2 Ɓakɔlítɔ 3:5 - Ɔngana á Kɛ̌kɛ

⁵ Ɓeoúba gea, ɓéké na ɓukpɛkpɛ á tɔtɔkisa á kema ɓíndɔ sasasu. Ɓukpɛkpɛ ndɔ a tɔ otóka ka Mokonga.

2 Ɓakɔlítɔ 3:5 Iomraidhean Croise

Lóka 21:15

Nga, eme sisani aámbé nenophande nyɔngɔ á kɔɓɔɔngɛ nnde ɓaɓiɓia anu ɓɔbu ɓákásikiɛku ye kau.

Lóka 24:49

Cɔ! Neonotekisia kema nde Abɛ atɔ́ɔku. Ikani tɔ suɓi á ntanga-nji, na ka ɓî ɓukpɛkpɛ ka toka n'ego anogbukumiande.»

Yoáni 15:5

Eya, nende ɓea me á mujabíbu ndɔɔ. Ɓonde gǎkɛ ɓea ntabi í. Mmbé aiki suɓi ani, néoika suɓi akɛ, agɔmbande phɛɛ ka měma. Nga, ɓókótɔtɔkisɛku ka kema aoɓá na ɓókó tɔ kimoci n'eme.

Ɓalɔ́ma 15:18

Aoɓá na neogea nɛ́yɔngɛ ká kema, nɛyɔnga tɔ nnde Kiísito ɗátɔtɔkisi k'ékuma nɛmɔ ka yɔnga na ka tambea ani ka ɓotea ɓunde ɓáná Ɓayúda ka gea ɓámɓángɛ Mokonga.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 3:6

Eme, ɗékoni mbó, Apɔ́lɔ áoɗukia iɓo, Mokonga â gǎkɛ ɔtɛisa ú.

2 Ɓakɔlítɔ 12:9

Mpɔ, Mokonga â gǎkɛ omosikisia gea: «Ɓonjánja ékondi nɛmɔ k'óɓɛ áɓɛ phɔ́ úngaa! Ɓukpɛkpɛ nɛmɔ atɔtɔkɛani suɓi á ɓɔɔlɔ nɛkɔ.» Kaɓondɔ, eme Pɔ́lɔ, nekondi gǎkɛ, néebebɛ ka nyɔngɔ á ɓɔɔlɔ nɛmɔ ka gea te, ɓukpɛkpɛ ndea Kiísito ámogbukumiɛ.

2 Ɓakɔlítɔ 2:16

Ka ɓunde ɓáɓúngigi, nkoki ndɔ ande su á kukuwa nde aokusisa. Â gǎkɛ phɔtɔ oɓá su á enda nde aoendisa. Cɔ, ani mmbé aɔtɔka ekuma ɓ'índe?

2 Ɓakɔlítɔ 4:7

Ɓesu íɓunde ɓekumbi ɛtɔi á ka měma ndɔ, ɓe gǎkɛ ɓea mbeka-toko. Mokonga ɗági ɓondɔ ka úbisa a ɓakpa gea, ɓukpɛkpɛ nɛkɛ aángbó, kátóki ka ɓesu sisasu.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓaphilípi 4:13

Nɛtɔki tɔ bui nga Kiísito aámbé amogbagisigi.

2 Timɔtɛ́ɔ 2:2

Ɓɔphɛi nɛmɔ nnde ɗɔ́ɔ́ki mosá á ɓakpa ɓásii, ɔ́phɛ́a ɓakpa nde ɓákeni ka gea, ɓáɓɛ na ɓukpɛkpɛ á goisaga ɓakpa ɓuangbo.

Yakɔ́ɓɔ 1:17

Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.