2 Ɓakɔlítɔ 5:11 - Ɔngana á Kɛ̌kɛ

¹¹ Cɔ, ɓeoúba kantíti á ɓánga á Mɔkɔta. Kaɓondɔ, ɓeokaɓa tɔka á ɓakpa ka měma aɓɔ. Mokonga aosóúba ánjá phɛɛ. Neseɓei phɔtɔ gea, ɓoósoúba ka měma anu.

2 Ɓakɔlítɔ 5:11 Iomraidhean Croise

Matáyɔ 10:28

Ɓókǒɓángɛmbɛ ɓundɔ ɓáomowa nyama, ɓákátɔkɛ gǎkɛ mowa měma. Mɓángani ndiu Mokonga mmbé aɔtɔka n'akusisi nyama na měma ka ɛɛmbɛ á nsa nde nnaoímika.

Matáyɔ 25:46

Cɔ, ɓɔ, ɓágande otambanga mɛyɔ. Ɓato á koɗoni gǎkɛ ɓáɓande na enda á mɛyɔ.»

Lóka 12:5

Nenóphangiande mmbé akeni ɓómɓangɛ. Mɓángani ndiu Mokonga mmbé ana ɓukpɛkpɛ á maka anu ka nji á ɓasí mbusa á kukuwa. Eya! Nenóngoɗi ambe mmbɔ ambɔ akeni ɓómɓangɛ.

Lóka 16:31

Abalaámu áongoɗea gea: «Aoɓá na ɓákámɔ́ki Mósa na ɓaɔtu-nyɔngɔ ndea Mokonga, nanga nkpa ájujuka ka ɔlɔ á ɓasí, ɓákáɓeekeɛku.»

Ekuma á ɓateki 13:43

Ka phanjekanaga á ɓakpa, Ɓayúda ɓásii na ɓato á k'ékuna nɛngbo ɓunde ɗáɓáɓeeki esomba ndea Ɓayúda, ɓáomɓea Pɔ́lɔ na Baanába. Ɓɔ, ɓáɔyɔngaga na ɓɔ, ɓáǒgbagisaga měma gea, ɓáikɛ ka ɓonjánja-ékondi ndea Mokonga.

Ekuma á ɓateki 18:13

Ɓáɔyɔnga te: «Mogáa nde aokáɓa ɓotea á ɓakpa k'aphe á beba á Mokonga, k'aphe nde atingani n'ɛɔphi.»

Ekuma á ɓateki 18:4

Cɔ, esa á saɓáto bui, Pɔ́lɔ ɗáoabaga na Ɓayúda na Ɓagiíki suɓi éndu á madondanɔ ndea Ɓayúda ka nyɔngɔ á Mokonga ka gea te, ɓáɓeekeɛ.

Ekuma á ɓateki 19:26

Cɔ, ɓɔɔ́ki na ɔna gǎkɛ ɓî Pɔ́lɔ aǒɓotea ɓakpa ɓásii ka kětia á měma aɓɔ, nna tɔ ka Ɛphɛ́sɔ, phɔtɔ ka Asía bubui, ka yɔnga akɛ te: ‹Iii á ɓamokonga á mbɛa, nnde ɓakpa ɓáɓɔngisigi, ɓáká tanda ɓakɔta.›

Ekuma á ɓateki 26:26

Moamɛ Agiípa a tɔ oúba nyɔngɔ ndɔ, ka ɓondɔ unge, nɛɔyɔnga kángá á kɔɓɔɓɔkɔ mosá akɛ. Neoúba ɗoni gea, nna na kema nde aoɓosa nga, ka kema kátɔtɔkɛani ka ɓɔsɔmɛa.

Ekuma á ɓateki 28:23

Ɓakɔta á Ɓayúda ɓunde ɗáɓátú ka Lɔ́ma ɓáɔɔ́kana na Pɔ́lɔ esa á dondana goto na ɓɔ. Esa kau, ɓáodondanaga ɓakpa ɓásii k'ɔ́ma ndɔ ɗáoikaga. Kpanga á kamɓimba na ka ɓî age ojua ɔgɔgɔ, Pɔ́lɔ n'aɔ́tɔmiaga, na úbisa aɓɔ nyɔngɔ á koɓoamɛ ndea Mokonga. Áokaɓa gea, ɓámɓeekeɛ Yéso n'aokumia ɛɔphi ndea Mósa na ɓɔphɛi ndea ɓaɔtu-nyɔngɔ ndea Mokonga.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 5:20

Ɓende ɓakpa nde ɓɛɔyɔnga k'ína á Yéso nga yɛ aámbé asóteki. Ande gea te, Mokonga aámbé agi te ɓɛ́nɔɔphanɛ. Cɔ, ɓenóɗengemisigi k'ína á Kiísito gea te, ɓɔ́ɔnganɛ na Mokonga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 1:10

Cɔ, ka yɔnga ani kɛ̌kɛnde ɓó, ande gea te neokáɓa gea, ɓakpa ɓámoɓeekeɛ? Ɓɛɛndɔ! Ne ndiu okáɓa gea Mokonga ámbé ámoɓeekeɛ. Ande gea te, neokáɓa ékondisaga na ɓakpa? Atú oɓá na neokáɓa ékondisaga na ɓakpa, ámbé kétóɓɛku mbɛɗanigi ndea Kiísito.

Ɓaɛphɛ́sɔ 5:21

Ɔ́kanani na ɗokomisanani ka nyɔngɔ á ika kusi á kɔkɔta ndea Kiísito.

Ɓaɛbulanía 10:31

Cɔ, ande ngomi phɛɛ ka nkpa nde agúande ka njaga Mokonga mmbé aoenda.

Ɓaɛbulanía 12:29

Eya, Mokonga nɛsu ande nsa nde aɔɛkɛkisaga.

Yúda 1:23

Óamisani ɓuangbo na nsa. Ɓunɛngbo goto, ókuiani ngomi índɔ ana kɔɓɔɓɔkɔ. Ɓókodungɛmbɛ ka ngɔ́mbɛ á ka nyama aɓɔ, ka nyɔngɔ nde a ye jɔɔkani n'ekuma nɛɓɔ ájeɗe.

Mphaniɔ 20:15

Ɗáɓáemaki ka ɛɛmbɛ á nsa, ɓakpa ɓɔbu ɓunde ɗáɓákáɗundu ina aɓɔ suɓi á ɓuku á enda.