2 Ɓakɔlítɔ 3:1 - Ɔngana á Kɛ̌kɛ

¹ Ande gea te, ɓe goto ǒɗokomisa sasasu? Nga, ɓakpa ɓuangbo ɓána siki á phangia anu ɓaoɓa nde aoɗigimisa gea ɓende ɓabɛɗanigi. Ɓesu gǎkɛ, ɓe phɔtɔ na siki í?

2 Ɓakɔlítɔ 3:1 Iomraidhean Croise

Ekuma á ɓateki 18:27

Mbenɔ nde Apɔ́lɔ ɗáokonda gǎ na Akáya. Ɓaɓêki á ka Ɛphɛ́sɔ ɓáomopha ɓukpɛkpɛ, ɓáoɗundua ɓaoɓa gea te, ɓaɓêki á ka Akáya ɓánseseɛ ánjá. Ajú ye kó, áǒenga phɛɛ ɓunde ɓá ye ɓaɓêki ka ɓonjánja-ékondi ndea Mokonga.

Ɓalɔ́ma 16:1

Nenteki kanu nsae nɛsu Phɔíbɛ, mbɛɗanigi anjánjá ka kanisa á ka Kɛnkulɛ́a.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 16:3

Mbenɔ nde neokiɗia, nětekande ɓakpa nde ɓɔ̌sɔmbu na ɓaoɓa á gɛndɛanu na keɓu nɛnu na Yɛusalɛ́ma.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 4:15

Ka enda anu kimoci na Kiísito, nanga ɓótóɓá na ɓagoisigi elephu nkama (10.000), abanu a tɔ mo. Eme ámbé ne ye tɔ abanu suɓi á Yéso Kiísito, ka tɔ̌miaga anu Mbino-Ánjá.

2 Ɓakɔlítɔ 10:12

Ɗoni, ɓéké tanda okaɓa ékengeanisa na éingimianisa na ɓato á maca, ɓî ɓáǒɗokomisa sasaɓɔ. Ɓáobisa kipimɔ nɛɓɔ sisaɓɔ ka épima ně. Ɓáokáɓa ékengeanisa sasaɓɔ. Ɓakpa ndɔ ɓánde ɓabóbó.

2 Ɓakɔlítɔ 10:18

Nga, nkpa nde aǒɗokomisa sasakɛ, nna aámbé Mɔkɔta amɓeeki. A ndiu nkpa nde Mɔkɔta sasakɛ anɗokomisi.

2 Ɓakɔlítɔ 10:8

Mɔkɔta aámbé ɗásópi kɔkɔta ka gea ɓénómamisɛ ndiu nga, ɓékéokáɓa gúsa anu. Neǒbeba ně phɛɛ na ké gǎkɛ ɔtɔka na neku na soni í.

2 Ɓakɔlítɔ 12:11

Eme Pɔ́lɔ nɛɔyɔnga ɓea mbóbó nga, ɓenu Ɓakɔlítɔ ɓáunge ɓomososei nndɔ. Nanga ɓî kéna kantíti mosá anu, atókeni ɓenu ɓáunge ɓómoɗokomisɛ. Ɓateki nɛnu ɓundɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 12:19

Kanisia anu esa nde bui ande gea te ɓemɔ̂ kǒunia ka yɔnga mosá anu? Nna ɓó! Ɓɛɔyɔnga mosá á Mokonga, ɓíndɔ Kiísito aokonda, ka nyɔngɔ á mɔtisaga anu ka měma.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 5:12

Ande gea te, ɓékéǒbeba sasasu mosá anu. Ɓe ndiu konóngoɗea ɓuiki asu gea, ɓóóbebɛ na tambea asu, ɓóɓɛ phɔtɔ na nyɔngɔ á sikisia á ɓakpa nde ɓáǒbeba na kema nde aɔɔnɛkana, kaɓɛ ndiu kema nde a suɓi á měma.