2 Ɓakɔlítɔ 4:16 - Ɔngana á Kɛ̌kɛ

¹⁶ Kaɓondɔ, ɓékéɔɛla k'ékuma nɛsu. Nanga nyama asu ákpanga dɔndɔɓɔka ɓokɛ-ɓokɛ, měma asu áoɓá á kɛ̌kɛ esa bui.

2 Ɓakɔlítɔ 4:16 Iomraidhean Croise

Lóka 11:3

Ósopha eea nde akeni ka ɓesu kesande.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 7:22

Suɓi á měma ani, neokonda ɛɔphi ndea Mokonga.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

2 Ɓakɔlítɔ 12:15

Eme neɓeekeande gabea anu imɔna na gaba enda ani bui. Ɓî nenókondi phɛɛ, ɓókómokondɛku tanda ábɔa?

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

Ɓaɛphɛ́sɔ 3:16

Nɛɔmɛma Mokonga gea te, ánogbagisɛgɛ ka měma, ɓî ana ɓoombia ángbó. Mpɔ, ɓóoɓá ɓakiísito ɓákpɛkpɛ.

Ɓaɛphɛ́sɔ 4:23

Akeni ndiu gea, měma anu na kanisia anu bui áɓɛ á kɛ̌kɛ.

Ɓakɔlɔsái 3:10

Ɓo ye tɔ econji á kɛ̌kɛ ɓunde Mokonga Nconji nɛsu aogaiaga esa bui ka gea ɓónengekisɛ ánjá.

Títɔ 3:5

áosóamisa ka měma. Nna gǎkɛ ka nyɔngɔ á ekuma ánjá nɛsu nnde ɓɛtɔtɔkisi unge agi ně ɓó, a ndiu ka kuia asu ngomi. Ɗásóamisi ka měma ka opha asu enda á kɛ̌kɛ ka iɓo á oɓatisɔ na Měma á kanga ɓojeɗe.

1 Pɛ́tɛɛ 3:4

Ɛtɔnda ínɛnu áɓɛ ndiu á ka měma, nnde nnaoújukana. Akeni ɛtɔnda ndɔ átókɛ ka měma áɔɗɛ̌ na aphɔngɔ, nnde ana kantíti ásii k'íso á Mokonga.

1 Pɛ́tɛɛ 4:14

Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.