2 Ɓakɔlítɔ 4:10 - Ɔngana á Kɛ̌kɛ

¹⁰ Mbenɔ bui, ɓeokumba tambaga á kukuwa á Yéso ka nyama asu ka gea, enda á Yéso áɔnɛkanɛ phɔtɔ ka nyama asu.

2 Ɓakɔlítɔ 4:10 Iomraidhean Croise

Yoáni 14:19

Ka mbenɔ ábɔa, ɓato á ka mokonda ɓákámɔɔnɛku ye. Ɓenu ndiu ɓáunge ɓɔmɔɔnande ka nyɔngɔ nde, eme neoenda na ɓenu phɔtɔ ɓoendande.

Ɓalɔ́ma 6:5

Cɔ, aoɓá na ɗéɓejúkani na yɛ ka kukuwa nde akengeani n'índɛkɛ, ɓejujukande gǎkɛ phɔtɔ na yɛ ka jujúka ka kukuwa ɓea yɛ.

Ɓalɔ́ma 6:8

Cɔ, kaɓɛ na ɓeku kimoci na Kiísito, ɓeɓeeki phɔtɔ gea ɓeendande kimoci na yɛ.

Ɓalɔ́ma 8:36

Ɓáɗundu suɓi á Ɓuku á Mokonga ɓe: «Ka nyɔngɔ akɔ unge kukuwa aosókena esa bui. Ɓáɔsɔɔna ɓea ɓamɔgɔgɔ nde ɓákeni na kukuwa.»

2 Ɓakɔlítɔ 1:5

Nga, ɓî ɓeotambaga ásii ɓíndɔ Yéso ɗátambigi, asótúmisi na ɓukpɛkpɛ á phɔngisa á měma á ɓadasu.

2 Ɓakɔlítɔ 1:9

Ɗéɓetú ɓea ɓato á mekakɔ na ɓeoúba te, ɓásómande. Kema ndɔ ɗágeani ka gea, ɓékéseɓeɛ mɔnɔ ɓukpɛkpɛ asu sasasu. Ɓénseɓeɛ ndiu Mokonga mmbé aǒjujúkisa ɓasí.

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 4:11

Nanga ɓî ɓe phɔ́tɔ oenda, ɓe bíbí á kukuwa ka nyɔngɔ á Yéso, ka gea enda akɛ áɔnɛkanɛ ka nyama á kukuwa nde ɓeně.

Ɓagalatía 6:17

Kpanga á kɛ̌kɛnde, nkpa kamotambisɛgɛmbɛ ye goto. Nga, epe-epe nde neně ka nyama ani, ande ka nyɔngɔ á Yéso.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

2 Timɔtɛ́ɔ 2:11

Cɔ, nyɔngɔ nde akeni ɓeekea í: «Aoɓá na ɓeku kimoci na Kiísito, ɓeendande phɔtɔ kimoci na yɛ.

1 Pɛ́tɛɛ 4:13

Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.

1 Pɛ́tɛɛ 4:14

Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.

Mphaniɔ 1:17

Ɓî ɗɛ́mɔni, néogua k'écinji akɛ ɓea nkpa n'aku. Wa, â gǎkɛ obisa njaga akɛ á mǔku gǔ ani, áɔyɔnga ɓe: «Koɓángɛmbɛ! Eme aámbé nende Nkpangeɔ na Sungiaga.