2 Ɓakɔlítɔ 5:9 - Ɔngana á Kɛ̌kɛ

⁹ Kema nde ɓe gǎkɛ okáɓa k'ama mosá-mosá, ande ékondisaga na yɛ, nanga ɓéɓá na nyama ndee kaɓɛ ɗeketana ně.

2 Ɓakɔlítɔ 5:9 Iomraidhean Croise

Yoáni 6:27

Ɓɔ́kɔbɛɗanɛgɛmbɛ ka nyɔngɔ á eea nde aoújukana, áɓɛ ndiu ka nyɔngɔ á eea nde aoendisa mɛyɔ. Eea ndɔ, eme Muna-Nkpa, aámbé nenóphande nga, Abɛ Mokonga amopi kɔkɔta í.»

Ekuma á ɓateki 10:35

ɓato á ekuna bui, ɓunde ɓáomɓánga Mokonga na tɔtɔkisa á koɗoni, ɓɔ ɓáunge ɓámɓɔngɛi Mokonga.

Ɓalɔ́ma 14:18

Mmbé aɔmbɛɗaneaga Kiísito ɓó, amɓɔngɛi Mokonga na ɓakpa ɓáomɓeekea.

Ɓalɔ́ma 14:8

Nga, aoɓá na ɓeoenda, ɓeoenda ka Mɔkɔta, kaɓɛ na ɓéokuwa, ɓéokuwa ka Mɔkɔta. Kaɓɛ ɓékuwa, ɓéenda, ɓende ɓakpa ndea Mɔkɔta.

Ɓalɔ́ma 15:20

Mɔphɛ ani ɗátú tɔ ka tɔ̌miaga Mbino-Ánjá ɔma nde ɓákáɔ́kimbɛmɔnɔ nyɔngɔ á Kiísito. Ka gea te, kɛphɛ̌kɛmbɛ ɔma nde nkpa ɓaangbo ɗákpangi phɛ̌ka.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

2 Ɓakɔlítɔ 5:6

Kaɓondɔ, ɓena nténdé. Ɓeoúba gea, ɓî ɓe phɔ́tɔ suɓi á nyama ndɔ, ɓe phɔtɔ ɗanga na ɔma á ɓoiki ndea Mɔkɔta.

2 Ɓakɔlítɔ 5:8

Eya, ɓena nténdé ɗoni! Ɓekondi ɗeketa á nyama ndee, ka gǎ ika bíbí á Mɔkɔta.

Ɓaɛphɛ́sɔ 1:6

Kaɓondɔ, ɓémbebɛni Mokonga ka ɓonjánja-ékondi á ɓoombia nɛkɛ ka phɔasu, ka nyɔngɔ á anakɛ.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 1:29

Ka nyɔngɔ índɔ unge nɛɔbɛɗanaga na mana na ɓukpɛkpɛ nde Kiísito aomopa. Nndɔ aomoenga ka tɔtɔkisa ekuma na ɓukpɛkpɛ.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

1 Ɓatɛsalɔníka 4:11

Suiani phɔtɔ ika ka ɓujɛjɛ. Ɓókongiɛ mɔnɔ ka nyɔngɔ ndea ɓakpa ɓuangbo. Tétemisani ndiu ekuma á ka njaga anu sasanu. Nyɔngɔ ndɔ a tɔ ɓíndɔ ɗéɓenóngoɗi.

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

Ɓaɛbulanía 12:28

Cɔ, ɓénsikisiɛ Mokonga ɓosegi, ka nyɔngɔ nde, asóphi koɓoamɛ akpɛ, nnde nnaɔtɔka n'aɗengi. Kaɓondɔ, ɓémbɛɗaneɛgɛ ɓíndɔ amɓɔngɛi, ɓɛmɔ́kɛ, ɓémɓangɛ.

Ɓaɛbulanía 4:11

Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.