2 Ɓakɔlítɔ 4:6 - Ɔngana á Kɛ̌kɛ

⁶ Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

2 Ɓakɔlítɔ 4:6 Iomraidhean Croise

Lóka 10:22

 phɔtɔ ogea: «Abɛ amopi kɔkɔta á kema bui. Nna na nkpa nde aomúba Miki mǒko tɔndɔ Abɛ. Nna na nkpa nde aomúba Abɛ, na nna tɔndɔ Miki mǒko, na mmbé Miki mǒko akondi phangia akɛ.»

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 11:40

Yéso áongea: «Kétóogi aoɓá n'oɓeeki, ɔɔnande ɓoombia ndea Mokonga?»

Yoáni 12:41

Isáya ɗáyɔngi ɓó nga, ɗáɔni ɓoombia ndea Yéso, áɔyɔnga gǔ akɛ.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

1 Ɓakɔlítɔ 12:8

Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

2 Ɓakɔlítɔ 2:10

Aoɓá n'oími ɓojeɗe ndea nkpa, nê phɔtɔ oíma ú. Mbenɔ nde neoíma, aoɓá na nena ɓojeɗe nɛngbo ásii á íma í, neoíma ú ka nyɔngɔ anu mosá á Kiísito.

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓaɛphɛ́sɔ 1:17

nɛɔmɛma Mokonga ka gea, Mokonga ndea Mɔkɔta nɛsu Yéso Kiísito, Aba ɓoombia ánophɛ měma á kɔɓɔɔngɛ mmbé anóphangiande na úbisa anu Mokonga.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 5:8

Mosá, ɗóɓotú suɓi á kaiphiɔ. Kɛ̌kɛnde gǎkɛ, ka nyɔngɔ á ɔngana anu na Mɔkɔta, ɓo ye tɔ suɓi á owanga. Ɓî aɓó, tambeani ɓea ɓato á owanga.

Ɓaphilípi 2:6

Yɛ, ɗátú tɔ na kokpa bui nde Mokonga aně kpanga ka nkpangeɔ, ɗákátú gǎkɛ na mɔphɛ á ika ně ka ɓukpɛkpɛ nɛkɛ k'ékengeanisa na Mokonga.

Ɓakɔlɔsái 1:15

Kiísito ande iii á Mokonga, mmbé ɓánaɔmɔna. Ande ánge, anyɛ́nyi econji bubui.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 6:4

Nga, ɓakpa nde ɓáɗeketi tambea nɛɓɔ á kɛ̌kɛ goto ka tambea nɛɓɔ á kala na ɓátú ye suɓi á owanga ndea Mokonga, na ɓáɗíí ye ka keɓu á na koba na tɔá á Měma á kanga ɓojeɗe,

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

2 Pɛ́tɛɛ 1:19

Ɓeɓeeki phɔtɔ phɛɛ nyɔngɔ nde ɓaɔtu-nyɔngɔ ndea Mokonga ɗáɓátɔ̌migi. Ɓenu ɓogi phɔtɔ ánjá nga, ɓoambi nyɔngɔ nɛɓɔ. Mbino ndɔ a ɓea ɔbɛa n'aɔbɛnya ka keiphe, na ka ɓî esa agande kosa na mbenɔ nde sɛɛngɔa á kamɓimba abɛnyande ka měma anu.