2 Ɓakɔlítɔ 3:6 - Ɔngana á Kɛ̌kɛ

⁶ Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 3:6 Iomraidhean Croise

Matáyɔ 13:52

Mpɔ áǒngoɗea gea: «Ngoisigi-ɛɔphi mmbé aɓeeki nyɔngɔ á koɓoamɛ á na koba, akengeani na mɛna-éndu, mmbé aphúi k'ɛtɔi nɛkɛ, kema á kɛ̌kɛ, na kema á kala.»

Matáyɔ 26:28

nga, nnde ande magia ani, magia á ɔngana nnde aɗǔkani ka nyɔngɔ á ima ɓojeɗe á ɓakpa ɓásii.

Málikɔ 14:24

Yéso áǒgea: «Divai nde, ande magia ani, magia nde aɗǔkani ka phɔa ɓakpa ɓásii ka engekisa ɔngana ndea Mokonga.

Lóka 22:20

Mbusa á eaga, â phɔtɔ ɔbɛɗa kiɓe, áɔyɔnga te: «Kiɓe nde ande ɔngana á kɛ̌kɛ, ka magiani nnde aɗǔkani ka phɔanu.

Yoáni 5:21

Nga, a tɔ ɓíndɔ Abɛ aǒjujukisa ɓasí ka kukuwa na endisa aɓɔ goto, a phɔtɔ ɓó unge Anakɛ aonendisa nkpa buakɛ mmbé akondi endisa akɛ.

Yoáni 6:63

Měma á kanga ɓojeɗe aunge aoendisa. Nga, nkpa sasakɛ nnaɔtɔka ka kema. Nyɔngɔ nde ɗénóngoɗi, ande á Měma na anóphande enda.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 3:20

Ka nyɔngɔ índɔ unge, nna na nkpa nde ɓántangande nto á koɗoni mosá á Mokonga ka nyɔngɔ á amba ɛɔphi. Ɛɔphi a tɔ omphangia nkpa gea, agi ɓojeɗe.

Ɓalɔ́ma 4:15

Nga, ɛɔphi aobikisa ésúia ndea Mokonga. Atú gǎkɛ oɓá ɛɔphi na nna ɓei, ámbé nyɔngɔ á tingiaga í nna ɓei.

Ɓalɔ́ma 4:17

Cɔ, a tɔ ɓíndɔ ɓáɗundu suɓi á Ɓuku á Mokonga gea: «Ɗékobisi aba ɛɓɔkɔti ásii.» Yɛ, ande abasu mosá á Mokonga ímbe amɓeeki. Mokonga ndɔ, ande mmbé aǒendisa ɓakpa nde ɓaku na sosea á kema nde káɓimbɛ mɔnɔ ɓei gea te áɓɛ ye tɔ ɓei.

Ɓalɔ́ma 7:6

Cɔ, kɛ̌kɛnde ɓéké ye gǎkɛ kusi á kɔkɔta á ɛɔphi. Nga, ɓe ye ɓea ɓasí ka kema nde ɗásóɓóege. Ɓéké ye ɔmbɛɗaneaga Mokonga ɓíndɔ ɗéɓetú kau kala ka ɓeá ɛɔphi ndea Mósa, kɛ̌kɛnde ɓe ndiu ɔmbɛɗaneaga Mokonga ka ɓeá moangɔ á Měma á Mokonga.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

1 Ɓakɔlítɔ 11:25

Mbusa á eaga, â phɔtɔ ɔbɛɗa kiɓe, áɔyɔnga te: «Kiɓe nde ande ɔngana á kɛ̌kɛ, ka magiani. Mɔngɔ bui nde ɓoonoa, geani ɓó ka kanisia ani.»

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

1 Ɓakɔlítɔ 15:45

Cɔ, ɓáɗundu suɓi á Ɓuku á Mokonga ɓe: «Nkpa á k'ama mosá-mosá, ina akɛ Adámu. Mokonga ɗámophi enda.» Kiísito ande gǎkɛ Adámu nde ɓa mbusa. Měma akɛ unge aobikisa enda.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 3:5

Cɔ, Apɔ́lɔ ande ani? Pɔ́lɔ ande ani? Ɓe tɔndɔ ɓabɛɗanigi, ɓunde ɗóɓoɓeeki ka ɓeana na ɓɔphɛi nɛɓɔ. Nkpa na nkpa ɗátɔtɔkisi ekuma ɓíndɔ Mokonga ɗángabei.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 3:14

Cɔ, kanisia aɓɔ áosia na ka kesande. Mbenɔ nde ɓáotanga ɓuku á ɔngana á kala, bɔngɔ ndɔ â tɔ oika wa. Bɔngɔ ndɔ ɓáphúiande tɔ ka nkpa nde aɔngani na Kiísito.

2 Ɓakɔlítɔ 3:3

Eya, ande base gea, Kiísito aámbé aɗundu ɓaoɓa ndɔɔ, ɓesu ɓáunge ɗáɓásóphi ú ka bika ně. Ɗákáɗundu ú na pɛnjɛa, ɗáɗundu ndiu na Měma á Mokonga, Mɛyɔ. Mokonga ɗákáɗundu ú ɓea gǔ ɛ́tɛ nde Mósa ɗábɛɗaneigi, ɗáɗundu ndiu ka měma á ɓakpa.

2 Ɓakɔlítɔ 3:7

Cɔ, ɗáɓáɗundu ɛɔphi ndea Mósa k'ɛ́tɛ. Ɓî Mósa ɗéphangisi Ɓaisilaɛ́lɛ Ɛɔphi ndɔ, ɓákáphiphiɛ enga á keongi akɛ ɓî ɗáophenuaga na ɓoombia á Mokonga. Phenuaga ndɔ kaiphiɛ. Ɛɔphi ndɔ â gǎkɛ ɔ̌sɔndɔɛa ɓakpa ka kukuwa.

2 Ɓakɔlítɔ 3:9

Kaɓɛ ekuma ɛ́ɔphi nde aotena nyɔngɔ á ɓakpa akpɛ na ɗágɔɓi n'atúmi na ɓoombia, cɔ, aoɓá ekuma á Měma á kanga ɓojeɗe nnde aǒtangisisa ɓakpa ɓato á koɗoni mosá á Mokonga, aɓande na ɓoombia nde anyɛ́nyɛande.

Ɓagalatía 3:21

Ande gea te, ɛɔphi atinganigi na mɔkɔ ndea Mokonga? Tanda phɔ́. Atú oɓá ɛɔphi n'ana ɓukpɛkpɛ á amisa á ɓakpa ka měma, na ɓakpa ɗáɓátɔi ú, ámbé ɛɔphi ɗáebisi ɓakpa, ɓato á koɗoni mosá á Mokonga.

Ɓaɛphɛ́sɔ 2:1

Ɓenu, ɗóɓoku ka měma kala ka nyɔngɔ á kisɛki na ɓojeɗe nɛnu.

Ɓaɛphɛ́sɔ 2:5

Ɓî ɗéɓeku ye ka měma, ka nyɔngɔ á ɓojeɗe nɛsu, áosójujukisa ka kukuwa kimoci na Kiísito. Ɓoamia ndɔ ɗátú ka nyɔngɔ á ɓonjánja-ékondi ndea Mokonga.

Ɓaɛphɛ́sɔ 3:7

Ne ye tɔ mbɛɗanigi á tɔ̌miaga Mbino-Ánjá ndea Mokonga, k'égabɔ á ɓonjánja-ékondi nɛkɛ na ɓukpɛkpɛ nɛkɛ.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

2 Timɔtɛ́ɔ 1:11

Ka nyɔngɔ á Mbino-Ánjá nɛkɛ ndɔ unge, Mokonga ɗámobisi, néɓɛ ntɔnganisi Mbino-Ánjá, nteki na ngoisigi.

Ɓaɛbulanía 12:24

Ɓombîmisi Yéso, mmbé ande mɔɔnganisi á ɔngana á kɛ̌kɛ. Yɛ aámbé asokosei měma asu na magia akɛ nga, ɗǔkana á magia ndɔ aosóphangia kema ánjá kɔnyɛ́nya magia á Abɛ́li.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 7:22

Kaɓondɔ unge Yéso a ye tɔ nkpa nde akakamisi ɔngana ánjá phɛɛ kɔnyɛ́nya nnde á mosá.

Ɓaɛbulanía 8:13

Cɔ, ɓî Mokonga ayɔngi ka nyɔngɔ á ɔngana á kɛ̌kɛ, ande gea te nnde á mosá a ye tɔ á kala. Cɔ, kema a ye oɓá á kala, áɔgbɛga. Ande gea te, abíbí á kukuwa.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Yoáni 1:1

Ɓɛɔnɔtɔmia Moyo nde aoendisa nnde ɗátú kpanga nkpangeɔ. Ɗɛ́ɓɛɔ́ki ú, ɓɛ́ɔɔna ú n'íso asu sisasu, ɓeotúmia ú n'íso, ɓéoɓaɓa ú.