2 Ɓakɔlítɔ 6:11 - Ɔngana á Kɛ̌kɛ

¹¹ Cɔ, Ɓakɔlítɔ ɓaya, ɓétónɔyɔngɛi base gea te měma asu atókoɗokani ánjá ka ɓenu.

2 Ɓakɔlítɔ 6:11 Iomraidhean Croise

Ekuma á ɓateki 18:1

Mbusa índɔ, Pɔ́lɔ áotóka ka Atɛ́nɛ, áoga na Kɔlítɔ.

Ekuma á ɓateki 18:8

Kiísipɔ, moamɛ á endu á madondanɔ ndea Ɓayúda ka nyɔngɔ á Mokonga ndɔ, â gǎkɛ omɓeekea Mɔkɔta, n'ekombo nɛkɛ bui. Ɓato á ka Kɔlítɔ ɓásii, ɓunde ɗáɓáɔ́ki ɓɔphɛi ndea Pɔ́lɔ, ɓáomɓeekea Mɔkɔta, ɓáǒɓatisa.

2 Ɓakɔlítɔ 12:15

Eme neɓeekeande gabea anu imɔna na gaba enda ani bui. Ɓî nenókondi phɛɛ, ɓókómokondɛku tanda ábɔa?

2 Ɓakɔlítɔ 2:4

Ɗénoɗundui ɓaoɓa ndɔ měma ani n'asiɗi phɛɛ, na neogáma. Ɗákátú gǎkɛ ka nyɔngɔ á ɓɛisa anu. Ɗátú ndiu ka gea, ɓóúbɛ ekondi ángbó nde neně ka ɓenu.

Ɓagalatía 3:1

Ɓagalatía ɓabóbó nde ca! Ani mmbé anɔɔgi mɔnɔ? Nyɔngɔ á kukuwa á Yéso ka moyangɔ ɗáɓátɔ̌migi ú base mosá anu.

Ɓagalatía 4:12

Ɓadani, nenóɗengemisigi! Ɓáni ɓea eme nga, eme ne tɔ ɓea ɓenu. Ɓókómogi na ka kema ájeɗe.

Ɓaɛphɛ́sɔ 6:19

Mɛmani phɔtɔ ka phɔani ka gea, Mokonga ámopɛ nténdé ka ɓoabi nde akeni, ɓî nɛɔtɔmiaga Mbino-Ánjá nɛkɛ nde ɗásɔmi.

Ɓaɛphɛ́sɔ 6:8

Kanisiani gea, nkpa na nkpa mmbé aogea ɓonjánja, nanga áɓá nkɔɓɛ, káɓi nkɔɓɛ, Mɔkɔta amphendande ka ɓeana na ɓonjánja nde ɗági.

Ɓaphilípi 1:8

Mokonga ande nɗigimisi nɛmɔ, nenókondi phɛɛ n'ekondi ndea Kiísito Yéso.

Ɓaphilípi 4:15

Ɓenu Ɓaphilípi, ɓooúba ánjá gea, ɓî ɗénetóki ka Makɛdɔnía ka matú nde ɗáɓákpangi tɔ̌miaga á Mbino-Ánjá, kanisa nɛnu tɔ unge ɗámoengi, ɓenu sisanu tɔ ɓáunge ɗóɓotú kimoci n'eme ka ɓokambia na ka kekusa.

Mphaniɔ 22:12

Yéso áɔyɔnga te: «Cɔ, neobika kɛ̌kɛnde! Nebikande n'ophendɔ ka phenda nkpa na nkpa ka ɓeana na nnde ɗági.