2 Ɓakɔlítɔ 7:13 - Ɔngana á Kɛ̌kɛ

¹³ Nndɔ ungɔ asóphi ɓukpɛkpɛ. Bǎ á ɓukpɛkpɛ ndɔ, ɓê phɔtɔ oɓá na maseye ángbó goto ka ɔna ɓî ɗóɓongɛgi Títɔ ánjá.

2 Ɓakɔlítɔ 7:13 Iomraidhean Croise

Ɓalɔ́ma 12:15

Ɓáni na maseye na ɓunde ɓá na maseye. Gámani na ɓunde ɓáogáma.

Ɓalɔ́ma 15:32

Kaɓondɔ, nekiɗiande mɔtɛ-anu na netúmi na maseye, ka mɔphɛ ndea Mokonga na úmbia kimoci na ɓenu.

1 Ɓakɔlítɔ 12:26

Aoɓá gbútuka á nyama moci n'aosamba, gbútuka bui â phɔtɔ osamba. Aoɓá gbútuka á nyama moci n'anobebɔ, gbútuka bui áoɓá na maseye kimoci na yɛ.

1 Ɓakɔlítɔ 16:13

Phɛani tɔ̌, ósimbiani ka ɓeekea nɛnu. Ɓáni na nténdé na ɓukpɛkpɛ!

1 Ɓakɔlítɔ 16:18

Nga, ɓáphɔngisi měma ani sumɓî ɗáɓáphɔngisi měma anu. Óbebani ɓakpa ɓea ɓundɔ.

2 Ɓakɔlítɔ 2:13

Měma ani ɗákátú gǎkɛ na ɓujɛjɛ nga, ɗékéndondi muna-amasu Títɔ. Kaɓondɔ unge ɗɛ́ɔku ɓato á ka Tɔ́a, néoga na Makɛdɔnía.

2 Ɓakɔlítɔ 2:3

Kaɓondɔ unge, ɗénóɗundui gea, kébikɛku ka gea kěɓɛiɛmbɛ ɓakpa nde ɓátómotɛbisande ka kiɗiani mɔtɛ-anu. Ɗoni, nenoseɓei tɔ ɓenu ɓɔbu nga, neoúba gea, kema nde aomopa maseye a phɔtɔ ɓó ka ɓenu ɓɔbu.

2 Ɓakɔlítɔ 7:14

Eme, neǒbeba na ɓenu mosá akɛ nga kéku na soni. Ɓî ɗéɓeonóngoɗea esa bui nyɔngɔ á ɗoni, na ébeba asu na ɓenu mosá á Titɔ ɗátú tɔ ɗoni.

2 Ɓakɔlítɔ 7:15

Títɔ anokondi phɛɛ nga, aokanisia ɓíndɔ ɗɔ́ɓɔɔmɔ́ka yɛ, ɓóonsesea, ɓóonɗokomisa na ɓánga akɛ.

2 Ɓakɔlítɔ 7:6

Cɔ, Mokonga, mmbé a gǎkɛ ɔ̌kɔmbɛa ɓakpa iɓo á ngamɔ ɗásɔ́kɔ́mbɛi iɓo á ngamɔ ka kiɗia á Títɔ.

Ɓaphilípi 2:28

Cɔ, ka nyɔngɔ índɔ unge neokamisaga teka akɛ goto mɔtɛ-anu. Nga, ɓo ye goto ɔmɔna yɛ, ɓoɓande na maseye na oiɔ ínɛmɔ áosia.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

Philɛmɔ́nɔ 1:20

Eya dani, gea ka phɔani ɓó ka nyɔngɔ á Mɔkɔta. Phɔngisa měma ani suɓi ékondi ndea Kiísito.

Philɛmɔ́nɔ 1:7

Dani, ekondi nɛkɔ ɗámopi maseye phɛɛ na gbagisaga měma ani ka nyɔngɔ nde, ɗɔ́phɔngisigi měma á ɓato á Mokonga.

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.