2 Ɓakɔlítɔ 6:7 - Ɔngana á Kɛ̌kɛ

⁷ Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,

2 Ɓakɔlítɔ 6:7 Iomraidhean Croise

Málikɔ 16:20

Ɓagoigi gǎkɛ, ɓáoga ɔtɔmiaga Mbino-Ánjá k'ɔ́ma bui. Mɔkɔta Yéso áoɓá na ɓɔ k'ékuma bui. Áoɗokomisa ɓɔphɛi nɛɓɔ ka ketangaɔ nde ɗáɓátú ɔtɔtɔkisa.]

Ekuma á ɓateki 11:21

Mɔkɔta áǒɓopha ɓukpɛkpɛ. Kaɓondɔ, ɓakpa ɓásii ɓáoɓeekea nyɔngɔ á Mɔkɔta na kětia á tambea aɓɔ ájeɗe.

1 Ɓakɔlítɔ 1:24

Ka ɓunde gǎkɛ Mokonga ɗáɛ́ɓɔphani, kaɓɛ Ɓayúda, kaɓɛ ɓunde ɓáná Ɓayúda, Kiísito ande ɓukpɛkpɛ ndea Mokonga na kɔɓɔɔngɛ ndea Mokonga.

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 7:14

Eme, neǒbeba na ɓenu mosá akɛ nga kéku na soni. Ɓî ɗéɓeonóngoɗea esa bui nyɔngɔ á ɗoni, na ébeba asu na ɓenu mosá á Titɔ ɗátú tɔ ɗoni.

Ɓaɛphɛ́sɔ 1:13

Ɓenu phɔtɔ, mbenɔ nde ɗɔ́ɓɔɔ́ki ɓɔphɛi á ɗoni, Mbino-Ánjá á amisa anu ka měma, ɗóɓomɓeeki Kiísito, mpɔ Mokonga áobisa mphangiɔ ka gea te, ɓéɓɛ ɓakpa nɛkɛ. Mphangiɔ kau n'ande Měma á kanga ɓojeɗe nde ɗáɔku.

Ɓaɛphɛ́sɔ 3:20

Cɔ, ka Mokonga, mmbé abisi ɓukpɛkpɛ ka měma asu, Yɛ aɔtɔka tɔtɔkisa nyɔngɔ nde anyɛ́nyi ɛmɛmi nɛsu, na úbapha asu!

Ɓaɛphɛ́sɔ 4:21

Ande ɗoni gea, nyɔngɔ akɛ unge ɗɔ́ɓɔɔ́ki na ɓáonógoisaga ɓenu ɓakiísito nyɔngɔ á ɗoni nde a ka Yéso.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

1 Ɓatɛsalɔníka 5:8

Ɓesu gǎkɛ, ɓende ɓato á sɔmani. Kaɓondɔ, ɓékéyengiɛmbɛ. Ande gea te, ɓeekea n'ekondani nɛsu ákengeanɛ na ngɔ́mbɛ á k'égogo ndea nto-émani, nnde ɓáɓɔngisigi na ngɔa. Nseɓeɔ nɛsu á ɓoamia á ka měma, áɓɛ phɔtɔ ɓea kúku á ngɔa nɛkɛ.

2 Timɔtɛ́ɔ 2:15

Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

2 Timɔtɛ́ɔ 4:7

Ɗémani emani ánjá, ɗéjú ka sungiaga á njoko á gǎ mbangɔ, ɗéambi ɓeekea nɛmɔ.

Ɓaɛbulanía 2:4

Mokonga â gǎkɛ oɗigimisa nyɔngɔ nde ɗáɓátɔ̌mi, ka tɔtɔkisa á mphangiɔ na ketangaɔ ɗanga-ɗanga phɔtɔ ɓî agabi Měma á kanga ɓojeɗe ɓíndɔ ɗákondi.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.