2 Ɓakɔlítɔ 4:2 - Ɔngana á Kɛ̌kɛ

² Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 4:2 Iomraidhean Croise

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 6:21

Cɔ, ɗóɓotɔí kema sina ka tambea ájeɗe nde ɗóɓootambea kala, nnde ɓookuwa na soni í kesande? Sungiaga í a tɔ kukuwa!

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Ɓakɔlítɔ 11:6

Nanga ɓî kéoúba yɔnga ánjá, ne ndiu na úbapha phɛɛ. Ɗéɓenɔɔnisi kema bui base ka mbenɔ bui.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 5:11

Cɔ, ɓeoúba kantíti á ɓánga á Mɔkɔta. Kaɓondɔ, ɓeokaɓa tɔka á ɓakpa ka měma aɓɔ. Mokonga aosóúba ánjá phɛɛ. Neseɓei phɔtɔ gea, ɓoósoúba ka měma anu.

2 Ɓakɔlítɔ 6:8

nanga ɓásoɗokomisa kaɓɛ tóndea asu, nanga ɓásobeba kaɓɛ bóma asu. Ɓuangbo ɓáogea te, ɓende ɓademigi, nanga ɓéɓá ɓato á ɗoni.

2 Ɓakɔlítɔ 7:14

Eme, neǒbeba na ɓenu mosá akɛ nga kéku na soni. Ɓî ɗéɓeonóngoɗea esa bui nyɔngɔ á ɗoni, na ébeba asu na ɓenu mosá á Titɔ ɗátú tɔ ɗoni.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

Ɓaɛphɛ́sɔ 5:12

Nga, kema nde ɓakpa ndɔ ɓáogea ka ɓɔsɔmɛa, ande soni ka tɔ̌miaga í.