2 Ɓakɔlítɔ 7:11 - Ɔngana á Kɛ̌kɛ

¹¹ Cɔ, ɔ́nani phɔ́ kema nde esúia nde ande á mɔphɛ á Mokonga aobikisa: Ɓá na moíngí phɛɛ, ɛ́yɔngɛa, kangea ɓojeɗe, ɓá na ɔ́kapha, ɓá na mɔphɛ á ɔna ani, ɓá na mɔphɛ á bɛɗaneaga ani, keea ɓojeɗe. Kaɓondɔ, ɓɔɔnisi gea, ɓókótú suɓi á nyɔngɔ ndɔɔ.

2 Ɓakɔlítɔ 7:11 Iomraidhean Croise

Málikɔ 3:5

Yéso áǒtimba n'íso áǒenga n'esúia, áoɓá na ɓɔmbɛ ka nyɔngɔ á měma aɓɔ akpɛ. Áongoɗea nɗɔti te: «Cɔ, nanoa njaga akɔ.» Áonanoa njaga akɛ, áoama.

Yoáni 2:17

Ɓagoigi nɛkɛ ɓâ ye tɔ okanisia nyɔngɔ nde ɓáɗundu suɓi á Ɓuku á Mokonga ɓe: «Mokonga hoo! Ekondi á k'éndu nɛkɔ, ande ɓea nsa n'aǒtoɓoaga suɓi ani.»

Ekuma á ɓateki 17:16

Ɓî Pɔ́lɔ ɗátú ǒɓondea Timɔtɛ́ɔ na Síla ka Atɛ́nɛ, měma akɛ áoújukana ka ɔna á ɓî ntanga-nji ndɔ atúmi na iii á ɓamokonga á mbɛa.

Ɓalɔ́ma 11:20

Eya a ɓó! Mokonga ɗáetenigi ka nyɔngɔ á kanga ɓeekea nɛɓɔ. Oɓɛ oiki gǎkɛ súa ka nyɔngɔ á ɓeekea. Kǒbebɛmbɛ, ɓá ndiu na ɓánga.

Ɓalɔ́ma 14:18

Mmbé aɔmbɛɗaneaga Kiísito ɓó, amɓɔngɛi Mokonga na ɓakpa ɓáomɓeekea.

Ɓalɔ́ma 3:5

Cɔ, kaɓɛ ka nyɔngɔ á ɓojeɗe nde ɓeogea aunge Mokonga aúbikani gea ande nto á koɗoni, ɓɛyɔngande Mokonga nna nto á ɗoni ka nyɔngɔ nde aosótambisaga? (Nɛyɔngi wa yɔngɛa á kokpa.)

1 Ɓakɔlítɔ 12:25

Kaɓondɔ, kákéni gbútu-gbútu á nyama ákatanɛgɛ. Akeni ndiu gbútu-gbútu á nyama bubui áenganɛ.

1 Ɓakɔlítɔ 5:2

Cɔ, ɓenu, ɓo goto ǒbeba! Atókeni ndiu ɓóɓɛ na ɓɔmbɛ na ɓómɓeɛgɛ nkpa nde atɔtɔkisi kema ndɔ sɔsɔɓɛ anu.

2 Ɓakɔlítɔ 13:7

Ɓɛɔmmɛma Mokonga te, ɓókógeɛmbɛ tanda ɓojeɗe. Ɓékéokonda ɔnisa á ɓukpɛkpɛ asu. Ɓe ndiu okonda gea, tambea anu áɓɛ ánjá nanga ɓásɔɔ́na ɓea ɓakpa nde ɓátugbanigi.

2 Ɓakɔlítɔ 2:6

Ɓî ɓakpa ɓásii ɓánkeigi nkpa ndɔ, nndɔ akeni.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

2 Ɓakɔlítɔ 7:7

Nna tɔ kiɗia á Titɔ unge ɗásɔ́kɔ́mbisisi iɓo á ngamɔ, a ndiu phɔtɔ ka nyɔngɔ nde ɓotómmɛsi ngɔngɔ. Ɗásóngoɗi gea, ɓona siki á ɔna ani, áosongoɗea phɔtɔ nyɔngɔ á esúia anu na ɓî ɓootétemisa mamea á nyɔngɔ ani. Kaɓonɗɔ unge, nena maseye ángbó phɛɛ.

2 Ɓakɔlítɔ 7:9

Cɔ, kɛ̌kɛnde gǎkɛ, nena maseye. Nna gǎkɛ ka nyɔngɔ á ɓɛí ndɔɔ. A ndiu ka nyɔngɔ nde ɓɛí ndɔ akěti tambea anu. Ɓɛí ndɔ ɗátú mɔphɛ á Mokonga. Nanga ɓî ɓékénogǐí ájeɗe.

2 Ɓakɔlítɔ 9:2

Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

Ɓaɛphɛ́sɔ 4:26

Kaɓɛ na ɓɔɓɛí, ɓɛí ndɔ kanóngisɛmbɛ mɔnɔ ka ɓojeɗe na ɓókómakɛmbɛ esa suɓi á ɓɛí kau.

Ɓaɛphɛ́sɔ 5:11

Ɓókǒngisɛmbɛ mɔnɔ ka nyɔngɔ nde ɓáogea suɓi á kaiphiɔ. Ɓókóbuniɛgɛmbɛ gǎkɛ nyɔngɔ kau.

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

1 Ɓatɛsalɔníka 4:6

Kaɓondɔ, nkpa kangeɛ mɔnɔ dakɛ mokiísito ájeɗe ka nyɔngɔ ndɔ nga, Mɔkɔta atenande nyɔngɔ ndea ɓakpa ndɔ akpɛ. A tɔ ɓíndɔ ɗéɓenóngoɗi na phɛá anu kala.

1 Timɔtɛ́ɔ 5:20

Ɓunde ɓáogea ɓojeɗe, óphekeaga mosá á ɓakpa ka gea, ɓunɛngbo ɓáɓɛ phɔtɔ na kɔɓɔɓɔkɔ.

2 Timɔtɛ́ɔ 2:15

Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 4:1

Mokonga ɗásɔɔku ɓesu gea, asóphande aphe á ngia ka muúmbiɔ nɛkɛ. Cɔ, ɓɛ́ɛnjiɛni ɓonjánja kaɓɛmbɛ na ka ɓesu moci mmbé aúkande aphe á ngia kau

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Pɛ́tɛɛ 1:17

Cɔ, akoɓá k'ɛ́mɛmi nɛnu na ɓɔɔmɔphana Mokonga «Abɛ», mmbé aotena nyɔngɔ á nkpa buakɛ kángá oɓayɔ, ka ɓeana na tambea akɛ, tambeani na kɔɓɔɓɔkɔ ka Mokonga ka mbenɔ nde ɓo phɔ́tɔ ka mokonda.

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

Yúda 1:23

Óamisani ɓuangbo na nsa. Ɓunɛngbo goto, ókuiani ngomi índɔ ana kɔɓɔɓɔkɔ. Ɓókodungɛmbɛ ka ngɔ́mbɛ á ka nyama aɓɔ, ka nyɔngɔ nde a ye jɔɔkani n'ekuma nɛɓɔ ájeɗe.

Mphaniɔ 3:19

Eme, neóphekeaga na sɛka á ɓakpa ɓɔbu ɓundɔ někondi. Cɔ, ɓá na moíngí na kětia tambea akɔ.