2 Ɓakɔlítɔ 6:5 - Ɔngana á Kɛ̌kɛ

⁵ Ɗáɓásóɓindi na makea asu ka mekakɔ, ɓakpa ɓáosobikisia oyombɔ, ekuma áosóphûmisa, ɓékéɓɛ na tɔ̌ k'íso na ika kángá eaga ka nyɔngɔ á mɛma Mokonga.

2 Ɓakɔlítɔ 6:5 Iomraidhean Croise

Matáyɔ 14:10

Áonteka nkpa ka gǎ tena mɔ̌ á Yoáni-Mɓatisi suɓi á mekakɔ.

Matáyɔ 14:3

Cɔ, Ɛlɔ́dɛ ɗándungisi Yoáni, ɓáomɓóaga na makea akɛ ka mekakɔ. Ɗátú ka nyɔngɔ á Ɛlɔdía, nka muna-amakɛ Philípɔ.

Matáyɔ 9:15

Yéso áǒsikisia te: «Ɓato-ɛ́kɛka ɓáikimbɛ mɔnɔ na ngomi na mǒko-ɛ́kɛka a kimoci na ɓɔ? Ɓɛɛndɔ! Ɓáikande kángá á eaga ka nyɔngɔ á mɛma á Mokonga mbenɔ nde ɓámphúiande mǒko-ɛ́kɛka ka ɔlɔ aɓɔ.

Ekuma á ɓateki 13:3

Cɔ, mbusa á tútuisa ɛmɛmi na ika kángá á eaga ka nyɔngɔ á mɛma á Mokonga, ɓáobisa njaga gǔ á ɓɔ mpɔ, ɓáǒɗeketa ɓágɛ.

Ekuma á ɓateki 14:19

Mbusa, Ɓayúda á ka Antiɔkía na Ikɔníɔ, ɓáɔsɔia usɛsɛ á ɓakpa gea ɓágamanɛ na ɓɔ, ɓámmowɛ Pɔ́lɔ ka ɓɛtaga akɛ n'ɛtɛ. Ɓáonga ně ka ngba á ntanga-nji, ɓáokanisia te aku.

Ekuma á ɓateki 14:23

Suɓi á kanisa moci-moci á ka nji ndɔ, Pɔ́lɔ na Baanába ɓáɔ̌sɔmbɔa ɓagbɛga á kanisa. Mbusa í, ɓáɔmɛma na ika kángá á eaga ka nyɔngɔ á mɛma á Mokonga. Mpɔ ɓáǒbisa ka njaga Mɔkɔta mmbé ɓámɓeeki éambɛ.

Ekuma á ɓateki 17:5

Ɓayúda ɓâ ndiu oɓá na nsengo, ɓáodondanisa usɛsɛ á ɓakpa jǎi-jǎi ɓundɔ ɗáɓědondi k'ɔ́ma ɗanga-ɗanga, ɓáoyombokisa ntanga-nji. Ɓáokiɗia k'éndu ndea Yasɔ́ni, ɓáǒkaɓa Pɔ́lɔ na Síla ka gǎ na ɓɔ mosá á madondanɔ.

Ekuma á ɓateki 20:31

Cɔ, ɛngɛphani na ɓókoɓoseɛmbɛ gea ka ɓasaga ɓasaɔ keiphe n'esa ɗékéɗeketi phɛá ka nkpa ka ɔlɔ anu na iɓo á ngamɔ.

Ekuma á ɓateki 23:10

Ɓî eongo ɗátú ye akpɛ, mɔkɔta á ɓato émani áoɓánga gea, ɓakpa ndɔ ɓáncoagande Pɔ́lɔ. Kaɓondɔ, áǒsosea ɓato émani gea, ɓágɛmbɛɗɛ Pɔ́lɔ sɔsɔɓɛ aɓɔ, ɓángɛ ně ka ɓogaɔ á ɓato émani.

Ekuma á ɓateki 23:35

Áongea te: «Nekoúsiagande mbenɔ nde ɓatɔngi nɛkɔ ɓákiɗiande.» Mpɔ áososea gea ɓánambɛ Pɔ́lɔ k'éndu ndea Moamɛ Ɛlɔ́dɛ.

Ekuma á ɓateki 24:27

Mbusa á ɓasaga ɓaɓɛ, Pɔɔkíɔ Phɛ́sitɔ áɔmpɛna Phelíki. Phelíki ɗákondi ékondisaga na Ɓayúda, ka ɓɔndɔ áonɗeketa Pɔ́lɔ ka mekakɔ.

Ekuma á ɓateki 26:10

Ɗégi nndɔ ka Yɛusalɛ́ma. Eme sisani ɗéengisisi ɓaɓêki ɓásii ka mekakɔ na kɔkɔta nde ɗétɔí ka ɓagbɛga á ɓatobeigi-phɛ́a. Cɔ, ɓî ɗáɓáotena nyɔngɔ á kukuwa aɓɔ, eme ɗéɓeeki.

Ekuma á ɓateki 26:29

Pɔ́lɔ áonsikisia te: «Aoɓá ka mbenɔ ábɔa, kaɓɛ ka mbenɔ ásii, nɛɔmɛma Mokonga. Ɛmɛmi ndɔ nna tɔ ka phɔa akɔ sasakɔ, a ndiu phɔtɔ ka phɔa ɓakpa ɓɔbu ɓunde ɓáɔmɔɔ́ka kesande, ɓáɓɛ ɓea eme. Ɓákanómakeɛmbɛ ndiu ka mekakɔ ɓea eme.»

Ekuma á ɓateki 28:30

Cɔ, Pɔ́lɔ áoika ɓasaga ɓaɓɛ k'éndu nde yɛ ɗáǒphendea. Áǒsesea ɓakpa ɓɔbu ɓunde ɗáɓáobika motɛ-akɛ,

Ekuma á ɓateki 5:18

Kaɓondɔ, ɓáǒdunga ɓateki, ɓáǒmakea ka mekakɔ ángbó.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

1 Ɓakɔlítɔ 4:11

Na ka kɛ̌kɛnde, ɓena nja n'ɛnyɔta, ɓena ɓuyɛnɛ á ngɔ́mbɛ, ɓáosótambisaga, ɓeoga na ɓeótambeaga kángá ɔma á ɓuiki.

1 Ɓakɔlítɔ 7:5

Ɓókóúmanɛ mɔnɔ. Aoɓá n'ande ka nyɔngɔ á mɛma á Mokonga, ɔ́kanani ko ɓaɓɛ anu ka mbenɔ ábɔa. Mbusa í, ɓóodondana ka ɓánga gea, Sɛtáni kanótombɛgɛmbɛ, ka nyɔngɔ nde, ɓókó na ɓukpɛkpɛ á amba nyama anu.

2 Ɓakɔlítɔ 11:27

Ɗétambigi k'ékuma ásii, ɗɛ́phɛigi tɔ̌, néokuwa na nja n'ɛnyɔta, néoikaga kángá á eaga ka nyɔngɔ á mɛma Mokonga, néoɓá na phiɔ na ɓá na ɓuyɛnɛ á ngɔ́mbɛ.

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaphilípi 1:13

Nga, ɓaɓondigi ɓɔbu éndu ndea moamɛ angbóngbó na ɓakpa ɓunɛngbo ɓɔbu, ɓáoúba base gea, ne ka mekakɔ ka nyɔngɔ á bɛɗaneaga á Kiísito.

1 Ɓatɛsalɔníka 2:9

Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

2 Timɔtɛ́ɔ 4:5

Oɓɛ gǎkɛ, óamba ka kema bui, óphiphiɛ tambaga, bɛɗanaga ekuma á tɔ̌mia á Mbino-Ánjá. Tɔtɔkisa ekuma nɛkɔ ánjá.

Ɓaɛbulanía 11:36

Ɓuangbo goto ɗáɓěnɛphɛi na ɓinda aɓɔ. Ɗáɓěɓóege na ngoi á ngɔa ɓáǒmakea ka mekakɔ.

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

Ɓaɛbulanía 13:23

Úbani gea ɓankoɗi muna-amasu Timɔtɛ́ɔ. Aoɓá na káiphi ka kiɗia, nebikande na yɛ ka ɔna anu.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.