2 Ɓakɔlítɔ 5:19 - Ɔngana á Kɛ̌kɛ

¹⁹ Yéso aámbé ɗáɛɔnganisi ɓakpa na Mokonga kángá ɛnjia ye ɓojeɗe nɛɓɔ. Ɗásóphi ekuma á tɔ̌miaga nyɔngɔ á ɔnganisa á ɓakpa na yɛ.

2 Ɓakɔlítɔ 5:19 Iomraidhean Croise

Matáyɔ 1:23

«Nseka akumbande éme. Amɓɔkɔtande miki-mǒko, ɓámɔphanande Ɛmanuɛ́li.» Ande gea te: «Mokonga a kimoci na ɓesu.»

Yoáni 14:20

K'ésa ndɔ unge ɓoengekisande gea, eme ne suɓi á Abɛ, ɓenu suɓi ani, n'eme suɓi anu.

Yoáni 17:23

Nɛɔmɛma gea, néɓɛ suɓi aɓɔ, n'oɓɛ suɓi ani ka gea, ɓáɓɛ kimoci ɗoni. Ɓondɔ unge, ɓato á ka mokonda ɓáúbande gea, oɓɛ aámbé ɗómoteki, ǒkondi phɔtɔ ɓíndɔ omokondi.

Ɓalɔ́ma 11:15

Ɓî Mokonga ɗáephaphi Ɓayúda, ɗáɔnganisi mokonda na yɛ. Cɔ, mbenɔ nde aeseseande goto, ekende aɓande? Aɓande ɓea ɓasí na ɓájujúki ka kukuwa!

1 Ɓakɔlítɔ 13:5

Nto ékondi nnaogea kema á soni, nnaokáɓa ɓokambia nɛkɛ sasakɛ, nnaɔɓɛa, nnaobisa ɓojeɗe nde ɓángi ně ka měma,

Ɓakɔlɔsái 2:9

Nga, kema bubui nde a suɓi á Mokonga, aɔnɛkani ka nyama á Kiísito na aiki tɔ bui suɓi akɛ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

1 Yoáni 4:10

Nndɔ unge ande ekondi: Nna ɓesu ɓáunge ɗéɓenkondi Mokonga, yɛ ndiu aámbé ɗásokondi, áonteka Miki-mǒko nɛkɛ, áɓɛ ɓea nyama á phɛ́a, ka íma á ɓojeɗe nɛsu.