2 Ɓakɔlítɔ 3:12 - Ɔngana á Kɛ̌kɛ

¹² Ɓî ɓena nseɓeɔ ndɔ, aunge ɓebisi měma asu phɛɛ kau.

2 Ɓakɔlítɔ 3:12 Iomraidhean Croise

Yoáni 10:24

Ɓayúda ɓáontimba, ɓáongea: «Odidisande měma asu mbenɔ sina? Aoɓá n'onde Kiísito, ósongoɗea base.»

Yoáni 16:25

Nɛtɔ́nɔtɔ̌mi kema ndɔ bui ka mɛní, mbenɔ a gǎkɛ obika, nnde kɛ́nɔtɔmiɛgɛku ye nyɔngɔ ka mɛní, nɛnɔtɔmiagande ndiu base, nyɔngɔ ndea Abɛ.

Yoáni 16:29

Mpɔ, ɓagoigi nɛkɛ ɓáongea: «Cɔ, kɛ̌kɛnde ɔyɔngi base, kángá á yɔnga ye ka mɛní.

Ekuma á ɓateki 14:3

Pɔ́lɔ na Baanába, ɓâ gǎkɛ oika kó esa ásii. Ɓáosuia tɔ̌miaga á nyɔngɔ á Mɔkɔta kángá á ngǎka na seɓea akɛ. Mɔkɔta â koopha ɓukpɛkpɛ á tɔtɔkisa ketangaɔ na mphangiɔ ásii. Nndɔ unge aengekisi ɓɔphɛi á ɓonjánja-ékondi nɛkɛ gea ande ɗoni.

Ekuma á ɓateki 4:13

Ɓakpa nde ɗáɓá ka ntua ndɔ, ɓáoyayama phɛɛ ɓî ɓɛ́ɓɔni Pɛ́tɛɛ na Yoáni na ɓáɔyɔnga kángá á kɔɓɔɓɔkɔ, na úba gea ɗáɓátú ɓato á jǎi-jǎi, ɓundɔ ɗáɓákángi ka kaasi. Ɓáoúba phɔtɔ gea, ɓɔ ɗáɓátú na Yéso.

Ekuma á ɓateki 9:27

Baanába â gǎkɛ ɔmbɛɗa Saúlɔ, áonga ně mosá á ɓateki. Áɔ̌tɔmiaga etéte á ɓî Saúlɔ ɗámɔni Mɔkɔta Yéso k'aphe, na ɓî ɗáyɔngi na yɛ. Â phɔtɔ ɔ̌tɔmiaga etéte á ɓî Saúlɔ ɗáɔphɛa k'ína á Yéso ka Damasíki kángá ngǎka.

Ekuma á ɓateki 9:29

 phɔtɔ ɔyɔngaga na púa na Ɓayúda, ɓundɔ ɓáɔyɔnga Kigiíki. Ɓayúda ndɔ ɓâ gǎkɛ okaɓa mowa akɛ.

1 Ɓakɔlítɔ 14:19

Cɔ, suɓi á kanisa mosá á ɓaɓêki, nekondi nɛ́yɔngɛ nyɔngɔ ɓɔku, nnde ɓakpa ɓáoúba, ka gea, négoisɛgɛ ɓakpa ɓunɛngbo, na nɛkɛyɔngi nyɔngɔ ɛlɛphu nkama (10.000) k'ɛyɔngi nde nnaoúbukana.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 3:11

A gǎkɛ oɓá kema nde nnaoiphia na ɗátú na ɓoombia, ɓoombia índe á kema nde aoiphia unge anyɛ́nyɛande.

2 Ɓakɔlítɔ 4:13

Ɓuku á Mokonga agi te: «Ɓî ne ye ɓeeki aunge nɛtɔ́yɔngi.» Cɔ, ɓesu phɔtɔ, ɓena ɓeekea ndɔ suɓi asu. Kaɓondɔ unge, ɓɛɔyɔnga.

2 Ɓakɔlítɔ 7:4

Nenóseɓei phɛɛ na ɓe phɔtɔ ǒbeba na ɓenu. Nanga ɓétambaga, měma ani atúmi na nténdé na maseye.

Ɓaphilípi 1:14

Ɓî a ɓó, ɓadani ɓakiísito ɓásii ɓá ye tɔ na nténdé á ɓeekea á Mɔkɔta, phɔtɔ na éyamea ka tɔ̌miaga á nyɔngɔ á Mokonga kángá á kɔɓɔɓɔkɔ.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

Ɓakɔlɔsái 4:4

Kaɓondɔ, mɛmani ka gea, nɛ́tɔ̌miɛgɛ base, nyɔngɔ nɛkɛ ɓíndɔ akeni.

1 Ɓatɛsalɔníka 2:2

Ɓoúbi phɔtɔ gea, mosá á kiɗia asu mɔtɛ-anu, ɗáɓásótambisigi phɔ́ na bóma asu ka Philípi. Mɔtɛ-anu phɔtɔ, Mokonga ɗásóphi ɓukpɛkpɛ á phɛá á Mbino-Ánjá nɛkɛ. Ɗéɓegi ɓó, nanga ɓî ɗáɓásóyé.

1 Timɔtɛ́ɔ 3:13

Kaɓondɔ, ɓabɛɗanigi ɓánjá, ɓáɓánde na ɓophombia, ɓáɓánde phɔtɔ na nseɓeɔ akpɛ ka ɓeekea nɛɓɔ k'ína á Kiísito Yéso.

Philɛmɔ́nɔ 1:8

Cɔ, nanga néɓá na kɔkɔta nde Kiísito ɗámopi, ka sosea akɔ kema nde ambe ɔ́tɔtɔkisɛ ú,