2 Ɓakɔlítɔ 5:14 - Ɔngana á Kɛ̌kɛ

¹⁴ Ekondi ndea Kiísito aunge aɔsɔ́sɔndɔɛa. Nga, ɓesu ɓáunge ɓeoúba ɗoni gea, Kiísito ɗásókui ɓesu ɓɔbu. Ande gea te, ɓakpa ɓɔbu ɓasí ye tɔ kimoci na yɛ.

2 Ɓakɔlítɔ 5:14 Iomraidhean Croise

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Lóka 15:24

Nga, miki nɛmɔ atóku mɔnɔ, ajujúki gǎkɛ ka kukuwa. Ɗáɓúngigi mɔnɔ, nɛmɔni gǎkɛ.› Mpɔ, ɓáokpanga gúa á jaí.

Lóka 15:32

Akeni ɓéguɛ jaí na ɓéɓɛ na maseye ka nyɔngɔ nde, mɔtɔ akɔ atóku mɔnɔ, ajujúki gǎkɛ ka kukuwa. Atóɓúngigi mɔnɔ, nɛmɔni gǎkɛ.›»

Lóka 24:29

Ɓagoigi ndɔ ɓáonimisia na yɔnga gea: «Ika kimoci na ɓesu nga, esa aye na gɔgɔmani, maní age.»

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 11:25

Mpɔ, Yéso áongoɗea te: «Nende Jujúka ka kukuwa na enda. Mmbé amoɓeeki, aendande nanga ákuwa.

Yoáni 5:25

Eya, nenóngoɗi ɗoni gea, mbenɔ aobika, n'a ye biki, ɓasí ɓáɔ́kande ɛsɔ á Muna-Mokonga, na ɓunde ɓáɔ́kande ɛsɔ ndɔ, ɓáendande.

Ekuma á ɓateki 18:5

Mbenɔ nde Síla na Timɔtɛ́ɔ ɓájú ka toka na Makɛdɔnía, Pɔ́lɔ â gǎkɛ ǒyamea buakɛ ka phɛá nyɔngɔ á Mokonga. Áǒengekisia Ɓayúda gea, Yéso ande Kiísito.

Ɓalɔ́ma 2:2

Cɔ, ɓeoúba gea, Mokonga aoɓea ɗoni mbenɔ nde aotena nyɔngɔ á ɓakpa nde ɓáogea kema ɓíndɔ.

Ɓalɔ́ma 5:15

Cɔ, ɓojeɗe ndea Adámu atingani phɛɛ n'egabɔ á ɓonjánja-ékondi ndea Mokonga. Eya, aoɓá ka nyɔngɔ á ɓojeɗe á nkpa moci tɔ aunge ɓakpa ɓásii ɓáokuia, cɔ, Mokonga ayami gǎkɛ ɓonjánja-ékondi nɛkɛ phɛɛ ka phɔa ɓakpa ɓásii na egabɔ a tɔ ɔtɔtɔkɛana ka nkpa moci mmbé ɓáɔmɔphana Yéso Kiísito.

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

Ɓalɔ́ma 6:6

Ɓéúbɛni gea, kokpa á kala nde ɗéɓetú ně mosá, ɗáɓákɔkɛigi ú gǔ á moyangɔ kimoci na Kiísito, ka gea, ɓátúkatúkɛ kokpa asu á ɓojeɗe. Ka gea ɓékéɓɛku ye ɓakɔɓɛ á ɓojeɗe.

1 Ɓakɔlítɔ 16:22

Aoɓá nkpa na kánkondi Mɔkɔta, ambe ɓánsɛmɛɛgɛ! Mɔkɔta nɛsu bika!

1 Ɓakɔlítɔ 2:14

Nkpa nde aseɓei tɔ ebigɔ nɛkɛ á kokpa, nnaɔtɔka n'aɓeeki nyɔngɔ nde atóki ka Měma á Mokonga. Nyɔngɔ ndɔ ande kobóbó ka yɛ. Nkpa ndɔ nnaɔtɔka n'aengekisi nyɔngɔ ndɔɔ. Nga, Měma á Mokonga tɔ unge aosópha aphe á tena á nyɔngɔ ánjá.

2 Ɓakɔlítɔ 3:7

Cɔ, ɗáɓáɗundu ɛɔphi ndea Mósa k'ɛ́tɛ. Ɓî Mósa ɗéphangisi Ɓaisilaɛ́lɛ Ɛɔphi ndɔ, ɓákáphiphiɛ enga á keongi akɛ ɓî ɗáophenuaga na ɓoombia á Mokonga. Phenuaga ndɔ kaiphiɛ. Ɛɔphi ndɔ â gǎkɛ ɔ̌sɔndɔɛa ɓakpa ka kukuwa.

2 Ɓakɔlítɔ 3:9

Kaɓɛ ekuma ɛ́ɔphi nde aotena nyɔngɔ á ɓakpa akpɛ na ɗágɔɓi n'atúmi na ɓoombia, cɔ, aoɓá ekuma á Měma á kanga ɓojeɗe nnde aǒtangisisa ɓakpa ɓato á koɗoni mosá á Mokonga, aɓande na ɓoombia nde anyɛ́nyɛande.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓaɛphɛ́sɔ 6:24

Ambe ɓonjánjá-ékondi ndea Mokonga áɓɛ ka ɓakpa ɓɔbu ɓunde ɓánkondi Mɔkɔta nɛsu Yéso Kiísito n'ekondi nde nnaosía.

Ɓakɔlɔsái 2:13

Cɔ, ɗóɓoku kala ka měma ka nyɔngɔ á ɓojeɗe nenu na ka nyɔngɔ nde ɗóɓókótú Ɓayúda, na ka nyɔngɔ á kowó nɛnu. Kɛ̌kɛnde gǎkɛ, Mokonga áonójujukisa ka kukuwa kimoci na Kiísito, áoíma ɓojeɗe nɛsu bui.

Ɓakɔlɔsái 3:3

Nga, ɓo ye ku, na enda anu aɛsɔmɛani ka Kiísito suɓi á Mokonga.

1 Timɔtɛ́ɔ 2:6

mmbé yɛ sasakɛ ɗábisi enda akɛ ka phɛ́a, ka nyɔngɔ á amisa á ɓakpa ɓɔbu. Nndɔ unge aɗigimisi ka mbenɔ nde Mokonga ɗábisi gea, akondi amisa á ɓakpa ɓɔbu.

1 Timɔtɛ́ɔ 5:6

Nke á kekusa ímbe a gǎkɛ oenda ka tambea ájeɗe, nanga a phɔ́tɔ koenda, a yé ku.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Ɓaɛbulanía 2:9

Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.