2 Ɓakɔlítɔ 3:8 - Ɔngana á Kɛ̌kɛ

⁸ Ekuma á Měma á kanga ɓojeɗe aɓikisande gǎkɛ ɓoombia nde anyɛ́nyɛande.

2 Ɓakɔlítɔ 3:8 Iomraidhean Croise

Yoáni 1:17

Nga, Mokonga ɗásóphi ɛɔphi ka njaga á Mósa, Yéso aámbé asobikíí ndiu na ɓonjánja na koɗoni.

Yoáni 7:39

Yéso ɗáɔyɔnga ka phɔa á Měma á Mokonga, nnde ɓunde ɓámɓeekeande ɓátɔande. Mbenɔ ndɔ, Měma á Mokonga ɗákájumbɛ ka nyɔngɔ nde, Mokonga ɗákánɗokomisimbɛ Yéso ka ɓoombia.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

2 Ɓakɔlítɔ 11:4

Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

2 Ɓakɔlítɔ 3:17

Cɔ, wani, ina ndɔ Mɔkɔta ande Měma. Ɔma nde Měma á Mɔkɔta a ɓei, ɔma ndɔ nna na kɔkɔɓɛ.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 3:7

Cɔ, ɗáɓáɗundu ɛɔphi ndea Mósa k'ɛ́tɛ. Ɓî Mósa ɗéphangisi Ɓaisilaɛ́lɛ Ɛɔphi ndɔ, ɓákáphiphiɛ enga á keongi akɛ ɓî ɗáophenuaga na ɓoombia á Mokonga. Phenuaga ndɔ kaiphiɛ. Ɛɔphi ndɔ â gǎkɛ ɔ̌sɔndɔɛa ɓakpa ka kukuwa.

2 Ɓakɔlítɔ 3:9

Kaɓɛ ekuma ɛ́ɔphi nde aotena nyɔngɔ á ɓakpa akpɛ na ɗágɔɓi n'atúmi na ɓoombia, cɔ, aoɓá ekuma á Měma á kanga ɓojeɗe nnde aǒtangisisa ɓakpa ɓato á koɗoni mosá á Mokonga, aɓande na ɓoombia nde anyɛ́nyɛande.

Ɓagalatía 3:14

Kiísito ɗági ɓó ka gea, ɓî Mokonga ɗámbisíí Abalaámu njaga, áɓɛ phɔtɔ ka ɓakpa nde ɓáná Ɓayúda k'aphe ndea Yéso. Kaɓondɔ unge ɓesu ɓɔbu, ɓɛtɔi Měma nde Mokonga ɗásɔɔku ka nyɔngɔ á ɓeekea.

Ɓagalatía 5:5

Ɓesu gǎkɛ, nseɓeɔ nɛsu ande gea Mokonga aámbé asóngoɗande ɓato á koɗoni mosá akɛ ka nyɔngɔ á ɓeekea. Nndɔ ungɔ ɓeoɓondea ka ɓukpɛkpɛ á Měma á kanga ɓojeɗe nnde a suɓi asu.

Ɓaɛphɛ́sɔ 2:18

Ka nyɔngɔ á Kiísito, ɓesu ɓɔbu, Ɓayúda na ɓunde ɓáná Ɓayúda, ɓɛɔtɔka na ɓembîmisíí Abɛ Mokonga, ka ɓukpɛkpɛ á Měma ndɔ moci.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.