2 Ɓakɔlítɔ 2:3 - Ɔngana á Kɛ̌kɛ

³ Kaɓondɔ unge, ɗénóɗundui gea, kébikɛku ka gea kěɓɛiɛmbɛ ɓakpa nde ɓátómotɛbisande ka kiɗiani mɔtɛ-anu. Ɗoni, nenoseɓei tɔ ɓenu ɓɔbu nga, neoúba gea, kema nde aomopa maseye a phɔtɔ ɓó ka ɓenu ɓɔbu.

2 Ɓakɔlítɔ 2:3 Iomraidhean Croise

1 Ɓakɔlítɔ 4:21

Cɔ, ɓokondi ɓo? Nébikɛ mɔtɛ-anu na gbútu, kaɓɛ na měma ékondi na ɓɔphɔngɔ?

2 Ɓakɔlítɔ 1:15

Cɔ, ɓî a ɓó, ɗéangi júa ani mɔtɛ-anu goto ka gea te, ɓóɓɛ na ngɔwa á dondana ani na ɓenu mɔngɔ iɓɛ.

2 Ɓakɔlítɔ 1:23

Eme gǎkɛ, nembisi Mokonga nɗigimisi ka enda ani. Aoɓá na nɛɔyɔnga mbɛa, ámomowɛ. Kéji ye na Kɔlítɔ ka nyɔngɔ nde neonokuia ngomi.

2 Ɓakɔlítɔ 12:11

Eme Pɔ́lɔ nɛɔyɔnga ɓea mbóbó nga, ɓenu Ɓakɔlítɔ ɓáunge ɓomososei nndɔ. Nanga ɓî kéna kantíti mosá anu, atókeni ɓenu ɓáunge ɓómoɗokomisɛ. Ɓateki nɛnu ɓundɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 12:21

Ne phɔtɔ oɓánga gea, ɓî nejúande goto mɔtɛ-anu, Mokonga kamokusɛmbɛ na soni mosá anu. Nga, něgámeande ɓakpa ɓásii ɓunde ɓákáɗeketimbɛ ɓojeɗe nɛɓɔ á kala na kětia tambea aɓɔ ka nyɔngɔ á ɓɔjɔɔkiɔ, otungɔ, mambɔ na ɓojeɗe nde ɓáogea.

2 Ɓakɔlítɔ 13:10

Kaɓondɔ unge, nenóɗundui ɓaoɓa ndee na neɗanga na ɓenu. Nga ne ye okiɗia, kékóndi néɓɛ nkáe ka kɔkɔta nde Mokonga amopi ka ɓenu. Kɔkɔta ndɔ nna á kusa anu, a ndiu ka mɔtisaga anu ka měma.

2 Ɓakɔlítɔ 2:9

Nga, ɗénóɗundui ka tombaga anu ka gea nɛ́ɔnɛ mmbe ɓooɓeekea nyɔngɔ nɛmɔ bui.

2 Ɓakɔlítɔ 7:12

Cɔ, kaɓɛ na ɗénóɗundui, nna tɔndɔ ka nyɔngɔ á nkpa ndɔ agi ájeɗe ka phɔa dakɛ, kaɓɛ mmɓɔ dakɛ angǐí ájeɗe. Ɓaoɓa ndɔ ɗá ndiu ka ɓenu gea te, ɓɔ́ɔnɛ sasanu mosá á Mokonga ɓî ɓosogǐí ánjá.

2 Ɓakɔlítɔ 7:16

Eme phɔtɔ, nena maseye. Nenóseɓei ka nyɔngɔ bui.

2 Ɓakɔlítɔ 7:6

Cɔ, Mokonga, mmbé a gǎkɛ ɔ̌kɔmbɛa ɓakpa iɓo á ngamɔ ɗásɔ́kɔ́mbɛi iɓo á ngamɔ ka kiɗia á Títɔ.

2 Ɓakɔlítɔ 7:8

Cɔ, nanga ɓaoɓa nde ɗénóɗundui ɗánɔɓɛisi, ké phɔ́ otangaaga nndɔ. Ɗétangaigi ndiu mbenɔ nde neúbi gea ɓaoɓa ndɔ ɗánɔɓɛisi ka mbenɔ ábɔa.

2 Ɓakɔlítɔ 8:22

Cɔ, ɓenteki dasu moci na ɓakpa ndɔ ɓáge. Mbusa á ɔnjia á tambea akɛ mɔngɔ ásii, áɔ̌sɔɔnisa gea ana moíngí phɛɛ. Kɛ̌kɛnde gǎkɛ, yɛ asui phɛɛ nga, anóbisíí měma.

Ɓagalatía 5:10

Eme, nenóseɓei suɓi á Mokonga. Neoúba gea, ɓókóɓɛku ye na kanisia nde atingani na kanisia nɛmɔ. Mmbé aonóyombokisa nanga áɓá ani, Mokonga atenande nyɔngɔ nɛkɛ akpɛ.

2 Ɓatɛsalɔníka 3:4

Ka nyɔngɔ índɔ unge ɓebisi měma asu ka Mɔkɔta ka gea, ɓɔ́tɔtɔkisɛ kema nde ɓenósósi, ɓíndɔ ɓootútuisa, na tɔtɔkisa í kɛ̌kɛnde.

Philɛmɔ́nɔ 1:21

Cɔ, nekoɗunɗui ka nyɔngɔ nde neoúba ɗoni gea, ɔtɔtɔkisande kema kɔnyɛ́nya nnde nekongoɗi.