2 Ɓakɔlítɔ 4:5 - Ɔngana á Kɛ̌kɛ

⁵ Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

2 Ɓakɔlítɔ 4:5 Iomraidhean Croise

Matáyɔ 23:8

Ɓenu gǎkɛ, ɓókóɓeekeɛmbɛ ɓánɔɔphanɛ: ‹Ɓagoisigi›. Nga, ɓenu ɓɔbu ɓonde ɓato á komunamema na ɓona ngoisigi moci tɔndɔ.

Matáyɔ 3:11

Eme, neonóɓatisa ka iɓo ka phangia base gea, ɓosagi ɓojeɗe nɛnu. Mmbé a gǎkɛ obika mbusa ani, anoɓatisande na Měma á kanga ɓojeɗe na nsa. Yɛ, amɔnyɛ́nyi ka ɓoombia, kékeni na phúia ɓiato nɛkɛ.

Yoáni 7:18

Mmbé aɔyɔnga nyɔngɔ nɛkɛ sasakɛ, a tɔ okaɓa ɓoombia nɛkɛ sasakɛ. Mmbé a ndiu okaɓa ɓoombia á mmbé anteki, ande nto á ɗoni. Nna na ɓojeɗe suɓi akɛ.

Ekuma á ɓateki 10:36

Cɔ, Mokonga ɗátekisi moyo akɛ ka Ɓaisilaɛ́li. Yéso Kiísito aámbé abiki na moyo ndɔ, n'ande Mbino-Ánjá á ɓujɛjɛ. Yɛ aámbé ande Mɔkɔta á ɓakpa ɓɔbu.

Ekuma á ɓateki 2:36

Eya, ambe ɓenu Ɓaisilaɛ́li ɓɔbu, ɓóúbɛ base gea, Yéso mmbɔ ɗóɓɔnkɔkɛigi gǔ á moyangɔ, yɛ aámbé Mokonga ambisi, Mɔkɔta na Kiísito.»

Ekuma á ɓateki 5:31

Yɛ aámbé Mokonga anɗokomisi, áombisa nkɛkɛɔ á njaga akɛ á mǔku gea, áɓɛ moamɛ na Namisi ndea ɓato á ka Isilaɛ́li gea, ɓákětiɛ tambea nɛɓɔ na Mokonga áímɛ ɓojeɗe nɛɓɔ.

1 Ɓakɔlítɔ 1:23

Cɔ, ɓesu gǎkɛ, ɓɛɔphɛa nyɔngɔ á Kiísito ímbé ɗáɓánkɔkɛigi ka moyangɔ. Ka Ɓayúda, ande ephiphi ájeɗe. Ka ɓunde ɓáná Ɓayúda ande kobóbó.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 12:3

Kaɓondɔ unge, nekondi ɓóúbɛ base gea, mmbé aɔyɔnga na ɓukpɛkpɛ á Měma á Mokonga nnaɔtɔka n'ayɔngi gea: «Ámbé ɓánsɛmɛigi phɔ́ Yéso.» Na nna na nkpa nde aɔtɔka n'ayɔngi gea: «Yéso ande Mɔkɔta», Měma á kanga ɓojeɗe na kángoisigi.

1 Ɓakɔlítɔ 15:47

Mokonga ɗánconji nkpa ɓa k'ama mosá-mosá na oɗo. Nkpa ɓa ko baɓɛ, Kiísito ɗátóki gǎkɛ na koba.

1 Ɓakɔlítɔ 2:2

Ɓî ɗétú sɔsɔɓɛ anu, ɗékékondi gǎkɛ néúbɛ nyɔngɔ nɛngbo na nna tɔndɔ nyɔngɔ á Yéso Kiísito, mmbɔ ɗáɓámowe ka moyangɔ.

1 Ɓakɔlítɔ 4:15

Ka enda anu kimoci na Kiísito, nanga ɓótóɓá na ɓagoisigi elephu nkama (10.000), abanu a tɔ mo. Eme ámbé ne ye tɔ abanu suɓi á Yéso Kiísito, ka tɔ̌miaga anu Mbino-Ánjá.

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

2 Ɓakɔlítɔ 1:19

Nga, Muna-Mokonga Yéso Kiísito mmbé eme Pɔ́lɔ, Timɔtɛ́ɔ na Síla ɗɛ́ɓɛnɔtɔ̌mi nyɔngɔ akɛ, ɗákábiki ka nyɔngɔ á ɓeekea kaɓɛ yá á nyɔngɔ. Suɓi akɛ a ndiu tɔ ɗoni.

2 Ɓakɔlítɔ 1:24

Ké phɔtɔ na siki á soseaga anu ka kema nde akeni na ɓeekea í, ka nyɔngɔ nde, ɓeekea nɛnu ka Yéso a ye tɔ na mǐgi akpɛ. Ɓe tɔ ɔbɛɗanaga kimoci ka gea, ɓóɓɛ na maseye.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓaphilípi 1:15

Cɔ, ɓakpa ɓunɛngbo ɓáɔtɔmiaga nyɔngɔ á Kiísito na měma á nsengo na měma éteɓa. Ɓakpa ɓunɛngbo ɓâ gǎkɛ ɔtɔmiaga na mɔphɛ ánjá.

Ɓaphilípi 2:11

Mpɔ, nkpa buakɛ áɔtɔmiaga base gea, Yéso Kiísito ande Mɔkɔta, ka ɓoombia ndea Abɛ Mokonga.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

Títɔ 1:11

Cɔ, ambe dakanisa aɓɔ nga, ɓáotúkatúka ekombo bui na ɓɔphɛi nde kákeni, ka gea, ɓátɔɛ imɔna k'aphe ájeɗe á soni.

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.