2 Ɓakɔlítɔ 6:4 - Ɔngana á Kɛ̌kɛ

⁴ Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

2 Ɓakɔlítɔ 6:4 Iomraidhean Croise

Lóka 21:19

Cɔ, bisani měma anu, nga ka gea anu ɓó aunge ɓoamisande měma anu.»

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 2:22

Cɔ, Ɓaisilaɛ́li ɓaya, ɔ́kani phɔ́ nyɔngɔ nde: Yéso ɓa Najalɛ́ti, ande nkpa nde Mokonga ɗánsɔmbu ka úbisa anu base gea, ana ɓukpɛkpɛ á tɔtɔkisa á ketangaɔ ɗanga-ɗanga na mphangiɔ sɔsɔɓɛ anu ɓíndɔ ɓooúba sasanu.

Ekuma á ɓateki 20:34

Ɓo ndiu oúba gea, eme sasani ɗɛ́túɔbɛɗanaga ka tɔá á kema nde ɗámokeni, phɔtɔ na ka ɓadani.

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

Ɓalɔ́ma 14:18

Mmbé aɔmbɛɗaneaga Kiísito ɓó, amɓɔngɛi Mokonga na ɓakpa ɓáomɓeekea.

Ɓalɔ́ma 16:10

Nensambei Apɛ́lɛ mmbé aúbisi base ɓeekea nɛkɛ ka Kiísito. Něsambei ɓato á k'éndu ndea Aiistobúlo.

Ɓalɔ́ma 3:5

Cɔ, kaɓɛ ka nyɔngɔ á ɓojeɗe nde ɓeogea aunge Mokonga aúbikani gea ande nto á koɗoni, ɓɛyɔngande Mokonga nna nto á ɗoni ka nyɔngɔ nde aosótambisaga? (Nɛyɔngi wa yɔngɛa á kokpa.)

Ɓalɔ́ma 5:8

Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

1 Ɓakɔlítɔ 3:5

Cɔ, Apɔ́lɔ ande ani? Pɔ́lɔ ande ani? Ɓe tɔndɔ ɓabɛɗanigi, ɓunde ɗóɓoɓeeki ka ɓeana na ɓɔphɛi nɛɓɔ. Nkpa na nkpa ɗátɔtɔkisi ekuma ɓíndɔ Mokonga ɗángabei.

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

1 Ɓakɔlítɔ 9:11

Ɓî ɗéɓekoni mbó á kema á ka měma suɓi anu, nna tanda ánjá aoɓá na ɓeɗúngu ka mbó á ka njaga anu?

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 11:27

Ɗétambigi k'ékuma ásii, ɗɛ́phɛigi tɔ̌, néokuwa na nja n'ɛnyɔta, néoikaga kángá á eaga ka nyɔngɔ á mɛma Mokonga, néoɓá na phiɔ na ɓá na ɓuyɛnɛ á ngɔ́mbɛ.

2 Ɓakɔlítɔ 11:9

Ɓî ɗétú mɔtɛ-anu, nna na nkpa nde ɗátú omogabea kema nde ɗétú na siki í. Ɓadani ɓaɓêki á ka Makɛdɔnía ɓáunge ɗáɓáomobikia na nkumba bui nde ɗéna siki í. Ɗékébisi ɓoɗoko ani ka ɓenu na kébisɛku.

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

2 Ɓakɔlítɔ 12:12

Ɗɔ́ɓɔɔni nyɔngɔ ɗanga-ɗanga á nteki n'aɔtɔtɔkɛana sɔsɔɓɛ anu: Ɓá na měma á phiphia ka tombaga bui, mphangiɔ á ketangaɔ, ketangaɔ na kema á ɓukpɛkpɛ.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 4:8

Ɓakpa ɓáosókpatikisaga, ɓéké gǎkɛ oɗoa nseɓeɔ. Ɓáosóphusiaga na nyɔngɔ, ɓáná gǎkɛ ɔ̌sɔ́tɔka.

2 Ɓakɔlítɔ 7:11

Cɔ, ɔ́nani phɔ́ kema nde esúia nde ande á mɔphɛ á Mokonga aobikisa: Ɓá na moíngí phɛɛ, ɛ́yɔngɛa, kangea ɓojeɗe, ɓá na ɔ́kapha, ɓá na mɔphɛ á ɔna ani, ɓá na mɔphɛ á bɛɗaneaga ani, keea ɓojeɗe. Kaɓondɔ, ɓɔɔnisi gea, ɓókótú suɓi á nyɔngɔ ndɔɔ.

Ɓakɔlɔsái 1:11

Ambe Mokonga ánóphɛ ɓukpɛkpɛ bui, měma á kinia á kema na měma á phiphia.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

1 Ɓatɛsalɔníka 3:7

Cɔ, ɓaya, ɓî Timɔtɛ́ɔ asɔtɔ̌migi ɓó, měma asu aphɔngi, nanga ɓî ɗéɓetambigi phɛɛ. Eya, ɓeekea nɛnu ámamɛ akpɛ.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

1 Timɔtɛ́ɔ 2:15

Cɔ, ɓake ɓáamande ka měma ka nyɔngɔ á ɛɓɔkɔti, aoɓá na ɓátútuisi ɓeekea, ekondani, na měma á ɓonjánja.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 2:24

Cɔ, kákeni mbɛɗanigi ndea Mɔkɔta ásanɛ. Akeni ndiu áɓɛ nto á aphɔngɔ ka ɓakpa ɓɔbu, mmbé aɔtɔka goisaga na phiphia á tambaga.

2 Timɔtɛ́ɔ 4:5

Oɓɛ gǎkɛ, óamba ka kema bui, óphiphiɛ tambaga, bɛɗanaga ekuma á tɔ̌mia á Mbino-Ánjá. Tɔtɔkisa ekuma nɛkɔ ánjá.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.