2 Ɓakɔlítɔ 7:9 - Ɔngana á Kɛ̌kɛ

⁹ Cɔ, kɛ̌kɛnde gǎkɛ, nena maseye. Nna gǎkɛ ka nyɔngɔ á ɓɛí ndɔɔ. A ndiu ka nyɔngɔ nde ɓɛí ndɔ akěti tambea anu. Ɓɛí ndɔ ɗátú mɔphɛ á Mokonga. Nanga ɓî ɓékénogǐí ájeɗe.

2 Ɓakɔlítɔ 7:9 Iomraidhean Croise

Matáyɔ 3:8

Tɔtɔkisani pɛ ekuma ánjá ka úbisa gea ɓosagi ɓojeɗe nɛnu.

Lóka 15:10

Nenógie, ɓondɔ unge ɓamalaéka ndea Mokonga ɓáguande jaí ka nyɔngɔ á nto á ɓojeɗe moci n'akěti tambea akɛ.»

Lóka 15:32

Akeni ɓéguɛ jaí na ɓéɓɛ na maseye ka nyɔngɔ nde, mɔtɔ akɔ atóku mɔnɔ, ajujúki gǎkɛ ka kukuwa. Atóɓúngigi mɔnɔ, nɛmɔni gǎkɛ.›»

Lóka 15:7

Nenógie, ɓondɔ unge aɓande maseye ángbó na koba, aoɓá nto á ɓojeɗe moci n'akěti tambea akɛ ájeɗe, kɔ̌nyɛ́nya ɓakpa nkama ngianjaga gena na ngianjaga gena (99) ɓunde ɓáká na siki á kětia tambea aɓɔ.

Ekuma á ɓateki 20:21

Nɛ̌phɛí Ɓayúda na ɓunde ɓáná Ɓayúda base gea, ɓákětiɛ tambea aɓɔ mosá á Mokonga na ɓámɓeekeɛ Mɔkɔta nɛsu Yéso.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 2:16

Ka ɓunde ɓáɓúngigi, nkoki ndɔ ande su á kukuwa nde aokusisa. Â gǎkɛ phɔtɔ oɓá su á enda nde aoendisa. Cɔ, ani mmbé aɔtɔka ekuma ɓ'índe?

2 Ɓakɔlítɔ 7:8

Cɔ, nanga ɓaoɓa nde ɗénóɗundui ɗánɔɓɛisi, ké phɔ́ otangaaga nndɔ. Ɗétangaigi ndiu mbenɔ nde neúbi gea ɓaoɓa ndɔ ɗánɔɓɛisi ka mbenɔ ábɔa.