2 Ɓakɔlítɔ 6:1 - Ɔngana á Kɛ̌kɛ

¹ Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

2 Ɓakɔlítɔ 6:1 Iomraidhean Croise

Matáyɔ 23:37

Yɛusalɛ́ma, Yɛusalɛ́ma! Oɓɛ aámbé ǒmowe ɓaɔtu-nyɔngɔ ndea Mokonga, óǒmowa n'etae ɓunde Mokonga akotekisíí. Mɔngɔ ángaáni nde netókondi dondanisa á ɓakpa nɛkɔ ka mpɛphɛ ani ɓea ama-gbɔ̌kɔ n'aódodanisa ɓ'anakɛ kusi á kepupe akɛ, kókondɛ gǎkɛ.

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 14:3

Pɔ́lɔ na Baanába, ɓâ gǎkɛ oika kó esa ásii. Ɓáosuia tɔ̌miaga á nyɔngɔ á Mɔkɔta kángá á ngǎka na seɓea akɛ. Mɔkɔta â koopha ɓukpɛkpɛ á tɔtɔkisa ketangaɔ na mphangiɔ ásii. Nndɔ unge aengekisi ɓɔphɛi á ɓonjánja-ékondi nɛkɛ gea ande ɗoni.

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

1 Ɓakɔlítɔ 3:9

Nga, ɓɛɔmbɛɗaneaga Mokonga kimoci. Na ɓenu, ɓonde ciko na mɔphɛkɔ ndea Mokonga.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

Ɓagalatía 2:21

Kéɗoɛku ɓonjánja-ékondi ndea Mokonga. Nga, aoɓá ɛɔphi unge aombisa nkpa nto á koɗoni mosá á Mokonga, ámbé Kiísito ɗáku tɔ nɛkɛ jǎi.

Ɓagalatía 3:4

Ande gea te nyɔngɔ bui nde ɗátɔtɔkɛani ka phɔanu aku tɔ jǎi? Eya, ɗákáku jǎi.

1 Ɓatɛsalɔníka 3:5

Kaɓondɔ unge, ɓî ɗékétɔki phiphia á ɓondeaga, kángá á engekisa á ɓeekea nɛnu, ɗénotekisíí Timɔtɛ́ɔ. Nga, ɗéɓángi gea, Ndemigi kanótombɛgɛ mɔnɔ, mmbe ekuma nɛsu mɔtɛ-anu akuwande ecici.

Títɔ 2:11

Eya, Mokonga asóphangi base ɓonjánja-ékondi nɛkɛ, n'ande cina á ɓoamia á ka měma ka ɓakpa ɓɔbu.

Ɓaɛbulanía 12:15

Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

Ɓaɛbulanía 12:25

Ɛ́ngɛphani ka gea, ɓókoyɛmbɛ ɔ́ka á nyɔngɔ á nkpa nde aɔyɔnga na ɓenu nga, ɓakpa nde ɗáɓán'yé Mósa mbenɔ nde ɗáɔ̌phɛa ka mokonda, ɗáɓákátɔki tea á esúia ndea Mokonga. Ɓesu phɔtɔ ɓɛ́kɛ́ɔtɔka na ɓetí, aoɓá na ɓen'yé Mokonga mbenɔ nde aɔsɔ́phɛa n'ana koba.

Ɓaɛbulanía 4:1

Mokonga ɗásɔɔku ɓesu gea, asóphande aphe á ngia ka muúmbiɔ nɛkɛ. Cɔ, ɓɛ́ɛnjiɛni ɓonjánja kaɓɛmbɛ na ka ɓesu moci mmbé aúkande aphe á ngia kau

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.