2 Ɓakɔlítɔ 8:10 - Ɔngana á Kɛ̌kɛ

¹⁰ Cɔ, kanisia ani ka nyɔngɔ ndɔ aɓe: Aánjá ɓɔ́sɛkisiɛ ekuma ndɔ ɓíndɔ ɗóɓokpangi ka saga ndɔ anyɛ́nyi. Nga, ɓenu ɓáunge ɗóɓokaɓi ekuma ndɔ mosá-mosá ka saga nde anyɛ́nyima, ɓô phɔtɔ ko anga tɔtɔkisa í.

2 Ɓakɔlítɔ 8:10 Iomraidhean Croise

Matáyɔ 10:42

Nenóngoɗi ɗoni gea, mmbé aomopha cǎ moci á iɓo ádɛdɛ̌ ka ɓakpa ɓábɔbɔbɔa nde moci sɔsɔɓɛ á ɓagoigi nɛmɔ, ka nyɔngɔ nde yɛ ande ngoigi nɛmɔ, atɔande ophendɔ nɛkɛ.»

Yoáni 11:50

Ɓókóoúba gea, aánjá ka ɓenu gea, nkpa moci ákuwɛ ka nyɔngɔ á ɓakpa, kángá á túkatúka ekuna bui.»

Yoáni 16:7

Cɔ, nenóngoɗi gǎkɛ ɗoni gea, atú ánjá ka ɓenu négɛ. Nga, aoɓá na kége, ámbé Nengi kábikɛku mɔtɛ-anu. Cɔ, a gǎkɛ oɓá na nege, nenótekisiande yɛ.

Yoáni 18:14

Kayápha aámbé ɗáɛ́phɛí ɓakɔta á Ɓayúda gea: «Akeni nkpa moci ákuwɛ ka nyɔngɔ á ɓakpa ɓɔbu.»

1 Ɓakɔlítɔ 10:23

Ɓakpa ɓunɛngbo sɔsɔɓɛ anu ɓáɔyɔnga te: «Ɓásosi tɔ kema bubui.» A ɓó! Nna gǎkɛ kema bubui unge aoenga ka mɔtisa á ɓeekea.

1 Ɓakɔlítɔ 16:2

Esa á yenga bubui, nkpa na nkpa ábisɛ ka mpɛphɛ, phaeka á imɔna nde aně mɔtɛ-akɛ, ka ɓeana n'ɛtɔi nɛkɛ ka gea, ɓókókaɓɛgɛ mɔnɔ ye imɔna mbenɔ nde nekiɗiande.

1 Ɓakɔlítɔ 6:12

Ɓakpa ɓuangbo sɔsɔɓɛ anu ɓáogea: «Ɓámososi tɔ kema bubui.» Eya! Nna gǎkɛ kema bubui unge aánjá ka ɓenu. Nɛɔtɔka na negi te: «Ɓámososi kema bubui.» Kéɓeekeɛku gǎkɛ ɓá nkɔɓɛ á kema bubui.

1 Ɓakɔlítɔ 7:25

Ka ɓunde ɓákáɔmanimbɛ, Mɔkɔta kámososi ka kema ka phɔa aɓɔ. Nɛɔnɔphɛa nga, nende nkpa nde akeni ɓáɓeekeɛ nyɔngɔ nɛmɔ ka nyɔngɔ á ɓonjánja-ékondi nde Mɔkɔta ɗámopi.

1 Ɓakɔlítɔ 7:40

Atóɓande nto á maseye phɛɛ, ámbé aiki tɔ kángá ɔmana. Nndɔ ande kanisia nɛmɔ, nnde neoúba te, Měma á Mokonga aunge amopi nyɔngɔ ndɔɔ.

2 Ɓakɔlítɔ 12:1

Ambe néeɗokomisɛ nanga ɓî nna na kantíti. Neogea nɛ́yɔngɛ gǎkɛ mphaniɔ ndea Mɔkɔta k'éme.

2 Ɓakɔlítɔ 8:6

Kaɓondɔ unge ɓɛmɔphani Títɔ ágɛ mɔtɛ-anu ka gea, átútuisɛ ekuma égabɔ ndɔ ɗákpangi na ka ɓî agande ɔgɔɓɛa ú.

2 Ɓakɔlítɔ 8:8

Kéonósosea, ne ndiu ɔyɔnga nyɔngɔ á moíngí nde ɓadanu ɓátú ně. Kaɓondɔ, nenóphi mbenɔ á ɔnisa gea, ekondi nɛnu ande á ɗoni.

2 Ɓakɔlítɔ 9:2

Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

Ɓaphilípi 4:17

Nna gea te, neokáɓa ɛkɔmi. Ne ndiu tɔ okáɓa ɓikisa á ɓokambia nɛnu.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.