2 Ɓakɔlítɔ 7:2 - Ɔngana á Kɛ̌kɛ

² Ambe měma anu ákoɗokanɛ ka ɓesu. Nga, ɓékéngǐí nkpa ájeɗe, ɓékémúji nkpa, ɓékémbɛɗanisigi nkpa ecici.

2 Ɓakɔlítɔ 7:2 Iomraidhean Croise

Matáyɔ 10:14

Aoɓá na ɓákánosesi, kaɓɛ ɔ́ka anu, júanani k'ɔ́ma ndɔ, ɓóciciɛ mpusu á oɗo bui nde a k'écinji anu.

Matáyɔ 10:40

«Nkpa nde anósesi, amosesi. Nkpa nde amosesi, ansesi mmbé amoteki.

Lóka 10:8

Mbenɔ nde ɓoongia ka ntanga-nji moci na ɓánosesi, eani eea nde ɓáonópha.

Ekuma á ɓateki 20:33

Eme gǎkɛ, ɗékénɔmɛmigi tanda imɔna, láté, kaɓɛ bɔngɔ ndea nkpa.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 11:16

Nesikíí goto yɔnga gea: Nkpa kakanisiɛmbɛ gea te, nende mbóbó. A gǎkɛ oɓá n'a ɓó, ómoɓeekeani ɓea mbóbó ka gea, néebebɛ ábɔa.

2 Ɓakɔlítɔ 11:9

Ɓî ɗétú mɔtɛ-anu, nna na nkpa nde ɗátú omogabea kema nde ɗétú na siki í. Ɓadani ɓaɓêki á ka Makɛdɔnía ɓáunge ɗáɓáomobikia na nkumba bui nde ɗéna siki í. Ɗékébisi ɓoɗoko ani ka ɓenu na kébisɛku.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

Ɓaphilípi 2:29

Cɔ, nseseani na maseye phɛɛ ɓea muna-amasu suɓi á Mɔkɔta. Óɗokomisani ɓakpa nde ɓá ɓea yɛ,

Ɓakɔlɔsái 4:10

Aisitákɔ mmbé a ka mekakɔ kimoci n'eme anósesi. Málikɔ, ayakɛ na Baanába anósesi phɔtɔ. Ɗénegɔɓi na nɛnɔɔkusigi ka nyɔngɔ á Málikɔ gea, aoɓá n'ajú mɔtɛ-anu, nseseani.

1 Ɓatɛsalɔníka 2:10

Ɓonde ɓaɗigimisi nɛsu, na Mokonga phɔtɔ, ɓî tambea asu mosá anu ɓenu ɓaɓêki, ɗátú ánjá, kángá á ɓojeɗe, na kángá á kisɛki.

Philɛmɔ́nɔ 1:12

Cɔ, nenjisi mɔtɛ-akɔ, yɛ, a ye tɔ phaeka á měma ani.

Philɛmɔ́nɔ 1:17

Cɔ, aoɓá n'ɔmɔbɛɗi ɓea muna-amakɔ, mbɛɗa ɓ'eme.

2 Yoáni 1:10

Aoɓá nkpa n'abiki mɔtɛ-anu, na kábiki na ɓɔphɛi ndee, ɓókóɓeekeɛmbɛ ángiɛ mɔtɛ-anu na ɓókónseseɛmbɛ