2 Ɓakɔlítɔ 5:8 - Ɔngana á Kɛ̌kɛ

⁸ Eya, ɓena nténdé ɗoni! Ɓekondi ɗeketa á nyama ndee, ka gǎ ika bíbí á Mɔkɔta.

2 Ɓakɔlítɔ 5:8 Iomraidhean Croise

Matáyɔ 25:21

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓéguɛ jaí kimoci!›

Matáyɔ 25:23

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓeguɛ jaí kimoci!›

Lóka 2:29

«Mɔkɔta! Mpɔ ye tɔ eme mbɛɗanigi nɛkɔ ómoɗeketa négɛ ka ɓujɛjɛ. Nga, mɔkɔ nɛkɔ atɔtɔkɛani.

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 14:3

Ɓî nege ɔɓɔngisiaga kanu ɔma á ɓoiki, nebikaeka goto ɔnɔbɛɗa ka gea, ɔma nde neiki, ɓenu ɓóikɛ phɔtɔ ɓei.

Yoáni 17:24

Abɛ, nekondi gea, ɓakpa nde omopi, ɓáikɛ ɔma nde neɓei, ka gea te, ɓáɔnɛ ɓoombia ani. Ɓoombia ndɔ aunge ɗómopi ka nyɔngɔ nde, ɗómokondi mosá á conjá á mokonda.

Ekuma á ɓateki 21:13

Pɔ́lɔ â gǎkɛ ososikisia te: «Eke nde ɓoogámea na dɔɓɔkisa á měma ani ně ɓende? Kéɓeeki tɔ ɓóaga ani, neɓeeki phɔtɔ gǎ kuwa na Yɛusalɛ́ma ka nyɔngɔ á Mɔkɔta Yéso.»

2 Ɓakɔlítɔ 5:6

Kaɓondɔ, ɓena nténdé. Ɓeoúba gea, ɓî ɓe phɔ́tɔ suɓi á nyama ndɔ, ɓe phɔtɔ ɗanga na ɔma á ɓoiki ndea Mɔkɔta.

2 Ɓakɔlítɔ 5:9

Kema nde ɓe gǎkɛ okáɓa k'ama mosá-mosá, ande ékondisaga na yɛ, nanga ɓéɓá na nyama ndee kaɓɛ ɗeketana ně.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

Mphaniɔ 22:3

Ka kema ka Mokonga sɛmɛaga í ka ntanga-nji ndɔ, kaɓɛku ye. Kankaanga á kɔkɔta ndea Mokonga na nnde á Muna-mɔgɔgɔ aɓande suɓi á ntanga-nji ndɔɔ. Ɓabɛɗanigi ndea Mokonga ɓámbebande.