2 Ɓakɔlítɔ 13:7 - Ɔngana á Kɛ̌kɛ

⁷ Ɓɛɔmmɛma Mokonga te, ɓókógeɛmbɛ tanda ɓojeɗe. Ɓékéokonda ɔnisa á ɓukpɛkpɛ asu. Ɓe ndiu okonda gea, tambea anu áɓɛ ánjá nanga ɓásɔɔ́na ɓea ɓakpa nde ɓátugbanigi.

2 Ɓakɔlítɔ 13:7 Iomraidhean Croise

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Yoáni 17:15

Kɛ́ɔmɛmi gea te, óphúiɛ ɓakpa ndɔ ka mokonda. A ndiu gea, óambɛ ɓɔ na Ntombigi.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

Ɓalɔ́ma 12:17

Ɓókógisiɛmbɛ ɓojeɗe ka nkpa. Ɓáni na měma á tɔtɔkisa kema ánjá mosá á ɓakpa ɓɔbu.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 16:10

Nensambei Apɛ́lɛ mmbé aúbisi base ɓeekea nɛkɛ ka Kiísito. Něsambei ɓato á k'éndu ndea Aiistobúlo.

1 Ɓakɔlítɔ 11:19

(Eya, akeni katanaga áɓɛ sɔsɔɓɛ anu ka gea, ɓakiísito á ɗoni ɓáɔnɛkanɛ sɔsɔɓɛ anu.)

2 Ɓakɔlítɔ 10:10

Nga, ɓuangbo ɓáogea te: «Ɓaoɓa ndea Pɔ́lɔ akái na gbaga phɛɛ. Mbenɔ nde aoɓá sɔsɔɓɛ asu, áoɓá aɔlɔ, nyɔngɔ nɛkɛ â tɔ oɓá ecici.»

2 Ɓakɔlítɔ 10:18

Nga, nkpa nde aǒɗokomisa sasakɛ, nna aámbé Mɔkɔta amɓeeki. A ndiu nkpa nde Mɔkɔta sasakɛ anɗokomisi.

2 Ɓakɔlítɔ 13:6

Nekanisi te ɓoúbi gea, ɓékétugbanigi k'ékuma nesu.

2 Ɓakɔlítɔ 13:8

Nga, ɓékéokonda gea nnde atingani na ɗoni. Ɓe tɔ ɔbɛɗanaga ka úbisa anu ɗoni.

2 Ɓakɔlítɔ 13:9

Eya, ɓena maseye ɓî ɓeútú, ɓô gǎkɛ oɓá na ɓukpɛkpɛ. Kema nde ɓɛɔmmɛma Mokonga ka ɓenu ande gea ɓóɓɛ kángá ɓojeɗe.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

2 Ɓakɔlítɔ 8:21

Ɓeokáɓa gea ánjá, nna tɔndɔ mosá á Mɔkɔta, a ndiu phɔtɔ mosá á ɓakpa.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

1 Timɔtɛ́ɔ 2:2

Mɛmani phɔtɔ ka ɓaamɛ na ɓakɔta ɓɔbu á ka nji ka gea te, ɓéikɛ ka ɓujɛjɛ, ɓéɓɛ tɔ ɓato á ɓonjánja na ɓánga á Mokonga.

2 Timɔtɛ́ɔ 2:15

Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

2 Timɔtɛ́ɔ 4:18

Amoamisande ka ɓojeɗe bui á ɓaɓiɓia ani. Amoamisande ka ɓojeɗe bui, áomoenga ka ngisa ani ka koɓoamɛ nɛkɛ na koba. Cɔ, obebɔ áɓɛ ka yɛ ka saga na saga! Áɓɛ ɓó.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.