2 Ɓakɔlítɔ 13:9 - Ɔngana á Kɛ̌kɛ

⁹ Eya, ɓena maseye ɓî ɓeútú, ɓô gǎkɛ oɓá na ɓukpɛkpɛ. Kema nde ɓɛɔmmɛma Mokonga ka ɓenu ande gea ɓóɓɛ kángá ɓojeɗe.

2 Ɓakɔlítɔ 13:9 Iomraidhean Croise

Ɓalɔ́ma 15:2

Ambe nkpa na nkpa ka ɓesu ágeɛ ánjá ka dakɛ n'índe amɓɔgɛande ka gea, ɓeekea nɛkɛ ámɔtɛ.

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

1 Ɓakɔlítɔ 2:3

Kaɓondɔ, mbenɔ nde eme ɗéjú mɔtɛ-anu, ɗékétú na ɓukpɛkpɛ, néoɓá na kɔɓɔɓɔkɔ, nyama áɔmɔsɔka.

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

2 Ɓakɔlítɔ 11:30

Aoɓá na nena siki ébeba, áɓɛ tɔ ka nyɔngɔ á utua ani.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 4:12

Cɔ, kukuwa aosóɓondea ɓesu, enda a gǎkɛ ka ɓenu.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 3:10

Keiphe n'esa, ɓeonɗengemisaga Mokonga gea, ɓégɛ ɓɛ́nɔɔnɛ goto, ɓɛ́gɔɓɛɛ tɔ̌miaga anu, nyɔngɔ bui á ɓeekea a Kiísito.

2 Timɔtɛ́ɔ 3:17

ka gea, nkpa ndea Mokonga ámɔtɛgɛ ka měma, áɓɛ na ɓukpɛkpɛ ka tɔtɔkisa á kema bui ánjá.

Ɓaɛbulanía 12:23

Ɓobîmisi phɔtɔ ɔma nde ɓ'ánge ndea Mokonga ɓádondanigi ka maseye, ɓunde ina aɓɔ ɓáɗundu na koba. Ɓombîmisi Mokonga mmbé aotenaga nyɔngɔ á ɓakpa ɓɔbu. Ɓobîmisi phɔtɔ měma á ɓato á ɗoni ɓunde ɗáɓásí, ɓáojujuka, ɓáojúa ka sungiaga á aphe nɛɓɔ mosá á Mokonga.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.