2 Ɓakɔlítɔ 7:8 - Ɔngana á Kɛ̌kɛ

⁸ Cɔ, nanga ɓaoɓa nde ɗénóɗundui ɗánɔɓɛisi, ké phɔ́ otangaaga nndɔ. Ɗétangaigi ndiu mbenɔ nde neúbi gea ɓaoɓa ndɔ ɗánɔɓɛisi ka mbenɔ ábɔa.

2 Ɓakɔlítɔ 7:8 Iomraidhean Croise

Yoáni 16:6

Ɓotúmi gǎkɛ na ɓɔmbɛ ɓî nenóngoɗi ye nyɔngɔ ndɔɔ.

Yoáni 21:17

Áomúsia mɔngɔ á ko isaɔ: «Simɔ́ni muna Yoáni, omokondi?» Pɛ́tɛɛ áɔɓɛa nga, Yéso ɗámúsi ka mɔngɔ á ko isaɔ: «Omokondi?» Mpɔ áonsikisia gea: «Mɔkɔta, oúba kema bui. O tɔ oúba gea nekokondi.» Yéso áongoɗea: «Ámbá ɓamɔgɔgɔ nɛmɔ.

2 Ɓakɔlítɔ 7:11

Cɔ, ɔ́nani phɔ́ kema nde esúia nde ande á mɔphɛ á Mokonga aobikisa: Ɓá na moíngí phɛɛ, ɛ́yɔngɛa, kangea ɓojeɗe, ɓá na ɔ́kapha, ɓá na mɔphɛ á ɔna ani, ɓá na mɔphɛ á bɛɗaneaga ani, keea ɓojeɗe. Kaɓondɔ, ɓɔɔnisi gea, ɓókótú suɓi á nyɔngɔ ndɔɔ.

2 Ɓakɔlítɔ 7:12

Cɔ, kaɓɛ na ɗénóɗundui, nna tɔndɔ ka nyɔngɔ á nkpa ndɔ agi ájeɗe ka phɔa dakɛ, kaɓɛ mmɓɔ dakɛ angǐí ájeɗe. Ɓaoɓa ndɔ ɗá ndiu ka ɓenu gea te, ɓɔ́ɔnɛ sasanu mosá á Mokonga ɓî ɓosogǐí ánjá.

2 Ɓakɔlítɔ 7:6

Cɔ, Mokonga, mmbé a gǎkɛ ɔ̌kɔmbɛa ɓakpa iɓo á ngamɔ ɗásɔ́kɔ́mbɛi iɓo á ngamɔ ka kiɗia á Títɔ.

2 Ɓakɔlítɔ 7:7

Nna tɔ kiɗia á Titɔ unge ɗásɔ́kɔ́mbisisi iɓo á ngamɔ, a ndiu phɔtɔ ka nyɔngɔ nde ɓotómmɛsi ngɔngɔ. Ɗásóngoɗi gea, ɓona siki á ɔna ani, áosongoɗea phɔtɔ nyɔngɔ á esúia anu na ɓî ɓootétemisa mamea á nyɔngɔ ani. Kaɓonɗɔ unge, nena maseye ángbó phɛɛ.

2 Ɓakɔlítɔ 7:9

Cɔ, kɛ̌kɛnde gǎkɛ, nena maseye. Nna gǎkɛ ka nyɔngɔ á ɓɛí ndɔɔ. A ndiu ka nyɔngɔ nde ɓɛí ndɔ akěti tambea anu. Ɓɛí ndɔ ɗátú mɔphɛ á Mokonga. Nanga ɓî ɓékénogǐí ájeɗe.

Mphaniɔ 3:19

Eme, neóphekeaga na sɛka á ɓakpa ɓɔbu ɓundɔ někondi. Cɔ, ɓá na moíngí na kětia tambea akɔ.