2 Ɓakɔlítɔ 6:9 - Ɔngana á Kɛ̌kɛ

⁹ Ɓáɔsɔ́ɔna ɓea ɓakpa nde ɓákáoúbukana, na ɓe ndiu oúbukana ánjá. Ɓáɔsɔ́ɔna ɓea ɓasí na ɓe phɔ́tɔ koenda. Ɓáosótamɓisaga kángá á mowa asu.

2 Ɓakɔlítɔ 6:9 Iomraidhean Croise

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 19:26

Cɔ, ɓɔɔ́ki na ɔna gǎkɛ ɓî Pɔ́lɔ aǒɓotea ɓakpa ɓásii ka kětia á měma aɓɔ, nna tɔ ka Ɛphɛ́sɔ, phɔtɔ ka Asía bubui, ka yɔnga akɛ te: ‹Iii á ɓamokonga á mbɛa, nnde ɓakpa ɓáɓɔngisigi, ɓáká tanda ɓakɔta.›

Ekuma á ɓateki 25:19

Ɗáɓátú tɔndɔ opúa na yɛ ka nyɔngɔ á esomba nɛɓɔ sasaɓɔ, na ka nyɔngɔ á nkpa moci ina akɛ Yéso, mmbé ɗáku. Pɔ́lɔ ɗági gǎkɛ te, a phɔ́tɔ koenda.

Ekuma á ɓateki 25:26

Ké gǎkɛ na nyɔngɔ aɗoko á ɗunduia Moamɛ Kaisáa ka phɔa akɛ. Kaɓondɔ unge, nembiki ně mosá anu, phɛɛ mosá akɔ oɓɛ moamɛ Agiípa. Ɓî ɓomúsiagande, ambe néɓɛ na nyɔngɔ á ɗundua gǔ akɛ.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

Ɓalɔ́ma 8:36

Ɓáɗundu suɓi á Ɓuku á Mokonga ɓe: «Ka nyɔngɔ akɔ unge kukuwa aosókena esa bui. Ɓáɔsɔɔna ɓea ɓamɔgɔgɔ nde ɓákeni na kukuwa.»

1 Ɓakɔlítɔ 11:32

Cɔ, Mɔkɔta a gǎkɛ otena nyɔngɔ nɛsu na ɓɛta asu ka gea, ɓákátenɛmbɛ nyɔngɔ nɛsu akpɛ kimoci na ɓakpa nde ɓánáomúba Mokonga.

1 Ɓakɔlítɔ 15:31

Ɓaya, esa bui neoóloka ka kukuwa. Nndɔ ande ɗoni, phɔtɔ ɓíndɔ neǒbeba ka nyɔngɔ anu ka júkana anu na Kiísito Yéso Mɔkɔta nɛsu.

1 Ɓakɔlítɔ 4:9

Nga, neokanisia te, Mokonga ɗásobisi ɓesu ɓateki ɓato á mbusa phɛɛ. Ɓáosotanga ɓea ɓakpa nde ɓáteni nyɔngɔ nɛɓɔ akpɛ ka kukuwa. K'índɔ unge ɓato á ka mokonda bui na ɓamalaéka ɓá ye tɔ osotangaaga.

2 Ɓakɔlítɔ 11:6

Nanga ɓî kéoúba yɔnga ánjá, ne ndiu na úbapha phɛɛ. Ɗéɓenɔɔnisi kema bui base ka mbenɔ bui.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 5:11

Cɔ, ɓeoúba kantíti á ɓánga á Mɔkɔta. Kaɓondɔ, ɓeokaɓa tɔka á ɓakpa ka měma aɓɔ. Mokonga aosóúba ánjá phɛɛ. Neseɓei phɔtɔ gea, ɓoósoúba ka měma anu.