2 Ɓakɔlítɔ 5:16 - Ɔngana á Kɛ̌kɛ

¹⁶ Kaɓondɔ unge ɓéké ye ɔmbɛɗa nkpa n'etéte á kokpa akɛ. Nanga ɓî ɗéɓɛmbɛɗi Kiísito kala n'etéte á kokpa, kɛ̌kɛnde ɓéké ye ɔmbɛɗa n'etéte ɓíndɔ.

2 Ɓakɔlítɔ 5:16 Iomraidhean Croise

Matáyɔ 10:37

Nkpa nde ankondi abakɛ kaɓɛ amakɛ kɔmɔnyɛ́nya, kámokeni ně. Mmbé ankondi moganda kaɓɛ nsɛka nɛkɛ kɔmɔnyɛ́nya, kámokeni ně.

Yoáni 15:14

Ɓenu, ɓonde ɓadani, aoɓá na ɓogi nnde nenósosi.

Yoáni 2:4

Yéso â gǎkɛ onsikisia: «Ayi, nyɔngɔ sina nde ɓen'oɓɛ kau? Mbenɔ nɛmɔ kájúmbɛ.»

Yoáni 6:63

Měma á kanga ɓojeɗe aunge aoendisa. Nga, nkpa sasakɛ nnaɔtɔka ka kema. Nyɔngɔ nde ɗénóngoɗi, ande á Měma na anóphande enda.

Yoáni 8:15

Ɓenu, ɓo tɔ otena nyɔngɔ akpɛ ka kokpa. Eme gǎkɛ, kéotena nyɔngɔ ndea nkpa.

2 Ɓakɔlítɔ 11:18

Ɓakpa ɓásii ɓáǒbeba ɓea ɓato á ka mokonda ndee. Eme gǎkɛ něbebande phɔtɔ.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaphilípi 3:4

Eme gǎkɛ, netú nto á bisa kanisia ani ka kema ɓíndɔ. A gǎkɛ oɓá nkpa ɓaangbo n'aogea te, aobisa mɔphɛ akɛ ka nyɔngɔ á nyama, eme aámbé nena mɔphɛ k'índɔ phɛɛ.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.