2 Ɓakɔlítɔ 6:6 - Ɔngana á Kɛ̌kɛ

⁶ Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

2 Ɓakɔlítɔ 6:6 Iomraidhean Croise

Ɓalɔ́ma 12:9

Ambe ekondi nɛnu áɓɛ kángá maibe. Kángeani ɓojeɗe, ɓóoyameɛ ka ɓonjánja.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

1 Ɓakɔlítɔ 12:8

Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

1 Ɓakɔlítɔ 13:4

Nto ékondi ana měma á phiphia kema bui, ande nkpa nde aǒenga ɓakpa, nna na nsengo, nna ǒɗokomisa, nnaǒbeba.

1 Ɓakɔlítɔ 2:16

Ɓáɗundu suɓi á Ɓuku á Mokonga ɓe: «Ani mmbé aoúba kanisia ndea Mɔkɔta? Ani mmbé aɔtɔka n'amphɛí?» Ɓesu ɓe gǎkɛ na kanisia nde atóki ka Kiísito.

1 Ɓakɔlítɔ 2:4

Ɓɔphɛi nɛmɔ na goisaga nɛmɔ, ɗékétú ogea ú ka ɓɔngaga anu na kɔɓɔɔngɛ á kokpa. Ɗé ndiu onógoisaga ka ɓukpɛkpɛ phɛɛ á Měma á Mokonga.

2 Ɓakɔlítɔ 1:23

Eme gǎkɛ, nembisi Mokonga nɗigimisi ka enda ani. Aoɓá na nɛɔyɔnga mbɛa, ámomowɛ. Kéji ye na Kɔlítɔ ka nyɔngɔ nde neonokuia ngomi.

2 Ɓakɔlítɔ 11:11

Negi ɓó ka nyɔngɔ éke? Ande ka nyɔngɔ nde kénókóndi? Mokonga aoúba gea nenókondi.

2 Ɓakɔlítɔ 11:4

Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

2 Ɓakɔlítɔ 11:6

Nanga ɓî kéoúba yɔnga ánjá, ne ndiu na úbapha phɛɛ. Ɗéɓenɔɔnisi kema bui base ka mbenɔ bui.

2 Ɓakɔlítɔ 12:15

Eme neɓeekeande gabea anu imɔna na gaba enda ani bui. Ɓî nenókondi phɛɛ, ɓókómokondɛku tanda ábɔa?

2 Ɓakɔlítɔ 13:10

Kaɓondɔ unge, nenóɗundui ɓaoɓa ndee na neɗanga na ɓenu. Nga ne ye okiɗia, kékóndi néɓɛ nkáe ka kɔkɔta nde Mokonga amopi ka ɓenu. Kɔkɔta ndɔ nna á kusa anu, a ndiu ka mɔtisaga anu ka měma.

2 Ɓakɔlítɔ 2:10

Aoɓá n'oími ɓojeɗe ndea nkpa, nê phɔtɔ oíma ú. Mbenɔ nde neoíma, aoɓá na nena ɓojeɗe nɛngbo ásii á íma í, neoíma ú ka nyɔngɔ anu mosá á Kiísito.

2 Ɓakɔlítɔ 2:4

Ɗénoɗundui ɓaoɓa ndɔ měma ani n'asiɗi phɛɛ, na neogáma. Ɗákátú gǎkɛ ka nyɔngɔ á ɓɛisa anu. Ɗátú ndiu ka gea, ɓóúbɛ ekondi ángbó nde neně ka ɓenu.

2 Ɓakɔlítɔ 3:3

Eya, ande base gea, Kiísito aámbé aɗundu ɓaoɓa ndɔɔ, ɓesu ɓáunge ɗáɓásóphi ú ka bika ně. Ɗákáɗundu ú na pɛnjɛa, ɗáɗundu ndiu na Měma á Mokonga, Mɛyɔ. Mokonga ɗákáɗundu ú ɓea gǔ ɛ́tɛ nde Mósa ɗábɛɗaneigi, ɗáɗundu ndiu ka měma á ɓakpa.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

2 Ɓakɔlítɔ 7:2

Ambe měma anu ákoɗokanɛ ka ɓesu. Nga, ɓékéngǐí nkpa ájeɗe, ɓékémúji nkpa, ɓékémbɛɗanisigi nkpa ecici.

Ɓagalatía 3:2

Cɔ, ómongoɗeani phɔ́, ɗɔ́ɓɔtɔi Měma á Mokonga ka nyɔngɔ nde ɗóɓoambi ɛɔphi na nna tɔ ka nyɔngɔ á ɔ́ka Mbino-Ánjá ndea Mokonga na ɓeekea í?

Ɓagalatía 3:5

Ɓî Mokonga anophi Měma akɛ, â phɔtɔ ɔtɔtɔkisa ketangaɔ sɔsɔɓɛ anu. Cɔ, aogea ɓondɔ ka nyɔngɔ nde ɓooamba ɛɔphi kaɓɛ ka nyɔngɔ nde ɓɔɔ́ka Mbino-Ánjá ndea Mokonga na ɓeekea í?

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 3:4

Ɓî ɓootanga ɓaoɓa nɛmɔ, ɓoengekisande gea, neoúba nyɔngɔ á ɓɔsɔmɛa ndea Kiísito.

Ɓaɛphɛ́sɔ 4:2

Ɓáni na měma édidisa, ɓɔphɔngɔ na měma á phiphia, phiphianani n'ekondi.

Ɓaɛphɛ́sɔ 4:32

Ɓáni na měma ánjá na á kuina ngomi. Nkpa na nkpa áímɛ ɓojeɗe ndea dakɛ ɓíndɔ Mokonga ɗáími ɓojeɗe nɛnu ka nyɔngɔ á Kiísito.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 2:3

Nga, yɛ, ande cina á ɛtɔi bui á úbapha na kɔɓɔɔngɛ.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

1 Ɓatɛsalɔníka 2:10

Ɓonde ɓaɗigimisi nɛsu, na Mokonga phɔtɔ, ɓî tambea asu mosá anu ɓenu ɓaɓêki, ɗátú ánjá, kángá á ɓojeɗe, na kángá á kisɛki.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 5:2

ɓagbɛga á ɓake ɓea ɓamakɔ, na ɓaseka ɓea ɓ'áwákɔ kángá ɓá na kanisia ájeɗe ka phɔa ɓɔ.

2 Timɔtɛ́ɔ 3:10

Oɓɛ gǎkɛ, ɗómoɓi bîbíbí ka ɓɔphɛi nɛmɔ, tambea ani, mɔphɛ nɛmɔ, ɓeekea nɛmɔ, phiphia nɛmɔ, ekondi nɛmɔ, phiphia á tambaga nɛmɔ.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Títɔ 2:7

ka kema bui. Oɓɛ sasakɔ, óɓɛ mphangiɔ k'ékuma ánjá. Góisaga tɔ ɓɔphɛi á ɗoni, nnde akeni.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Yoáni 3:18

Ɓaniki amɔ, ekondi nɛsu kaɓɛ mɔnɔ tɔndɔ á k'aphenɔkɔ na yɔngaga á jǎi-jǎi. Akeni gǎkɛ ekondi nɛsu áɓɛ á ɗoni, nnde aoúbikana ka tambea asu.