2 Ɓakɔlítɔ 6:16 - Ɔngana á Kɛ̌kɛ

¹⁶ Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

2 Ɓakɔlítɔ 6:16 Iomraidhean Croise

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 6:24

Nna na nkpa nde aɔtɔka bɛɗaneaga á ɓakɔta ɓaɓɛ. Nga, ankangeande moci, áonkonda ɓaangbo. Kaɓɛ na nna ɓó, ajúkanande na moci, áomɓɛnjiaga ɓaangbo. Kɔ́ɔtɔka bɛɗaneaga á Mokonga na bɛɗaneaga á imɔna mɔngɔ moci.

Lóka 5:36

Yéso â phɔtɔ ǒngoɗea mɛní ndee: «Nna na nkpa nde aɔnyɔa phaeka á bɔngɔ á kɛ̌kɛ ka jukanisa í na bɔngɔ á kala. Aogea ɓó, áotúkatúka nndɔ á kɛ̌kɛ. Nndɔ á kala kágamanɛku na phaeka índɔ á kɛ̌kɛ.

Yoáni 14:23

Yéso áonsikisia: «Aoɓá nkpa n'amokondi, aámbande nyɔngɔ nɛmɔ, Abɛ ankondande. Eme na Abɛ, ɓebikande mɔtɛ-akɛ na ika kimoci na yɛ.

Yoáni 6:56

Mmbé aoea kesuku ani na noa á magia ani, eme neiki suɓi akɛ na yɛ aiki suɓi ani.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 8:9

Cɔ, ɓenu, ɓókó ye gǎkɛ oɓea tambea á kokpa, ɓo ndiu oɓea tambea á Měma á Mokonga, ka nyɔngɔ nde aiki suɓi anu. Aoɓá nkpa na nna na Měma á Kiísito, nkpa ndɔ nna nkpa ndea Kiísito.

Ɓalɔ́ma 9:26

Ɔma nde ɗáěngoɗi gea: ‹Ɓókó ɓakpa nɛmɔ›, wa tɔ unge ɓáɛɓɔphanande ɓana-Mokonga, Mɛna-enda.»

1 Ɓakɔlítɔ 10:21

Ɓókóɔtɔka na ɓonu ka mɔngɔ ímoci kiɓe á Mɔkɔta na kiɓe á ɓaketi. Ɓókó phɔtɔ ɔtɔka na ɓoigi ka mɔngɔ ímoci eea ndea Mɔkɔta na eea ndea ɓaketi.

1 Ɓakɔlítɔ 6:19

Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

Ɓaɛphɛ́sɔ 2:20

Ɓo ɓea mɔphɛkɔ nde ɓateki na ɓaɔtu-nyɔngɔ ndea Mokonga ɓácumi akpɛ. Kiísito sasakɛ ande ɓea ngeɔ á mɔphɛkɔ ndɔɔ.

Ɓaɛphɛ́sɔ 2:22

Ɓî ɓojúkani na Kiísito, ɓonde phɔtɔ nkumba á mɔphɛkɔ ka ɓá na ɓakpa ɓuangbo ɓɔbu, endu nde Měma á kanga ɓojeɗe aikande kau.

Ɓaɛphɛ́sɔ 3:17

Ɓî ɓomɓeeki Kiísito, yɛ áikɛ ka měma anu. Édokoɗeani ɓóósimbiɛ akpɛ suɓi ékondani

1 Timɔtɛ́ɔ 3:15

Cɔ, ne gǎkɛ koiphia kángá kiɗia, ɓaoɓa nde aoengande ka tambea akɔ sɔsɔɓɛ ékombo ndea Mokonga. Ekombo ndɔ ande kanisa ndea Mokonga mmbé aoenda, ande ngeɔ na cina á ɗoni.

2 Timɔtɛ́ɔ 1:14

Ámbá ánjá nyɔngɔ nde ɗáɓákophi, ka ɓukpɛkpɛ á Měma á kanga ɓojeɗe nnde aiki suɓi akɔ.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 8:10

Cɔ, ɔngana nde nɛɔnganande na Ɓaisilaɛ́li mbusa á esa ndɔ aungee: Nebisande ɛɔphi nɛmɔ suɓi á úbapha aɓɔ. Neɗunduande phɔtɔ ú ka měma aɓɔ. Neɓande Mɔkɔta nɛɓɔ, na ɓɔ ɓáɓande ɓakpa nɛmɔ.

Yakɔ́ɓɔ 4:5

Ɓomá ndiu okanisia te, nyɔngɔ nde a suɓi á Ɓuku á Mokonga ande á jǎi-jǎi ɓî agi te: «Mokonga nna phɔ́ na nsengo ka phɔa Měma akɛ nnde ɗábisi suɓi asu?»

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Yoáni 4:12

Nna tanda na nkpa nde amɔnimbɛmɔnɔ Mokonga. Aoɓá na ɓeokondana, Mokonga aiki suɓi asu na ekondi nɛkɛ atɔtɔkɛani ka ɓesu.

1 Yoáni 4:15

Nkpa buakɛ mmbé aɓeeki gea te, Yéso ande Muna-Mokonga, Mokonga aiki suɓi akɛ, yɛ áoika suɓi á Mokonga.

Mphaniɔ 2:1

Nɗunduia malaéka á kanisa á ka Ɛphɛ́sɔ ɓe: Mmbé ɛ̌bɛɗi ɓasɛɛngɔa ngianjaga iɓɛ (7) ka njaga akɛ á mǔku, n'aotamba sɔsɔɓɛ á tɛta á ɔbɛa ngianjaga iɓɛ (7) á láté ayɔngi ɓe:

Mphaniɔ 21:3

Nɛ́ɔɔ́ka ɛsɔ akpɛ n'aotóka ka kankaanga á kɔkɔta na koba áɔyɔnga ɓe: «Ɔma á ɓoiki ndea Mokonga a ye tɔ sɔsɔɓɛ á ɓakpa. Yɛ, aikande kimoci na ɓɔ, ɓáoɓá ɓakpa nɛkɛ. Mokonga sasakɛ, aɓande Mokonga nɛɓɔ, áoɓá kimoci na ɓɔ.

Mphaniɔ 21:7

Mmbé akíndande, nenkɔmande, neɓande Mokonga nɛkɛ, yɛ áoɓá miki-mǒko nɛmɔ.