2 Ɓakɔlítɔ 8:1 - Ɔngana á Kɛ̌kɛ

¹ Ɓaya, ɓekondi ɓóúbɛ ɓî Mokonga aɔnisi ɓonjánja-ékondi nɛkɛ ka kanisa bubui á ka Makɛdɔnía.

2 Ɓakɔlítɔ 8:1 Iomraidhean Croise

Matáyɔ 25:22

Mmbɔ ɗábɛɗi imɔna á láté iɓɛ, â phɔtɔ ombîmisia mɔkɔta, áongea te: ‹Mɔkɔta! Ɗómopi tɔ imɔna á láté iɓɛ. Nɛngbo iɓɛ nde nɛtɔi aungee.›

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 16:9

Kǐpha, Pɔ́lɔ áɔɔna mphaniɔ, áɔmɔna nto á ka Makɛdɔnía n'amame. Yɛ áonɗengemisaga Pɔ́lɔ, áongea te: «Káia, óbikɛ ósoengɛ ka Makɛdɔnía.»

Ekuma á ɓateki 24:17

Cɔ, ɓî ɗékétú ka Yɛusalɛ́ma ka ɓasaga ɓásii, ɗébiki goto ka nyɔngɔ á gaba á imɔna ka ɓato-ékuna nɛmɔ, na phúia ɔ́phɛ́ɔ.

Ɓalɔ́ma 15:26

Kanisa á ka Makɛdɔnía na nnde á ka Akáya ɗáɓáɔni ánjá ɓákɔngɔɛ imɔna ka taɓea ɓaɓêki á ka Yɛusalɛ́ma ɓunde ɗáɓátú ka ɓuyɛnɛ.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

2 Ɓakɔlítɔ 11:9

Ɓî ɗétú mɔtɛ-anu, nna na nkpa nde ɗátú omogabea kema nde ɗétú na siki í. Ɓadani ɓaɓêki á ka Makɛdɔnía ɓáunge ɗáɓáomobikia na nkumba bui nde ɗéna siki í. Ɗékébisi ɓoɗoko ani ka ɓenu na kébisɛku.

2 Ɓakɔlítɔ 9:12

Nga, ekuma ndɔ ɓɔɔbɛɗanaga, nna tɔ ka enga á ɓakpa ndea Mokonga. A phɔtɔ kǒɓopha ɓakpa mɔphɛ á sega Mokonga phɛɛ.

2 Ɓakɔlítɔ 9:2

Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

2 Ɓakɔlítɔ 9:4

Nga, aoɓá na nekiɗi ye na ɓato á ka Makɛdɔnía ndɔ na ɓókóɔ́ɓɔngisigimbɛ, ámbé ɓekuwande na soni ka nyɔngɔ nde ɓenóseɓei. Soni ndɔ aɓande phɔtɔ ka ɓenu.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Ɓakɔlɔsái 1:29

Ka nyɔngɔ índɔ unge nɛɔbɛɗanaga na mana na ɓukpɛkpɛ nde Kiísito aomopa. Nndɔ aomoenga ka tɔtɔkisa ekuma na ɓukpɛkpɛ.

1 Ɓatɛsalɔníka 4:10

Eya, ɓǒkondi ɓato á Mokonga ɓɔbu, ɓunde ɓá ka ntanga-nji á ka Makɛdɔnía bui. Ɓaya, ɓɛnɔphɛí gǎkɛ gea, ɓósuiɛ phɔtɔ ekondi ndɔ phɛɛ.