɔ ɓeogea.

2 Ɓakɔlítɔ 8:18

Cɔ, ɓenteki Títɔ na dasu moci, mmbé kanisa bui ambebi ka nyɔngɔ á ekuma nɛkɛ á tɔ̌miaga Mbino-Ánjá.

2 Ɓakɔlítɔ 8:19

Kanisa bui ansɔmbu gea, ágɛ na ɓesu k'aphe á bɛɗanaga ekuma ndɔ égabɔ. Ɓɛɔɓɛɗanaga ekuma ndɔ, ka ɗokomisa á Mɔkɔta sasakɛ na ka phangia mɔphɛ asu ánjá.

2 Ɓakɔlítɔ 8:22

Cɔ, ɓenteki dasu moci na ɓakpa ndɔ ɓáge. Mbusa á ɔnjia á tambea akɛ mɔngɔ ásii, áɔ̌sɔɔnisa gea ana moíngí phɛɛ. Kɛ̌kɛnde gǎkɛ, yɛ asui phɛɛ nga, anóbisíí měma.

2 Ɓakɔlítɔ 8:6

Kaɓondɔ unge ɓɛmɔphani Títɔ ágɛ mɔtɛ-anu ka gea, átútuisɛ ekuma égabɔ ndɔ ɗákpangi na ka ɓî agande ɔgɔɓɛa ú.

Ɓaphilípi 2:25

Cɔ, nɛtɔ́ɔni ánjá gea nentekɛ goto Ɛpaphɔdítɔ mɔtɛ-anu. Yɛ, ande dani, aɔbɛɗanaga kimoci n'eme, na a phɔtɔ nto émani ɓea eme. Yɛ aámbé ɗóɓonteki ka enga ani na kema nde ɗéna siki í

Ɓaphilípi 4:3

Eya, dani á ɗoni, nɛɔmɛmi, óenga ɓake ndɔɔ. Nga, ɓátambigi kimoci n'eme k'ékuma á Mbino-Ánjá ndea Kiísito. Ɗáɓátú phɔtɔ na Kɛɛmá, na ɓadani ɓabɛɗanigi ɓuangbo. Mokonga aɗundu gǎkɛ ina aɓɔ suɓi á ɓuku á enda á mɛyɔ.

Ɓakɔlɔsái 1:7

Epáphaa dasu mbɛɗanigi ékondi, yɛ aámbé ɗánogoisigi. Yɛ, ande mbɛɗanigi nɛnu ka Kiísito ka ɗoni.

1 Ɓatɛsalɔníka 2:2

Ɓoúbi phɔtɔ gea, mosá á kiɗia asu mɔtɛ-anu, ɗáɓásótambisigi phɔ́ na bóma asu ka Philípi. Mɔtɛ-anu phɔtɔ, Mokonga ɗásóphi ɓukpɛkpɛ á phɛá á Mbino-Ánjá nɛkɛ. Ɗéɓegi ɓó, nanga ɓî ɗáɓásóyé.

2 Timɔtɛ́ɔ 4:10

nga, Dɛ́ma amosagi ka nyɔngɔ nde, akondi kema á ka mokonda ndee. Yɛ, age ka ntanga-nji á ka Tɛsalɔníka. Kɛɛ́skɛ age nɛkɛ ka ntanga-nji á ka Galatía na Títɔ áoga nɛkɛ ka ntanga-nji á ka Daamatía

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Philɛmɔ́nɔ 1:17

Cɔ, aoɓá n'ɔmɔbɛɗi ɓea muna-amakɔ, mbɛɗa ɓ'eme.

Philɛmɔ́nɔ 1:24

Ɓadani ɓabɛɗanigi: Málikɔ, Aistákɔ, Dɛ́ma na Lóka, ɓánósambei phɔtɔ.

3 Yoáni 1:8

Cɔ, akeni ɓesu ɓéengɛ ɓadasu ndɔ ka gea, ɓéjúkanɛ na ɓɔ k'ékuma á tɔ̌mia á ɗoni.