2 Ɓakɔlítɔ 6:3 - Ɔngana á Kɛ̌kɛ

³ Ɓékékondi ɓɛtisa á nkpa n'ephiphi ka kema bui nga, ɓeóɓánga ɓakpa sɛkaga ékuma nɛsu.

2 Ɓakɔlítɔ 6:3 Iomraidhean Croise

Matáyɔ 17:27

Cɔ, ɓékéokonda ɓɛisa á ɓakpa ndee. Kaɓondɔ, gǎ k'étǔ, ómakeɛ kɔ̌ɓɔ, sú nde ɔɔmɔpha k'ama mosá-mosá, kóɗa aphenɔkɔ akɛ. Kó, odondande imɔna moci, bɛɗa ú, óɓophɛ ka phenda á manjanja ínɛmɔ na ndeakɔ.»

Matáyɔ 18:6

Nkpa nde a gǎkɛ ongusa ka ɓaniki nde ɓámoɓeeki suɓi á ɓojeɗe, atókeni ɓámɓɔɛɛ n'ɛtɛ ángbó ka kingo na makea akɛ ka oɓenge.

Ekuma á ɓateki 19:27

Cɔ, ka nyɔngɔ ndɔ, ɓojeɗe í a ɓe: Ɓakpa ɓákáɓɛnjiɛgɛku tɔ ekuma nɛsu, phɔtɔ endu ndea mokonga á mbɛa ímbe nke, Aatɛ́mi aɓande k'íso á ɓakpa kema jǎi-jǎi. Ɓoombia ndea moamɛ nɛsu nke mmbé ɓáombeba ka Asía na mokonda bui asiande.»

Ɓalɔ́ma 14:13

Ɓéɗeketɛni teneanaga á nyɔngɔ ɓesu ka ɓesu. Ɓeekeanani ndiu ka gea, kɔmɓɛtɛkisɛmbɛ muna-amakɔ n'ephiphi ájeɗe kaɓɛ ngisisa akɛ ka ɓojeɗe.

1 Ɓakɔlítɔ 9:12

Cɔ, kaɓɛ ɓakpa ɓuangbo na ɓá na kɔkɔta á tɔá á kema ka njaga anu, ɓesu ɓéké phɔtɔ na kɔkɔta phɛɛ á tɔá á kema ka njaga anu? Cɔ, ɓesu, ɗéɓekébɛɗaneigi kɔkɔta ndɔ, ɓê ndiu oɗeketa kɔkɔta ndɔ ka gea, ɓékéimisiɛ mɔnɔ tútuisa á Nyɔngɔ-Ánjá ndea Kiísito.

1 Ɓakɔlítɔ 9:22

Mbenɔ nde nɛɔbɛɗanaga sɔsɔɓɛ á ɓakpa nde ɓákámɔtimbɛ ka ɓeekea, tambea ani aokengeana na nndɛaɓɔ ka gea, ɓámɓeekeɛ Kiísito. Eya, neǒyamea ka ɓakpa ɓɔbu ka gea, ɓakpa ɓunɛngbo sɔsɔɓɛ aɓɔ ɓáamɛ ka měma.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 8:20

Ɓékékóndi gea, ɓásoyeyɛ k'ékuma nde ɓásóphi ka bɛɗaneaga na imɔna ásii ndɔɔ.