2 Ɓakɔlítɔ 13:5 - Ɔngana á Kɛ̌kɛ

⁵ Cɔ, óengani sasanu ka ɗigimisa gea, ɓonde ɓaɓêki á ɗoni. Ɓooúba gea, Kiísito a sɔsɔɓɛ anu. Nna ɓo? Kaɓɛ na nna ɓó, ámbé ɓotugbanigi suɓi á ɓeekea.

2 Ɓakɔlítɔ 13:5 Iomraidhean Croise

Yoáni 14:23

Yéso áonsikisia: «Aoɓá nkpa n'amokondi, aámbande nyɔngɔ nɛmɔ, Abɛ ankondande. Eme na Abɛ, ɓebikande mɔtɛ-akɛ na ika kimoci na yɛ.

Yoáni 15:4

Ikani suɓi ani, n'eme, neikɛ phɔtɔ suɓi anu. Ntabi nnaɔgɔmba sasakɛ na kájúkani na me á mujabíbu. Ɓo phɔtɔ ɓó. Nga, ɓókó phɔtɔ ɔtɔka na ɓɔgɔmbi ka měma, aoɓá na ɓókóiki suɓi ani.

Yoáni 17:23

Nɛɔmɛma gea, néɓɛ suɓi aɓɔ, n'oɓɛ suɓi ani ka gea, ɓáɓɛ kimoci ɗoni. Ɓondɔ unge, ɓato á ka mokonda ɓáúbande gea, oɓɛ aámbé ɗómoteki, ǒkondi phɔtɔ ɓíndɔ omokondi.

Yoáni 17:26

Ɗéúbisi ina akɔ ka ɓɔ na netútuisande úbisa aɓɔ ka gea, ekondi nde oně ka phɔa ani, áɓɛ ka phɔa aɓɔ na eme sasani néɓɛ suɓi aɓɔ.»

Yoáni 6:56

Mmbé aoea kesuku ani na noa á magia ani, eme neiki suɓi akɛ na yɛ aiki suɓi ani.

Yoáni 6:6

Ɗáyɔngi ɓó ka tomba akɛ nga, ɗáoúba kema nde ageande.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

Ɓalɔ́ma 8:10

A gǎkɛ oɓá Kiísito n'aiki suɓi anu, nanga nyama anu á kuwa ye ka nyɔngɔ á ɓojeɗe, Měma á kanga ɓojeɗe nnde á suɓi anu aunge aonoendisa nga, Mokonga a ye onotanga ɓato á koɗoni mosá akɛ.

1 Ɓakɔlítɔ 11:28

Cɔ, ambe nkpa na nkpa sasakɛ áɛnjiɛ tambea akɛ bîbíbí mpɔ, áeɛ mokati nde na noa divai á ka kiɓe ndee.

1 Ɓakɔlítɔ 11:31

Atúoɓá na ɓɛɛnji phɔ́ tambea asu bîbíbí, ámbe Mokonga kátótɛnɛku ka nyɔngɔ nɛsu.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

1 Ɓakɔlítɔ 6:15

Cɔ, ɓooɓosa gea, nyama anu ande gbútuka á nyama á Kiísito? Cɔ, akeni nɛ́bɛɗɛ phaeka á nyama á Kiísito, nébisɛ ú ka phaeka á nyama á nke á mambɔ? Tanda phɔ́.

1 Ɓakɔlítɔ 6:19

Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

1 Ɓakɔlítɔ 6:2

Ɓókóoúba gea, ɓakpa ndea Mokonga ɓáunge ɓátenaeka nyɔngɔ ndea ka mokonda? Cɔ, ɓî ɓotenaeka ú, ɓɔ́kɔ́ɔtɔka na ɓoteni nyɔngɔ ábɔbɔbɔa?

1 Ɓakɔlítɔ 9:24

Ɓókóoúba gea te, ɓo ɓea ɓato á njoko á gǎ á mbangɔ ɓásii? Nkpa moci tɔ ámbé ɓáɔnkɔma. Cɔ, ɓáni ɓea nkpa ndɔɔ.

1 Ɓakɔlítɔ 9:27

Ne gǎkɛ otambisaga nyama ani phɛɛ ka gea, nena kɔkɔta gǔ í. Ande ka gea, mbusa á phɛá á ɓakpa ɓuangbo, ɓákámoyɛgɛ mɔnɔ.

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓagalatía 4:19

Cɔ, ɓaniki amɔ, ne goto otambaga ka nyɔngɔ anu ɓea nke n'aka ɓoaé. Na ka ɓî aúbikanande base gea, Kiísito a suɓi anu.

Ɓagalatía 6:4

Akeni ndiu nkpa na nkpa áambɛ tambea akɛ sasakɛ. Aoɓá n'aóbeba áebebɛ ka yɛ sisakɛ. Kaékengeanisɛmbɛ ndiu na ɓakpa ɓunɛngbo.

Ɓaɛphɛ́sɔ 3:17

Ɓî ɓomɓeeki Kiísito, yɛ áikɛ ka měma anu. Édokoɗeani ɓóósimbiɛ akpɛ suɓi ékondani

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

1 Timɔtɛ́ɔ 2:15

Cɔ, ɓake ɓáamande ka měma ka nyɔngɔ á ɛɓɔkɔti, aoɓá na ɓátútuisi ɓeekea, ekondani, na měma á ɓonjánja.

2 Timɔtɛ́ɔ 3:8

Ɓakpa ndɔ ɓá ɓea Yánɛ na Yambúlɛ, ɓunde ɗáɓápúi kala na Mósa. Nga, ɓakpa ndɔ ɓáyé phɔtɔ nyɔngɔ á koɗoni bui, úbapha nɛɓɔ aújúkani, ɓeekea nɛɓɔ nna na kantíti.

Títɔ 1:13

Nyɔngɔ bui nde ɓáyɔngi ka phɔa Ɓakɛɛ́tɛ, ande ɗoni. Kaɓondɔ, óphekeaga akpɛ phɛɛ ka gea, ɓáɓɛ na ɓeekea á ɗoni,

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

Títɔ 2:2

Óngoɗea ɓaphomi á ɓǒko gea, ɓáɓɛ ɓato-éamba sasaɓɔ, ɓato-éɗokomisa, ɓato á kanisia ánjá, ɓáɓɛ na ɓeekea akpɛ, suɓi ékondi na phiphia.

Ɓaɛbulanía 12:15

Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

Ɓaɛbulanía 4:1

Mokonga ɗásɔɔku ɓesu gea, asóphande aphe á ngia ka muúmbiɔ nɛkɛ. Cɔ, ɓɛ́ɛnjiɛni ɓonjánja kaɓɛmbɛ na ka ɓesu moci mmbé aúkande aphe á ngia kau

Ɓaɛbulanía 6:8

A gǎkɛ oɓá oɗo ndɔ n'aɔtɛisa mbó ájeɗe n'índe á ngenge-ngenge, oɗo ndɔ nna na kantíti, Mokonga a bíbí á sɛmɛaga í. Sungiaga á í a tɔ toɓoa í.

Yakɔ́ɓɔ 4:4

Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.

1 Pɛ́tɛɛ 5:9

Ɓókogamanɛ na yɛ, kakamanani ka ɓeekea. Úbani gea ɓadanu ɓaɓêki ka mokonda bui ɓá tɔ ka tambaga ndɔɔ.

Mphaniɔ 2:5

Cɔ, kanisia phɔ́ tambea akɔ á mosá, kɛ̌kɛnde gǎkɛ, ogu. Cɔ, kětia tambea akɔ ájeɗe, ótambeɛ ɓíndɔ ɗótú otambea mosá. Kaɓɛ na kókěti tambea akɔ ájeɗe, ámbé nekobikiande, néophúia ɔbɛa nɛkɔ k'ɔ́ma í.