2 Ɓakɔlítɔ 5:20 - Ɔngana á Kɛ̌kɛ

²⁰ Ɓende ɓakpa nde ɓɛɔyɔnga k'ína á Yéso nga yɛ aámbé asóteki. Ande gea te, Mokonga aámbé agi te ɓɛ́nɔɔphanɛ. Cɔ, ɓenóɗengemisigi k'ína á Kiísito gea te, ɓɔ́ɔnganɛ na Mokonga.

2 Ɓakɔlítɔ 5:20 Iomraidhean Croise

Lóka 10:16

Wa, Yéso áǒngoɗea ɓagoigi nɛkɛ: «Nkpa nde aɔnɔɔ́ka, amɔɔ́ki phɔtɔ. Mmbé anóyé gǎkɛ, amoyé. Mmbé amoyé, an'yé ndiu mmbé amoteki.»

Lóka 14:23

Mpɔ mɔkɔta áongoɗea mbɛɗanigi: ‹Gǎ k'aphe á nji ábɔbɔbɔa, na mpɛphɛ á ciko, ósoseɛ ɓakpa ɓábikɛ, ɓángiɛ, mpɔ endu nɛmɔ átúmɛ.›

Yoáni 20:21

Yéso â goto ǒngoɗea: «Ɓáni na ɓujɛjɛ! Eme nenoteki phɔtɔ ɓíndɔ Abɛ ɗámoteki.»

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 5:11

Cɔ, ɓeoúba kantíti á ɓánga á Mɔkɔta. Kaɓondɔ, ɓeokaɓa tɔka á ɓakpa ka měma aɓɔ. Mokonga aosóúba ánjá phɛɛ. Neseɓei phɔtɔ gea, ɓoósoúba ka měma anu.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓaɛphɛ́sɔ 6:20

Nende ntɔnganisi á Mbino-Ánjá, ka nyɔngɔ í unge ne ka mekakɔ. Kaɓondɔ, mɛmani Mokonga gea, nɛ́tɔmiɛgɛ ú na nténdé ɓíndɔ akenani ně.

Ɓakɔlɔsái 1:20

Ɗákondi sikisa ɓujɛjɛ sɔsɔɓɛ akɛ na econji bui á ka mokonda k'aphe ndea Anakɛ. Mbenɔ nde Kiísito ɗáɗuki magia akɛ ka moyangɔ, mpɔ Mokonga áosikisa ɓujɛjɛ sɔsɔɓɛ akɛ na econji bui nnde á na koba na nnde á ka mokonda.

1 Ɓatɛsalɔníka 4:8

Cɔ, nkpa nde ayé ɓɔphɛi ndɔ, kán'yé nkpa nde amphɛí, an'yé ndiu Mokonga, mmbé asóphi Měma nɛkɛ.