2 Ɓakɔlítɔ 7:7 - Ɔngana á Kɛ̌kɛ

⁷ Nna tɔ kiɗia á Titɔ unge ɗásɔ́kɔ́mbisisi iɓo á ngamɔ, a ndiu phɔtɔ ka nyɔngɔ nde ɓotómmɛsi ngɔngɔ. Ɗásóngoɗi gea, ɓona siki á ɔna ani, áosongoɗea phɔtɔ nyɔngɔ á esúia anu na ɓî ɓootétemisa mamea á nyɔngɔ ani. Kaɓonɗɔ unge, nena maseye ángbó phɛɛ.

2 Ɓakɔlítɔ 7:7 Iomraidhean Croise

Matáyɔ 26:75

Wa, Pɛ́tɛɛ áokanisia nyɔngɔ nde Yéso ɗángoɗi gea: «Mosa á ɔsa kɔkɔ, omonganande mɔngɔ isaɔ mosá á ɓakpa.» Aojuana ka nsɛngɛ, aokpanga ngamɔ akpɛ phɛɛ, ka nyɔngɔ nde ɗángani Yéso.

Matáyɔ 5:4

Maseye ka ɓunde ɓáogáma, ka nyɔngɔ nde Mokonga aɛkɔmbɛande iɓo á ngamɔ!

Lóka 22:44

Áoɓá na ɓɔmbɛ phɛɛ, áosuia mɛma, eungú áɔnɗɔka n'aɓea ntɔngɛ á magia, áogua ka oɗo to! to! to!]

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ɓalɔ́ma 1:12

Nndɔ ande gea, ɓékpagisanɛgɛni ka ɓeekea nde ɓeně.

1 Ɓakɔlítɔ 5:2

Cɔ, ɓenu, ɓo goto ǒbeba! Atókeni ndiu ɓóɓɛ na ɓɔmbɛ na ɓómɓeɛgɛ nkpa nde atɔtɔkisi kema ndɔ sɔsɔɓɛ anu.

2 Ɓakɔlítɔ 1:14

ɓî ɓoɗigimisi nyɔngɔ nɛmɔ ábɔa, ɓoúbande bui suɓi á ɓaoɓa ndee. Kaɓondɔ unge, esa nde Mɔkɔta nɛsu Yéso abikaeka, ɓoɓande na ɓosegi ka ɓesu, ɓíndɔ ɓeɓande ně ka ɓenu.

2 Ɓakɔlítɔ 1:4

Nga, aosóphɔngisa měma ka tambaga asu bui, ka gea, ɓéephɔngisɛ phɔtɔ ɓadasu měma ka mbenɔ á tambaga, ɓíndɔ Mokonga ɗági k'ama mosá-mosá ka phɔasu.

2 Ɓakɔlítɔ 2:9

Nga, ɗénóɗundui ka tombaga anu ka gea nɛ́ɔnɛ mmbe ɓooɓeekea nyɔngɔ nɛmɔ bui.

2 Ɓakɔlítɔ 5:2

Kɛ̌kɛnde, ɓeoɓénga phɛɛ ka nyɔngɔ nde ɓena mɔphɛ phɛɛ ka gea, Mokonga ásóphɛ nyama á na koba.

2 Ɓakɔlítɔ 7:6

Cɔ, Mokonga, mmbé a gǎkɛ ɔ̌kɔmbɛa ɓakpa iɓo á ngamɔ ɗásɔ́kɔ́mbɛi iɓo á ngamɔ ka kiɗia á Títɔ.

2 Ɓakɔlítɔ 7:8

Cɔ, nanga ɓaoɓa nde ɗénóɗundui ɗánɔɓɛisi, ké phɔ́ otangaaga nndɔ. Ɗétangaigi ndiu mbenɔ nde neúbi gea ɓaoɓa ndɔ ɗánɔɓɛisi ka mbenɔ ábɔa.

2 Ɓakɔlítɔ 8:16

Obebɔ ka Mokonga, mmbé amophi Títɔ moíngí ka enga anu ɓíndɔ ɓeogea.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

Ɓakɔlɔsái 2:5

Nga, nanga néɓá ɗanga na ɓenu ka nyama, ɓe tɔ kimoci ka měma. Nena maseye ka ɔna ɓî moangɔ nɛnu bui aotamba ánjá mɔtɛ-anu na ɓosui ɓeekea á Kiísito.

1 Ɓatɛsalɔníka 3:6

Kɛ̌kɛnde gǎkɛ, Timɔtɛ́ɔ asódondi ɓî atóki mɔtɛ-anu. Asɔtɔ̌migi nyɔngɔ ánjá, ndea kondana anu na ɓî ɓo phɔ́tɔ omɓeekea Kiísito. Ɓo phɔtɔ osókanisia esa bui na měma ánjá. Ɓóokonda dondana na ɓesu, ɓea bî ɓe phɔtɔ okonda dondana na ɓenu.

1 Ɓatɛsalɔníka 3:8

Ɓe ye tɔ na ɓukpɛkpɛ ɓî ɓɛɔ́ki gea, ɓo kimoci na Mɔkɔta ka měma.

Ɓaɛbulanía 2:1

Ɓî a ɓó, akeni ɓétetemisɛ phɛɛ nyɔngɔ nde ɓɛɔ́ki ka gea, ɓékeɓúngɛgɛmbɛ.

Yakɔ́ɓɔ 5:17

Cɔ, Elía mɔtu-nyɔngɔ ndea Mokonga ɗátú nkpa ɓea ɓesu. Ɗátétemisi mɛma á Mokonga gea, mbua kaɔkɛmbɛ. Mbua ɗákáɔki ka ɓasaga ɓasaɔ na gbútuka.

2 Yoáni 1:4

Ɗéna maseye phɛɛ ka ɔna gea, ɓ'anakɔ ɓuangbo ɓáoenda suɓi á ɗoni, ɓíndɔ Abɛ ɗásósosi.

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.