2 Ɓakɔlítɔ 6:8 - Ɔngana á Kɛ̌kɛ

⁸ nanga ɓásoɗokomisa kaɓɛ tóndea asu, nanga ɓásobeba kaɓɛ bóma asu. Ɓuangbo ɓáogea te, ɓende ɓademigi, nanga ɓéɓá ɓato á ɗoni.

2 Ɓakɔlítɔ 6:8 Iomraidhean Croise

Matáyɔ 10:25

Ambe ngoigi áɓɛ ɓea ngoisigi nɛkɛ, mbɛɗanigi áɓɛ ɓea mɔkɔta ékuma nɛkɛ. Aoɓá na ɓámɔphani mɔkɔta á ekombo k'ína Bɛljɛbúli, ɓáɛɓɔphanande ɓato á k'ékombo nɛkɛ k'ína ájeɗe phɛɛ.»

Matáyɔ 22:16

Ɓáǒteka ka ɓagoigi nɛɓɔ kimoci na ɓakpa ndea moamɛ Ɛlɔ́dɛ. Ɓáongoɗea Yéso te: «Ngoisigi, ɓeoúba gea onde nto á ɗoni na ǒphangiaga ɓakpa nyɔngɔ á ɗoni ka ɓeá á Mokonga. Kóna kɔɓɔɓɔkɔ á mɔphɛ á ɓakpa na kóoɓongeaga kɔkɔta á ɓakpa.

Matáyɔ 27:63

ɓáongoɗea te: «Mɔkɔta, ɓekanisi te, mbenɔ nde ndemigi ndɔ ɗáoenda, ɗáyɔngi te: ‹Mbusa á esa isaɔ, nejujukande ka kukuwa.›

Málikɔ 12:14

Ɓondɔ unge ɓáombikia, ɓáomúsia: «Ngoisigi, ɓeoúba gea, onde nto á ɗoni, kóomɓánga nkpa. Kó phɔtɔ oenga keongi á ɓakpa. O ndiu ǒphangiaga ɓakpa, nyɔngɔ á ɗoni ndea Mokonga. Cɔ, ósongoɗea: Aánjá ka ɓesu phenda á manjanja ka Moamɛ Kaisáa? Ɓéphendɛ? Ɓékephendɛmbɛ?»

Yoáni 7:12

Ka usɛsɛ á ɓakpa, ɓakpa ɗáɓáɔngɔngɔnaga ka phɔa akɛ phɛɛ. Ɓuangbo ɗáɓáogea: «Yɛ, ande nkpa anjánjá.» Ɓuangbo ɓâ gǎkɛ ogea: «Ndǎkɛ! A ndiu ǒdemaga ɓakpa.»

Ekuma á ɓateki 10:22

Ɓáonsikisia te: «Moamɛ á ɓato émani Kɔɔnɛlíɔ aámbé asóteki. Ande nto á koɗoni na mmbé áomɓanga Mokonga. Ɓayúda ɓɔbu, ɓá phɔtɔ ombeba phɛɛ. Malaéka ndea Mokonga angoɗi gea, ákɔɔphanɛ mɔtɛ-akɛ, ka ɔ́ka nyɔngɔ nde ongoɗeande.»

Ekuma á ɓateki 16:39

Mpɔ, ɓáobika ka mpɛphɛ á Pɔ́lɔ na Síla, ɓáǒɗengemisaga, ɓáǒjuanisisa ka mekakɔ. Ɓáǒgea te, ɓátokɛ ka ntanga-nji ndɔɔ.

Ekuma á ɓateki 22:12

Cɔ, nkpa moci ɗátú kó, ina akɛ Ananía. Yɛ, ɗátú mɓángi-Mokonga na ɗátúoamba ɛɔphi ndea Mósa phɛɛ. Ɓayúda ɓɔbu ɓunde ɗáɓáiki ka Damasíki ɗáɓáombeba phɛɛ.

Ekuma á ɓateki 24:5

Nga, ɓɛmɔni nkpa nde, ande nto á oyombɔ phɛɛ. Aǒyombokisa Ɓayúda ka mokonda bui. Yɛ, ande mɔkɔta á ekombo á Ɓanajalɛ́ti.

Ekuma á ɓateki 28:22

Cɔ, ɓekondi phɔ́ ɓɛ́ɔ́kɛ ianaga akɔ. Nga, ɓeoúba gea, ɓakpa ɓáɔyɔnga ájeɗe k'ɔ́ma bui gǔ á esomba nde okau.»

Ekuma á ɓateki 4:21

Mbusa á ɓangisa aɓɔ goto, ɓáǒɗoa. Ɗáɓákáɔni nyɔngɔ á tambisaga aɓɔ kau nga, ɓakpa ɓɔbu ɗáɓáombeba Mokonga ka nyɔngɔ á kema nde ɗágeani.

Ekuma á ɓateki 5:13

Ɓundɔ ɗáɓákátú ɓaɓeeki, nna na ka ɓɔ nde ɗáokinia dondanaga na ɓɔ. Nanga ɓó, ɓakpa ɗáɓáǒbeba ɓaɓêki phɛɛ.

Ekuma á ɓateki 6:3

Cɔ, ɓaya, ɔ́sɔmbɔani ɓakpa ngianjaga iɓɛ (7) sɔsɔɓɛ anu, ɓunde ɓá na tambea ánjá, ɓátúmi na Měma á kanga ɓojeɗe na ɓá na kɔɓɔɔngɛ, ɓébisɛ k'ékuma á egabɔ.

Ɓalɔ́ma 3:8

Aoɓá ɓó, ɓɛ́yɔngɛni pɛ: «Ɓégeɛni kema ájeɗe ka gea kema ánjá átɔtɔkɛanɛ?» Eya ana ɓakpa nde ɓáɔyɔnga mbɛa ka phɔasu gea, ɓesu ɓáunge ɓɛɔyɔnga ɓó. Ɓakpa ndɔ ɓákenande na tena á nyɔngɔ nɛɓɔ akpɛ!

2 Ɓakɔlítɔ 1:18

Cɔ, Mokonga, mɛna-koɗoni, aoúba gea, moangɔ nesu ɗákátú á ɓeekea á nyɔngɔ na yá í mɔngɔ ímoci.

2 Ɓakɔlítɔ 11:21

Cɔ, neokuwa na soni á yɔnga gea, ɗéɓékétú na ɓukpɛkpɛ á gea kema ndɔɔ. Aoɓá nkpa ɓaangbo n'akengi ébeba ka kema ímoci, eme phɔtɔ neébebande. Kɛ̌kɛnde nɛɔyɔnga ɓea mbóbó.

2 Ɓakɔlítɔ 12:16

Ɓooúba ánjá gea, kétónókumbisi ɓoɗoko ani. Ɓakpa ɓuangbo gǎkɛ ɓáokanisia te nenókǒngu ka ɓɔngaga anu n'odemayɔ.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

1 Ɓatɛsalɔníka 2:3

Ɓɔphɛi nɛsu gǎkɛ, nna na mbɛa, nna na maibe, nna n'odemayɔ.

1 Timɔtɛ́ɔ 3:7

Goto, ɓunde ɓáná ɓakiísito ɓádigimisɛ nyɔngɔ nɛkɛ ánjá ka gea, ɓákámɓɛnjiɛgɛmbɛ na tá ka mɛ̌kɔ ndea nketi.

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

Ɓaɛbulanía 13:13

Cɔ, ɓégɛ dondaneni na yɛ ka ngba-nji na ɓeekea gea ɓásɔjɔɔkisɛ ɓea yɛ

1 Pɛ́tɛɛ 4:14

Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.

3 Yoáni 1:12

Ɓakpa ɓɔbu ɓáoɗigimisa gea, Dɛmɛtiíɔ ande nkpa anjánjá, nndɔ ande ɗoni. Ɓesu phɔtɔ ɓeoɗigimisa nyɔngɔ ka phɔa akɛ, na oɓɛ ooúba gea ɗigimisa á nyɔngɔ nɛsu ande ɗoni.

Mphaniɔ 3:9

Cɔ, nekophande ɓato á k'endu á madondanɔ ndea Sɛtáni. Ɓɔ, ɓáɔyɔnga sasaɓɔ mbɛa te, ɓánde Ɓayúda na ɓáná gǎkɛ Ɓayúda. Něsoseande ɓábikɛ gbukɛ muanku aɓɔ mosá akɔ ka ɗokomisa akɔ na ɓáúbande gea, eme nekokondi.